[KJFOODLIFE 深水埗] 深水埗台灣牛肉麵 蛋餅凍凍地塊皮淋淋地

有一日去深水埗買完野，突然間好想食台灣牛肉麵，深水埗都好多小店可以揀，即時搵下附近邊度有得食，即時就入左去試下。



入面既設計有台灣既小店感覺，用上左一啲灰牆同木台，坐低都幾似係台灣食緊牛肉麵，以深水埗既小店黎講算係幾乾淨同舒服。








入面有好多台灣既小標誌，好似一啲夜市攤檔既招牌，有大雞排麵線肉丸湯等等，仲有一啲好搞鬼既小海報，上面有四格既漫畫表達左好多得意既訊息。






既然最想食緊係要點《招牌紅燒牛肉麵》($56)，黎到個麵只係暖暖地，牛肉食落算淋同入味，湯底唔濃麵條扁身唔太彈牙，蘿蔔有渣唔淋又唔入味，都真係好失望下。


另外叫左個小食《起司蛋手抓捲餅》($34)，上枱時係凍既，塊皮係淋既，蛋係分離既，咬落去塊皮唔脆又一夾就散，勁多菜爆哂出黎，芝士只有一個位有勁唔平均。


店名：古早牛肉麵地址：深水埗福榮街116號地舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: [email protected]

餐牌: