[KJFOODLIFE 太子] 大啖咬牛腩手工包 超多手工啤酒

太子既酒吧好多，不過想一路嘆酒一路嘆好野食，呢度係一個好選擇，廚師係悉尼藍帶學院修讀，藍帶出品既野食一定有番咁上下質素。


話明係飲酒既好地方，門口點會少得大大個酒筒放係度呢，上面仲有好多唔同既酒，餐廳入面就有個大大既LAVA燈，黑黑地望入去好搶眼。



餐廳賣緊既酒係皇馬既贊助，入面有件球星簽哂名既皇馬球衣掛起左，作為足球迷既一定鍾意睇，因為有哂簽名真係珍貴。



用左紅磚牆做主色，似係外國啲小酒館一樣，當然唔少得好多酒樽既裝飾，其實成個店都唔係好大，所以座位都唔係好多，一眼都睇得哂。





牆上面有塊版寫左十大最受歡迎啤酒，即使只係手工啤已經有勁多選擇，有柚子有荔枝有咖啡味等等，真係花多眼亂，我地最後揀左第二位最受歡迎既《New Born》($72)，其實係無花果啤酒，帶有果味入口好香甜。




雖然唔係飲白酒，但係都要嘆埋當日精選既法國《La Lune生蠔》($48)，夠大舊又清新，有海水鹹味配上甜甜既酒又幾夾。



飲得啤酒一定有啲小菜送，《西班牙式炸薯粒》($65)，用上新鮮薯仔炸起熱辣辣又香口，撈埋溫泉蛋同底下既番茄香椒汁更惹味。




必叫既《Lava慢煮牛腩手工包》($69)，牛坑腩醃完再慢煮24小時，整成肉絲又鬆化又多汁，加上包都好軟熟好味，仲有塊超脆千層腐皮好有口感。



主菜就叫左《意大利煙肉蛋汁意大利粉》($158)，上面加左黑松露好香，蛋汁都幾杰身不過唔算太入味，比起前兩道小食有啲遜色。





甜品叫左分子料理，《LAVA分子蜂蜜海綿蛋糕配意大利雲呢拿雪糕》($72)個名真係好長，個蛋糕軟綿綿個蜂蜜味好香，配上紫色蛋白餅同雲呢拿雪糕一齊食又幾夾。


店名：LAVA Bar & Restaurant
地址：太子通菜街236號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE
Ublog: KJFOODLIFE飲食玩樂地圖
歡迎報料同合作:
Email: [email protected]
Mobile: 63525193

餐牌: