[KJFOODLIFE 尖沙咀] 平民法式小餐館 食盡咸甜可麗餅

法國菜成日都一道一道菜慢慢上，好似藝術品咁精巧，仲可以係慢慢咁食同享受，今次去試一試平民價嘆下不一樣既法國菜。




上到去果一層已經見到有畫牆，上面放左好多法國既畫，同埋好搶眼咁寫左指示牌，一邊餐廳用左開放式，雖然係商場但係就好似小餐廳咁有開放既設計。






入面既設計都好精緻，先有落地既玻璃望到外面既全景，仲有啲特色既字係玻璃上面，吊燈都好有設計感，另外設有個飲品吧台。




先叫一個小食《煎封芝麻呑拿魚》($138)，嫩紅既薄切呑拿魚，配上芝麻香同少少辣香，佐以甜酸柑橘汁同柑果肉，入口除魚油香更有果香。




蕎麥餅係法國家常口味，當然要試一試《蕃茄海鮮蕎麥薄餅》($128)，配以太陽蛋同芝士，蕎麥粉造成更薄更香同有淡淡蕎麥香，配上多份量既蟹肉帶子同蝦肉。





見到好吸引既《法式空運藍青口》($175)，用上香蒜蕃茜白酒汁煮成，青口較細隻不過食落都creamy，配埋新鮮炸薯條，條條都夠飽滿。另外再加左個黑松露薯蓉，入面仲有小小既薯粒同埋黑松露超香。




甜品點可以唔揀個招牌可麗餅，《肉桂蘋果法式可麗餅》($65)有肉桂香既蘋果同海鹽焦糖醬，配埋凍冰冰既雲尼拿雪糕十分滿足。


店名：Odelice!
地址：尖沙咀彌敦道100號The ONE4樓L407號舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE


歡迎合作或查詢:
Email: [email protected]

餐牌: