《G1格鬥會》Mimi 臨陣退賽，遭觀眾、網民鬧爆！

昨晚《G1格鬥會》第7集，本身除咗有Van仔鄧穎芝對Rika劉燕妮之外，仲有第2場復活戰 Mimi 王蘊妮對龍小菌。豈料播咗半集，pose 都擺好晒，上擂台臨打一刻，王蘊妮宣佈退出。




臨陣縮窒，小菌教練聽到都無奈白眼：


另一場復活賽，阿旦丁父憂退賽觀眾、網民覺得情有可原。今次王蘊妮就插爆喇，主要話佢天真、唔專重MMA，以為可以玩玩下；何況一早知要比賽就應該專心，而唔係用代表香港出賽為由退賽。亦有網民認為她不應在instagram以 "G1 Fighter "作招倈：

而王蘊妮退賽，真係應晒第一集，推廣到滑冰之餘，主持人阿V 問佢俾人打到溜唔到冰會點：You gonna run away? ya.

叫得做真人騷，究竟王蘊妮本人同節目表現有幾多成真就觀眾自己諗。但至少成功製造一朵溫室小花成為眾女不和以外另一話題。

梗係要炒八卦啦，因為觀眾都明白，外行人、加埋檔期問題，仲要訓練時間少，就算外行人都睇得出第一圈真係打落無乜好睇，太兒戲，直到昨晚Rika對賓穎先緊湊返啲。