《火線下的江湖大佬》李成昌撳鐘仔；網民：TVB 連妓女質素都離地過人

《火線下的江湖大佬》昨日第3集，其中一幕講到何其爽（鄭則士）要裝修單位俾放監的「南哥」黃光亮出冊住，但南哥要求多多，喺個細單位整個鴛鴦浴缸。被逼幫忙的老友「卡叔」李成昌頭痕之際，見到樓下一樓一主打「溫馨浪漫鴛鴦浴」，就撳鐘仔偷師點裝修法：

飾演呢位妓女「阿娟」嘅叫李旻芳，畢業自無綫第26期藝員訓練班，現為《東張西望》外景主持之一。近期除咗因為該節目派李旻芳到熊本獲當地災民接濟被各界討伐而為人記得之外，
（tvb 東張西望cap 圖）
之前着成咁去採訪潑水節，亦有唔少觀眾留意到佢：（tvb 東張西望cap 圖）

雖然有部分觀眾、網民覺得李旻芳樣貌平平，不過有更多觀眾，可能基於親身經歷，認為500蚊有此等貨色已經要「狗衝」，又話「撳100次鐘仔都未必有咁嘅質素」，可見「TVB連妓女質素都離地過人」。本人就無呢個經驗，有待尋歡之士評評理。咁當然，李成昌為咗買個氹阿娟講邊度買浴缸，前後俾咗1500蚊但乜都無「做」過，最後仲要俾苑瓊丹子撞到正兼誤會，都有好多觀眾覺得極之老套又唔合理。