[KJFOODLIFE 尖沙咀] 重量原條鰻魚 mamaday開分店

納入狠狠懲罰系列原因 - 店內文宣、開放店面供人休息、柒婆錄音機紙巾、參與罷工
銅鑼灣果陣已經食過好好食，今次去到尖沙咀緊係要再幫襯，難得唔洗過海就食到，仲要係好味又值得幫襯既店舖更加要大大力支持。




環境都算幾大而且座位唔迫，唔會同其他人貼得好埋咁坐，中間有個開放式既吧位，有好多唔同既得意擺設好似小雲同龍珠都有，另外則邊就係好多人打卡既佛祖。




全店都充滿住搞得新奇風，有好多名人既畫像，不過唔係正經版而係惡搞版，好吸睛既彩色咕嘍骨，仲要每張枱都有唔同既擺設夠心思。



當然唔少得連餐牌同埋餐具都要搞下新意思，上面全部都有唔同既標語，好似餐紙巾咁都有個佛系減肥，之前個柒婆人肉錄音機紙巾仲夠哂出名。



黎到真係必食招牌《唔好抱咁大期望蒲燒鰻魚蛋包飯》($146)，原本係半條只要加廿幾蚊就有原條鰻魚緊係加爆佢，大大條鰻魚勁好肉地，加上香濃既木魚同鰻魚汁超好味，蛋用左日本進囗雞蛋有保證又夠嫩滑，值得一食再食。





尖沙咀店限定既《蒜蓉虎蝦比薩鍾意食既會好鍾意食》($128)，同個名一樣我真係超鍾意食因為個蒜蓉味真係超出，岩哂我呢啲蒜蓉怪，虎蝦夠彈牙又大隻，比薩薄身焗得好脆囗。


野飲就叫左《抹茶牛奶無咖啡架優豬》($48)，個杯超正連埋杯蝶夾埋就係痴痴呆呆坐埋一枱，抹茶粉真係用左好多有陣陣茶澀味，不過奶味就偏重。


店名：Mamaday
地址：尖沙咀加連威老道29號信基商業中心2樓
銅鑼灣霎西街28號必發大廈1樓

即刻入去Like & Share埋我地既其他頻道:
Facebook: KJFOODLIFE飲食玩樂地圖
Instagram: KJFOODLIFE
Openrice: KJFOODLIFE

歡迎合作或查詢:
Email: [email protected]

餐牌