浪茄 – 去過一次必會愛上嘅隱秘沙灘
如果我話浪茄係香港沙灘中嘅秘密天堂，應該冇咩人會反對⋯⋯
不過如果唔係行開山嘅朋友，對浪茄嘅認識可能只限遊船河會泊岸嘅沙灘。
當然，本身浪茄灣已經係一個好靚好靚嘅沙灘，水清沙幼唔在講⋯
⋯佢三面都俾山圍住令佢成為咗一個天然堡壘，一來冇車可以直接到，二來最快都要行大約20 ～ 30分鐘嘅山路，先可以到達呢個咁隱秘嘅沙灘(最下面會教大家點行)，所以人極少，變咗好似係你嘅私人沙灘咁～
浪茄 行山
我記得對上一次去已經2、3 年前：
30度高溫底下，踢住拖，由西貢東霸經山路行入去。
呢條山路入去過程唔難行(所以踢拖都得)，而每一次行到中段，都會俾呢個景色吸引住，停留一陣⋯⋯
(大家唔洗驚會有好多船就會有好多人喺沙灘，呢度咁多隻船，但係最多都係3、40人會上沙灘)
不過呢條路黃昏時份會比較多蚊，所以要做好防蚊措施，或者可以帶呢個電子驅蚊器！
行過呢條路之後就會一路落沙灘，有石級俾你行，但係每一級都好大級，所以都要小心行哦～
向下行大約10分鐘，就會去到一個小叢林，行過叢林就係沙灘㗎啦(有一種發現世外桃園嘅感覺)～
講返轉頭：
上次去浪茄，水都冇落，鋪咗張蓆就喺上面瞓著咗⋯⋯
10米以外有兩個好白淨、著住Bikinis、(遠睇好似幾靚嘅)日本妹瞓喺度曬太陽，仲有隻柴犬走嚟走去⋯⋯
喺我嘗試喺烈日當空底下進入冥想狀態嘅時候，有啲嘢喺我耳邊索下索下⋯⋯
一打開眼，就見到隻柴犬喺我個頭度係咁聞(當然唔係個日本妹啦)⋯⋯
然後個日本妹用唔咸唔淡嘅廣東話大叫：
「炒麵！炒麵！COME HERE！」
「炒麵」當然冇理佢繼續喺度聞我個頭啦⋯⋯
浪茄灣然後其中一個著住白色Bikinis、扎住髮髻、戴住黑超嘅日本妹，跌跌盪盪咁跑過嚟想捉番走佢⋯⋯
近睇，係靚嘅！
身材有啲似佐野雛子嗰款⋯⋯
佢走過嚟微微鞠躬，用唔咸唔淡嘅廣東話講：
「唔好意思！」
跟住落嚟，當然咩事都冇發生⋯
⋯因為女朋友坐咗喺我隔離。
不過，呢段小小嘅經歷，令我更加肯定一樣嘢：
“浪茄，的確係一個天堂！”
如果再去，一定會試下喺浪茄露營，唔洗帶好多嘢，帶個COOKOUT 850就可以煮嘢食！
電筒同露營燈就可以帶細細個、但係光度同持久力都夠晒強嘅 LYCAN PRO T6 或者 Monster Eye，又PRO又慳位！
好啦，究竟點入浪茄呢？
西貢郊野公園
基於小弟唔係真係好熱衷行山，所以一定唔會由西灣亭嗰邊入(要行幾個鐘頭㗎)⋯⋯
所以我覺得最快最舒服嘅方法係：
喺西貢碼頭截去萬宜水庫東壩嘅綠色的士；
落車就會見到去浪茄嘅指示牌，請沿路上去；
沿住山路先上後落，就會去到浪茄沙灘。
注意事項：
浪茄屬於西貢郊野公園範圍，私家車冇許可證係唔可以揸入去的，所以搭的士穩陣；雖然浪茄人煙稀少，但一日裡頭經過浪茄嘅行山者都唔少，所以要保管好自己嘅財物；
因為該沙灘冇垃圾桶，更冇清潔該處嘅人員，所以務必要將垃圾帶走，以免破壞咁靚嘅沙灘。
希望呢啲入浪茄小TIPS幫到大家，同埋大家都鐘意呢個「秘密沙灘」啦！
不過如果唔係行開山嘅朋友，對浪茄嘅認識可能只限遊船河會泊岸嘅沙灘。
當然，本身浪茄灣已經係一個好靚好靚嘅沙灘，水清沙幼唔在講⋯
⋯佢三面都俾山圍住令佢成為咗一個天然堡壘，一來冇車可以直接到，二來最快都要行大約20 ～ 30分鐘嘅山路，先可以到達呢個咁隱秘嘅沙灘(最下面會教大家點行)，所以人極少，變咗好似係你嘅私人沙灘咁～
浪茄 行山
我記得對上一次去已經2、3 年前：
30度高溫底下，踢住拖，由西貢東霸經山路行入去。
呢條山路入去過程唔難行(所以踢拖都得)，而每一次行到中段，都會俾呢個景色吸引住，停留一陣⋯⋯
(大家唔洗驚會有好多船就會有好多人喺沙灘，呢度咁多隻船，但係最多都係3、40人會上沙灘)
不過呢條路黃昏時份會比較多蚊，所以要做好防蚊措施，或者可以帶呢個電子驅蚊器！
行過呢條路之後就會一路落沙灘，有石級俾你行，但係每一級都好大級，所以都要小心行哦～
向下行大約10分鐘，就會去到一個小叢林，行過叢林就係沙灘㗎啦(有一種發現世外桃園嘅感覺)～
講返轉頭：
上次去浪茄，水都冇落，鋪咗張蓆就喺上面瞓著咗⋯⋯
10米以外有兩個好白淨、著住Bikinis、(遠睇好似幾靚嘅)日本妹瞓喺度曬太陽，仲有隻柴犬走嚟走去⋯⋯
喺我嘗試喺烈日當空底下進入冥想狀態嘅時候，有啲嘢喺我耳邊索下索下⋯⋯
一打開眼，就見到隻柴犬喺我個頭度係咁聞(當然唔係個日本妹啦)⋯⋯
然後個日本妹用唔咸唔淡嘅廣東話大叫：
「炒麵！炒麵！COME HERE！」
「炒麵」當然冇理佢繼續喺度聞我個頭啦⋯⋯
浪茄灣然後其中一個著住白色Bikinis、扎住髮髻、戴住黑超嘅日本妹，跌跌盪盪咁跑過嚟想捉番走佢⋯⋯
近睇，係靚嘅！
身材有啲似佐野雛子嗰款⋯⋯
佢走過嚟微微鞠躬，用唔咸唔淡嘅廣東話講：
「唔好意思！」
跟住落嚟，當然咩事都冇發生⋯
⋯因為女朋友坐咗喺我隔離。
不過，呢段小小嘅經歷，令我更加肯定一樣嘢：
“浪茄，的確係一個天堂！”
如果再去，一定會試下喺浪茄露營，唔洗帶好多嘢，帶個COOKOUT 850就可以煮嘢食！
電筒同露營燈就可以帶細細個、但係光度同持久力都夠晒強嘅 LYCAN PRO T6 或者 Monster Eye，又PRO又慳位！
好啦，究竟點入浪茄呢？
西貢郊野公園
基於小弟唔係真係好熱衷行山，所以一定唔會由西灣亭嗰邊入(要行幾個鐘頭㗎)⋯⋯
所以我覺得最快最舒服嘅方法係：
喺西貢碼頭截去萬宜水庫東壩嘅綠色的士；
落車就會見到去浪茄嘅指示牌，請沿路上去；
沿住山路先上後落，就會去到浪茄沙灘。
注意事項：
浪茄屬於西貢郊野公園範圍，私家車冇許可證係唔可以揸入去的，所以搭的士穩陣；雖然浪茄人煙稀少，但一日裡頭經過浪茄嘅行山者都唔少，所以要保管好自己嘅財物；
因為該沙灘冇垃圾桶，更冇清潔該處嘅人員，所以務必要將垃圾帶走，以免破壞咁靚嘅沙灘。
希望呢啲入浪茄小TIPS幫到大家，同埋大家都鐘意呢個「秘密沙灘」啦！