Ocamp風光的背後⋯⋯
想當年：
Korgear 4子大學嘅時候都係一齊上莊，間唔時少不免行開行埋都會講返當年搞Ocamp嘅趣事⋯⋯
可惜嘅係⋯⋯
佢哋三個講嘅任何「趣事」，都與我無關，冇一件我係身處現場親身目睹嘅⋯⋯
點解呢？
因為我係Ocamp嘅營長！！
做Ocamp營長背後嘅代價⋯⋯
當年嘅Ocamp，除咗我之外，黑面、藍牙、紅牛分別都係各組嘅組爸。
當第一日班組仔組女出去油尖旺玩Treasure Hunt嘅時候，身為組爸嘅佢哋梗係使盡渾身解數，務求令班組仔組女團結一致，攞多啲分⋯⋯
呢啲過程入邊，搞笑野就一定大把。
更重要嘅係，可以同一班Freshmen建立深厚嘅感情！
而我呢個營長⋯⋯
除咗搬所有物資入營之外，就係瘋狂入500個水彈，入到個人躁晒⋯⋯
ocamp 遊戲係第一晚嘅營火晚會用完呢500個水彈之後，組爸組媽就梗係同班仔女返房玩Ocamp房game⋯⋯
嗰啲咩Black Magic呀、上山落山呀，Truth or dare呀、講下啲城大七不思議故事呀，必玩㗎啦！
而我呢個營長⋯⋯
又要準備聽朝早另一個Ocamp 遊戲，要再入多500個水彈⋯⋯
入完嘅時候，已經係凌晨三點。
當然，對一個Ocamp嚟講，凌晨三點都仲係好早啫！
我梗係第一時間沖曬涼，就入房玩啦⋯⋯
而，現實係：
入咗房坐低唔夠15分鐘，就昏迷左。
就係咁，第二朝又七點起身。
而，基本上第二日成個人都係行屍走肉。
係整個Ocamp裏面，唯一我可以同班組仔組女有直接接觸嘅，竟然係⋯⋯
⋯⋯情景遊戲。
個遊戲係咁嘅：
假扮有工作人員嘅相機唔見咗；
然後召集所有組爸組媽組仔組女喺禮堂；
大家一齊討論究竟報警終止Ocamp，定係俾工作人員搜每一個人個袋。
當然，啲組爸組媽會喺旁邊加鹽加醋啦，然後再慫恿一啲比較有主見嘅組仔組女一齊討論（通常呢啲我哋都會搵佢哋做下莊）。
當大家爭持激烈，究竟報警定係搜袋之際⋯⋯
我呢個營長⋯⋯
梗係都要講返兩句「搞Ocamp好辛苦呀」、「唔想就咁就完呀」之類啦⋯⋯
唔識做戲嘅我，講唔夠兩句，就諗起呢兩日嘅辛酸，唔小心講到喊咗出嚟⋯⋯
好在嗰陣時冇冰凍毛巾，我都仲有藉口話嗰啲係汗，唔係眼淚⋯⋯
不過冇人信。
就係咁，我嘅眼淚感動到大家，將所有嘅糾紛、矛盾都化為諒解～
亦都因為咁，之後大家都討論唔到落去（可能係因為我太有說服力啦），我哋都唯有終止呢個遊戲⋯⋯
而就係因為呢個遊戲，係我之後嗰兩年嘅大學生帶裏面，起碼呢班組仔組女都仲識叫我一聲「營長」，同埋「唔好喊啦」⋯⋯
諗返轉頭⋯⋯
當時諗都冇諗過會同呢班莊員一齊創立KorGrearsForLife.com⋯⋯
所以，如果睇緊呢篇文嘅你係上緊莊嘅話，記住一句說話：
「千祈千祈記住記住唔好潛莊！」
完。
P.S. 不論係搞Ocamp、或者搞咩活動都好，一定辛苦，不過只要你捱過、經歷過，得著一定比你付出的更多！
Korgear 4子大學嘅時候都係一齊上莊，間唔時少不免行開行埋都會講返當年搞Ocamp嘅趣事⋯⋯
可惜嘅係⋯⋯
佢哋三個講嘅任何「趣事」，都與我無關，冇一件我係身處現場親身目睹嘅⋯⋯
點解呢？
因為我係Ocamp嘅營長！！
做Ocamp營長背後嘅代價⋯⋯
當年嘅Ocamp，除咗我之外，黑面、藍牙、紅牛分別都係各組嘅組爸。
當第一日班組仔組女出去油尖旺玩Treasure Hunt嘅時候，身為組爸嘅佢哋梗係使盡渾身解數，務求令班組仔組女團結一致，攞多啲分⋯⋯
呢啲過程入邊，搞笑野就一定大把。
更重要嘅係，可以同一班Freshmen建立深厚嘅感情！
而我呢個營長⋯⋯
除咗搬所有物資入營之外，就係瘋狂入500個水彈，入到個人躁晒⋯⋯
ocamp 遊戲係第一晚嘅營火晚會用完呢500個水彈之後，組爸組媽就梗係同班仔女返房玩Ocamp房game⋯⋯
嗰啲咩Black Magic呀、上山落山呀，Truth or dare呀、講下啲城大七不思議故事呀，必玩㗎啦！
而我呢個營長⋯⋯
又要準備聽朝早另一個Ocamp 遊戲，要再入多500個水彈⋯⋯
入完嘅時候，已經係凌晨三點。
當然，對一個Ocamp嚟講，凌晨三點都仲係好早啫！
我梗係第一時間沖曬涼，就入房玩啦⋯⋯
而，現實係：
入咗房坐低唔夠15分鐘，就昏迷左。
就係咁，第二朝又七點起身。
而，基本上第二日成個人都係行屍走肉。
係整個Ocamp裏面，唯一我可以同班組仔組女有直接接觸嘅，竟然係⋯⋯
⋯⋯情景遊戲。
個遊戲係咁嘅：
假扮有工作人員嘅相機唔見咗；
然後召集所有組爸組媽組仔組女喺禮堂；
大家一齊討論究竟報警終止Ocamp，定係俾工作人員搜每一個人個袋。
當然，啲組爸組媽會喺旁邊加鹽加醋啦，然後再慫恿一啲比較有主見嘅組仔組女一齊討論（通常呢啲我哋都會搵佢哋做下莊）。
當大家爭持激烈，究竟報警定係搜袋之際⋯⋯
我呢個營長⋯⋯
梗係都要講返兩句「搞Ocamp好辛苦呀」、「唔想就咁就完呀」之類啦⋯⋯
唔識做戲嘅我，講唔夠兩句，就諗起呢兩日嘅辛酸，唔小心講到喊咗出嚟⋯⋯
好在嗰陣時冇冰凍毛巾，我都仲有藉口話嗰啲係汗，唔係眼淚⋯⋯
不過冇人信。
就係咁，我嘅眼淚感動到大家，將所有嘅糾紛、矛盾都化為諒解～
亦都因為咁，之後大家都討論唔到落去（可能係因為我太有說服力啦），我哋都唯有終止呢個遊戲⋯⋯
而就係因為呢個遊戲，係我之後嗰兩年嘅大學生帶裏面，起碼呢班組仔組女都仲識叫我一聲「營長」，同埋「唔好喊啦」⋯⋯
諗返轉頭⋯⋯
當時諗都冇諗過會同呢班莊員一齊創立KorGrearsForLife.com⋯⋯
所以，如果睇緊呢篇文嘅你係上緊莊嘅話，記住一句說話：
「千祈千祈記住記住唔好潛莊！」
完。
P.S. 不論係搞Ocamp、或者搞咩活動都好，一定辛苦，不過只要你捱過、經歷過，得著一定比你付出的更多！