[KJFOODLIFE 中環] 大館古蹟開放 睇開幕季表演 (二)

第二部份主要會講監獄操場與監倉，除左可以體驗一下坐監既滋味，可以睇埋入冊過程同埋咁多年既監獄歷史。



穿過左連絡橋，經過大館里，途中會見到A倉既入口，同埋會見到好多紅磚牆好有特色。




入去監獄操場之前會見到賽馬會藝方，由國際知名建築所Herzog & de Meuron設計，感覺好新穎有少少格格不入，不過七點閉館影唔到入面既迴旋樓梯。




監獄操場係囚犯作息地，鄰近D倉及F倉夠哂大既地方，最有特式既係呢個監獄圍牆，域多利監獄係中環中心，所以多次加高去隔絕民居，係打卡聖地。





D倉既外牆掛上左唔同既旗，外面仲有用上左入面石頭整出黎既人像石像，係寬敞環境下都可以欣賞下藝術作品。



另一幢新建既就係賽馬會立方，外形係用左環保回收鋁做成，而下面就係洗衣梯改成既樓梯，會用作為戶外放映電影之用。








旁邊就係E倉，外形係展現原貌，保存了較多建築結構和特色，入面簡潔白淨左，遲啲應該會有工作坊同有票房賣飛，同埋放左一啲座位可以影相。






之後就可以去埋則邊既D倉，暫時見到都重係整緊封左版，最尾有一間可以係窗仔見到入面既情況，有見到洗浴既地方。





1858年建設係最古舊既建築物，放射式監獄係而家唯一會留低既地方，入面放左唔同年代既展覽，講述餐飲既變化同埋囚犯工作。





一直行番出去就見到監獄長樓及C倉好有特色既外牆，同埋有樓梯都幾值得影相，行上去仲見到一啲瓦片既屋頂，真係好有懷舊既風味。





F倉展出左中區警署既時代變遷既故事同埋修復保育既過程，展出左成個地方既模型，真係做得超靚超細緻。








另外就係入冊過程，總共有十個步驟要做，好似要影相，放低財物，剪髮等等都有介紹，仲有果時既囚犯證同埋規則展出。當然唔少得最多人打卡既呢度囚犯度高牆。


建築群中央地方的B倉，因為收六點鐘所以無緣參觀，入面有8個囚室開放，有剪影介紹囚犯生活，亦都可以坐入去體驗一下鐵窗生活。






修復過程中意外發現既意外殖民地時期留下既教堂壁畫，最後決定原幅保留，而家大家就可以一次過睇到當時既畫作，不過大家記得唔好行入去整到咁有歷史既畫作。




法院庭既中央裁判司署正門好有名，就係葛柏受審後行既通道。望一望入面仲係裝修中，相信黎緊就會開放。


地點：大館
地址：香港中環荷李活道10號

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎報料同合作:
Email: [email protected]Mobile: 63525193

地圖: