[KJFOODLIFE 銅鑼灣] 銅鑼灣地下居酒屋 厚切新鮮魚生飯

係銅鑼灣大街旁有間居酒屋，今次我地唔去樓上舖，調一調轉要去樓下舖，旁邊好多唔同商店搶哂鏡，要細心啲睇先唔會錯過。


大家見到呢個入口就係店舖既門口喇，記得要望清楚一行入去就會見到有樓梯落去下，就會有個紅色居酒屋燈籠迎接你。



有好多唔同日式既裝飾，有啲位上面放左日本既燈籠，有埋酒名好似居酒屋一樣，仲有一啲童年回憶既玩具好似籃兒當入樽咁。





成間餐廳都用上左木系做設計，座位都幾闊落同埋坐得好舒服，連個餐牌都用上左木既封面好一致，杯碟都有日式花紋既裝飾。




話明係居酒屋當然唔少得就係酒喇，一入門口已經成個酒櫃真係日本酒應有盡有，仲有好多唔同既酒樽做裝飾。






見到呢個好吸引既《市場四色丼》($148)，一碗有齊哂三文魚帶子甜蝦同劍魚，食落又真係唔細碗，百幾蚊真係幾抵食，仲要刺身夠新鮮同勁厚切。



之後叫左《明太子玉子燒》($85)，玉子燒得依然嫩滑唔會過老，食落仲係好滑溜，中間釀入左明太子更加惹味。






另一個主食叫左《天婦羅手打烏冬》($118)，要讚既係天婦羅個外層炸皮真係夠薄身，入面既蝦彈牙再加埋蕃薯冬菇等等夠哂滿足。


店名：三川居酒屋
地址：銅鑼灣軒尼詩道499號永光商業大廈地庫

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: [email protected]

餐牌: