[KJFOODLIFE 尖沙咀] 米芝蓮一星拉麵 招牌醬油人氣鹽味

全球道間米芝蓮一星日本拉麵店，香港人去到成日都朝聖，之前終於開左黎香港，終於都搵到機會去拜一拜會。



店舖好多地方都有放左米芝蓮既認證，而坐低之後位上面會有詳細說明湯料等等既製作資料，等客人食既時候可以更知道入面既精髓。






位置係入海港城既走廓，除左可以高高咁望住人來人往既入口之外，仲有圍住師傅坐既位置，今次我地仲坐正師傅面前睇住煮拉麵。







先試濃味少少既《醬油味玉拉麵》($113)，有分大同標準拉麵，細食啲既可以食標準，味玉煮得剛好中間微流心，湯底用海蜆魚乾鮮雞熬成，加上松露醬，麵條幼身掛汁唔錯。






呢一碗叫左四塊叉燒《鹽味味玉叉燒拉麵》($149)，叉燒用左豬肩胛肉嫩滑，鹽味用左沖繩特產海鹽同蒙古岩鹽調製，入口較為清新。




另外再叫左一個小食《日式煎餃子》($45)，一碟總共有五隻，皮包得好薄同埋煎得脆身，入面包左豬肉豆腐做餡料唔會好乾身。


日式店舖當然要飲番杯茶，呢個係《麥茶》，店員介紹係每日自己煲，無加上任何既添加物，所以飲落好香好濃夠膩一流。

店名：蔦
地址：尖沙咀廣東道3-27號海港城港威商場地下G111號舖

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Website: KJFOODLIFE飲食玩樂地圖
Openrice: KJFOODLIFE

歡迎合作或查詢:
Email: [email protected]

餐牌: