黃子華電影回顧
黃子華早前上老蕭／蕭生蕭若元網台節目「消遙遊」「報恩」，提到雖然仲有興趣至少再做一次棟篤笑，不過就未有咁快度起。近來除咗同陳法拉有舞台劇，fans 想睇子華亦不妨翻煲佢嘅影壇作品，睇下曾自嘲票房毒藥的子華所拍嘅電影，係咪《娛樂圈血肉史2》所講「平唔等於cheap」。
（只列部分）
《神算》1992
（suling.blogspot 圖片）
黃子華銀幕初露頭角之作，做反派洪森（方剛）跟班William。始終老許擔正，又力捧黎明，子華戲份不多，但小人角色散發個人喜感。本片他同時與許冠文身兼編劇。
《人生得意衰盡歡》1993
（hkmdb圖片）
黃子華第2套編劇，雖然有李子雄、李麗珍掛帥，劉青雲飾演火爆的士司機「狄尼路」，惡搞馬田史高西斯同羅拔狄尼路 Taxidriver。最終票房收得5萬1。
《沙甸魚殺人事件》1994
（youku 圖片）
黃子華自編自演之作，想法唔錯，講都市邊緣人的壓抑和不安、對人不／無法信任。雖然趙崇基拍出嚟節奏偏悶，略嫌零碎，但偏向沉重、社會的題材，加埋精句台詞，J死一班fans。
《二月三十》1995
（suling.blogspot圖片）
低成本港產鬼片之中算正路；黃子華做八卦的警察陳查禮，首次提名金像獎最佳男配角。1997年的《猛鬼通宵陪住你》班底、格局、風格大致一樣，黃子華再次飾演陳查禮，好笑多過好驚，只是黃秋生換上另一影帝吳鎮宇。
（王朝圖片）
《呆佬拜壽》1995
（網易圖片）
想睇子華做奸角，唔一定要TVB《狀王宋世傑》的賴三和《奸人堅》，亦可以睇下《呆佬拜壽》的招積。
《金裝香蕉俱樂部》1996
（hkmdb 圖片）
黃秋生自編自導自演之作，明顯玩電台節目《香蕉俱樂部》，仲搵埋其中一個主持邵國華，同黃子華一齊編劇兼演出。以不同聽眾phone in 帶出劇情，上述3人，加埋林曉峰，每人分飾主持、聽眾、聽眾來電故事中的人物之餘，仲演出埋間場廣告，夠晒搞鬼。
《亞李．爸爸兩個大盜》1998
（hkmdb 圖片）
張達明、黃子華2個惡唔出樣嘅社會失敗者，打算劫金鋪食大茶飯，由練膽到買武器等，連場笑料，同時反映2個小人物的性格和蛻變，亦有黎耀祥和羅蘭的點睛演出。
《男歌女唱》2001
（hkmdb 圖片）
玩反差，梅艷芳演一個靚聲但台上膽怯的素人歌手。黃子華本為輔助梅艷芳成名，結果電影最終變成了余樂天式的搶鏡騷，效果平平。
《一蚊鷄保鏢》2002
（hkfilmart 圖片）
叫好不叫座，上映五日票房收11萬幾，定時定候被網民、傳媒「鞕屍」。睇過呢套片的觀眾相信同黃子華接受《蘋果日報》訪問時感受一樣：「用咗好多心機，裏面有咁有趣嘅嘢，但最後仆街仆成咁！」
《情意拳拳》2006
（lovehkfilm圖片）
同《男歌女唱》格局類似，子華訓練應采兒成為猜枚高手，向賤男安志傑報復。表面上題材都算新鮮，但劇情其實十分正路而老套，演出亦無驚喜，加上應采兒已經唔係吸引，仲要搭多2件安志杰、吳天瑜，卡士票房輸晒。
《嚦咕嚦咕對對碰》2007
（新浪圖片）
其實片名已經改壞，王晶炒冷飯咁嘅 feel。不過導演麥子善，拍過《醒獅》，都「唔少嘢」；而且劇本黃子華接到都頂唔順，《娛樂圈血肉史2》中自稱《嚦》與《「一蚊鷄」保鑣》相比只是「2毫」。加上李彩樺的演技，縱有諧星李燦森、張達明，觀眾亦笑唔出。全靠當年有《美女食神》佘詩曼、李克勤，否則一定橫掃坊間爛片獎項。
（只列部分）
《神算》1992
（suling.blogspot 圖片）
黃子華銀幕初露頭角之作，做反派洪森（方剛）跟班William。始終老許擔正，又力捧黎明，子華戲份不多，但小人角色散發個人喜感。本片他同時與許冠文身兼編劇。
《人生得意衰盡歡》1993
（hkmdb圖片）
黃子華第2套編劇，雖然有李子雄、李麗珍掛帥，劉青雲飾演火爆的士司機「狄尼路」，惡搞馬田史高西斯同羅拔狄尼路 Taxidriver。最終票房收得5萬1。
《沙甸魚殺人事件》1994
（youku 圖片）
黃子華自編自演之作，想法唔錯，講都市邊緣人的壓抑和不安、對人不／無法信任。雖然趙崇基拍出嚟節奏偏悶，略嫌零碎，但偏向沉重、社會的題材，加埋精句台詞，J死一班fans。
《二月三十》1995
（suling.blogspot圖片）
低成本港產鬼片之中算正路；黃子華做八卦的警察陳查禮，首次提名金像獎最佳男配角。1997年的《猛鬼通宵陪住你》班底、格局、風格大致一樣，黃子華再次飾演陳查禮，好笑多過好驚，只是黃秋生換上另一影帝吳鎮宇。
（王朝圖片）
《呆佬拜壽》1995
（網易圖片）
想睇子華做奸角，唔一定要TVB《狀王宋世傑》的賴三和《奸人堅》，亦可以睇下《呆佬拜壽》的招積。
《金裝香蕉俱樂部》1996
（hkmdb 圖片）
黃秋生自編自導自演之作，明顯玩電台節目《香蕉俱樂部》，仲搵埋其中一個主持邵國華，同黃子華一齊編劇兼演出。以不同聽眾phone in 帶出劇情，上述3人，加埋林曉峰，每人分飾主持、聽眾、聽眾來電故事中的人物之餘，仲演出埋間場廣告，夠晒搞鬼。
《亞李．爸爸兩個大盜》1998
（hkmdb 圖片）
張達明、黃子華2個惡唔出樣嘅社會失敗者，打算劫金鋪食大茶飯，由練膽到買武器等，連場笑料，同時反映2個小人物的性格和蛻變，亦有黎耀祥和羅蘭的點睛演出。
《男歌女唱》2001
（hkmdb 圖片）
玩反差，梅艷芳演一個靚聲但台上膽怯的素人歌手。黃子華本為輔助梅艷芳成名，結果電影最終變成了余樂天式的搶鏡騷，效果平平。
《一蚊鷄保鏢》2002
（hkfilmart 圖片）
叫好不叫座，上映五日票房收11萬幾，定時定候被網民、傳媒「鞕屍」。睇過呢套片的觀眾相信同黃子華接受《蘋果日報》訪問時感受一樣：「用咗好多心機，裏面有咁有趣嘅嘢，但最後仆街仆成咁！」
《情意拳拳》2006
（lovehkfilm圖片）
同《男歌女唱》格局類似，子華訓練應采兒成為猜枚高手，向賤男安志傑報復。表面上題材都算新鮮，但劇情其實十分正路而老套，演出亦無驚喜，加上應采兒已經唔係吸引，仲要搭多2件安志杰、吳天瑜，卡士票房輸晒。
《嚦咕嚦咕對對碰》2007
（新浪圖片）
其實片名已經改壞，王晶炒冷飯咁嘅 feel。不過導演麥子善，拍過《醒獅》，都「唔少嘢」；而且劇本黃子華接到都頂唔順，《娛樂圈血肉史2》中自稱《嚦》與《「一蚊鷄」保鑣》相比只是「2毫」。加上李彩樺的演技，縱有諧星李燦森、張達明，觀眾亦笑唔出。全靠當年有《美女食神》佘詩曼、李克勤，否則一定橫掃坊間爛片獎項。