[KJFOODLIFE 中環] 大館古蹟開放 睇開幕季表演 (一)

中環警署古蹟保育大館5月29日正式開幕，部份設施已經開放參觀，大家可以網上預約，不過放工先去有部份設施已關門。





一共有16座古蹟建築活化後會重新開放，一去到就係好靚好古典既紅磚牆，重新活化之後係將磚寄去外國搵番本身既出產公司按原本個樣做出黎。



一上到去就見到警察總部前的檢閱廣場，其中最出名就係呢棵60年既芒果樹，每2至3年就會結出果實，到時就會有人升職或者有大事發生。




警察總部大樓係1919年落成，北面既外牆就係設計到古典復古，南面既就更樸素同有少少既古典設計，入面本身坐左大Sir，同曾有過唔同既用途。



入到去就會有長長既走廊好優雅，入面有警察招聘既條件，大家可以入黎睇下自己夠唔夠資格，另一面係畫左見board既場面。




樓梯都設計得好靚好古典，落去見到好靚既西方木門，仲有一個大大既中環地圖，入面畫上左中環既一啲著名既景點。






行入去就會見到古時餐廳，仲會有舊式收銀機同收音機，入面播放緊廣播劇同枱面上放左唔同既簡介，等你尤如置身餐廳一樣。



去到外面就係用上左舊式既鐵窗花，雖然做得好新淨都有懷舊既感覺，望去下面就係而家做既大館一百面展覽。




入面分左唔同既展區，包括左「行大館」、「逛大街」、「入店鋪」、「望中環」同「去茶記」五個主題展區。




設計上係想展現舊時中環地區，有好多唔同著名商店既招牌，細說大館一百個人既故事，入面有一啲髮形屋，大牌檔既展覽，連警察巡邏簿都可以拎黎寫。




歷史故事空間展出左中區警署用黎做警報既銅鑼，播出左中央裁判司署既第一宗案件影片，同埋係域多利監獄既主題剪影好似入冊，剪髮等等。




營房大樓又叫做「巴叻樓」，1864年興建原本有三層，1905年再起多一層，外型係維多利亞時期典型方式。



入面最有名既可以係呢個連絡橋，可以連接到C倉同營房大樓，係當時獄吏用黎出入既通道，三層既起法都有唔同既特色。




入面用上左白色同圓拱形設計，好有舊時英式既風格，感覺上成個建築都係比較西方色彩同優雅，每一層都可以望到去外面。




企左上面之後望出就係整個檢閱廣場，夜晚睇就好靚，入面仲有一啲警告都係以前既模樣。


地點：大館
地址：香港中環荷李活道10號

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎報料同合作:
Email: [email protected]
Mobile: 63525193
地圖: