煙肉腸仔奄烈－宅男回憶

如果唔係世衛將煙肉、腸仔、午餐肉呢啲加工肉類列為最高風險致癌物⋯

⋯我都唔想再提起呢段宅男回憶⋯⋯

仲記得早兩三年，啱啱開始自己創業⋯⋯

嗰陣時都幾大膽，工又冇返，收入又冇，日日匿埋喺屋企搞Online Business。

壓力大不在話下，每一日坐喺電腦面前十幾二十個鐘都咪話唔甘！

當然，當時未開到源，就唯有節流啦～～

一日三餐都喺係屋企食，真係成個宅男咁！

不過日日喺屋企食，都咪話唔悶！
去到一個地步，唔係話唔想慳錢，但係我嘅內心強烈地控訴：

「放我出去呀～～～！」

就係咁，喺一個炎炎夏日嘅禮拜三下晝，我決定去附近間茶餐廳食個晏、抖下氣。

點解我咁記得係星期三？

因為只有星期三先嘅特餐先有煙肉腸仔奄烈出前一丁⋯

⋯同埋「佢」—— 年輕嘅侍應小姐。

大家千祈唔好以為呢個又係甜故，因為侍應小姐絕對無「韓國通渠美少女」嘅婀娜多姿⋯⋯純情學生妹依我睇，佢只係一個做暑期工嘅純情學生妹。

就算係咁，每一次佢帶住青澀嘅笑容，端上嗰份煙肉腸仔奄烈⋯

⋯我個心都好似被溶化一樣⋯

彷彿喺佢嘅世界裡面，沒有壞人，沒有不公平，沒有苦難⋯⋯

喺佢嘅笑容裡面，我見到嘅，只有希望！

所以，縱使我食緊嘅煙肉腸仔奄烈係最高風險致癌物，但係我一丁點被傷害嘅感覺都冇⋯⋯

(我知我係幻想多咗，但係宅男就係咁⋯⋯)

就係咁，暑假嘅每個星期三，我都會去食個特餐，順便可以舒解一下壓力。

就算到依家，每當我星期三得閒嘅話，都會去食個特餐，懷緬一下過去，警惕自己⋯

⋯直到早幾日世衛宣佈煙肉同埋腸仔呢啲加工肉類，係最高風險致癌物⋯⋯

嗰間茶記，夠膽死將個奄烈改做蘑菇奄烈！TMD！
呢一刻，我知道我要同呢段宅男回憶講再見⋯⋯ And Move Forward！

當然，我唔會同煙肉同腸仔Say Goodbye，因為我明白一個道理：

「做人，總要承擔一定程度嘅風險！」

正如，你選擇做生意，你既風險係可能會生意失敗。

而如果你選擇打工，你嘅風險就係可能冇機會發達。

亦都好似我哋嘅王牌產品「貼廁泵」一樣：

買一兩塊喺屋企看門口，你嘅風險係百幾蚊買咗啲嘢返屋企冇用過；

但係如果你冇買到，你嘅風險就係要洗千幾蚊搵通渠佬通渠而又唔一定幫你通到！

<<你願意承擔選擇我們的風險嗎？>>