為何喜歡寫作？
為何喜歡寫作？
其實我都唔知⋯⋯
明明由小學至中學至大學都從來唔鍾意寫嘢，唔好話寫嘢，基本上小弟係唔鍾意「字」。
教課書唔在講，更加一定唔會睇課外書⋯⋯
圖書館借親返嚟剩係得字嗰啲書，每次打開唔夠十分鐘就會恰著，重要流埋口水落本書度，搞到佢黃上加黃。
其實以上嘅嘢喺小弟另一篇「閱讀的好處」都略略提過，提多次係因為我相信，喜歡寫作嘅人多數都喜歡閱讀。
“You are what you read.”
你平時餵你個腦食啲咩，你就係一個點樣嘅人。
當然，睇嗰幾本書仔，唔足以令一個人有寫作嘅信心，更莫講話能力(不過其實我覺得每個人本身都有一定嘅寫作能力，陣間解釋)⋯⋯
真正令我由一個好憎「字」嘅人變為喜歡寫作，其實，都係由環境迫成嘅⋯⋯
⋯⋯所謂環境迫成，其實係自己迫自己。
話說早幾年仕途上轉戰Online Marketing，乜都唔識由零開始，所有認為可以幫到自己生意嘅嘢都會做。
真金白銀俾錢網上賣廣告、拍片放YouTube、寫Blog，每樣都做齊⋯⋯
而其中花最多時間同心力嘅，必然係寫Blog同拍片！
都係嗰句，環境所迫(真係要搵錢㗎大佬)，所以當時迫自己每日寫一篇文同埋拍一條片，用嘅係英文⋯⋯
就係咁，我由Day 1好驚好擔心啲人睇完我啲嘢唔知會唔會笑我低能笑我英文差，到我鍾意寫咩就寫咩攞埋自己嘅人生出嚟寫笑下自己，維持咗兩年⋯⋯
嗱，我唔係話要炫耀自己啲英文有幾勁，識我嘅人都知我今時今日啲英文都係半桶水⋯⋯
⋯⋯但係就算英文唔好，一樣可以寫到一啲文章令睇完啲人會留言多謝你，share出去，甚至買你嘅Product！
點做到？
寫你自己嘅故事。
「我手寫我心」 － 你心入面諗嗰句，就寫嗰句，即使嗰句嘢係粗口。
寫出你自己嘅立場，唔好諗住討好所有觀眾。
而其實我覺得寫作最好玩嘅地方，就係你可以做番當下嘅自己⋯⋯
⋯⋯唔需要表情，唔需要別人嘅反應，唔需要為過去嘅犯錯懊惱，亦唔需要為將來擔憂⋯⋯
⋯⋯純粹地寫出你自己心中所想。
而我相信你越能忠實地表現自己心中所思所想，越係能夠感染到觀眾。
不過，唔好以為純粹依照自己嘅「慾望」所寫嘅嘢冇乜用，又或者好多人會覺得今時今日揸筆邊有飯開⋯⋯
其實啱啱相反！
雖則紙媒已死，但活喺呢個互聯網時代(好似係)，所有人搵資料都係喺網上面去search。
你search到嘅，絕對唔會只有大台(or主流媒體)餵俾你嘅資訊，而係更加中肯，更加人性化嘅搜尋結果。
即係話，你肯寫，就絕對會有人睇！你肯表達你自己，就絕對有人會俾反應你，無論好壞。
好啦，其實係度9up咗咁耐，都係因為諗唔到寫咩⋯⋯
呢篇差唔多，下次再講！
其實我都唔知⋯⋯
明明由小學至中學至大學都從來唔鍾意寫嘢，唔好話寫嘢，基本上小弟係唔鍾意「字」。
教課書唔在講，更加一定唔會睇課外書⋯⋯
圖書館借親返嚟剩係得字嗰啲書，每次打開唔夠十分鐘就會恰著，重要流埋口水落本書度，搞到佢黃上加黃。
其實以上嘅嘢喺小弟另一篇「閱讀的好處」都略略提過，提多次係因為我相信，喜歡寫作嘅人多數都喜歡閱讀。
“You are what you read.”
你平時餵你個腦食啲咩，你就係一個點樣嘅人。
當然，睇嗰幾本書仔，唔足以令一個人有寫作嘅信心，更莫講話能力(不過其實我覺得每個人本身都有一定嘅寫作能力，陣間解釋)⋯⋯
真正令我由一個好憎「字」嘅人變為喜歡寫作，其實，都係由環境迫成嘅⋯⋯
⋯⋯所謂環境迫成，其實係自己迫自己。
話說早幾年仕途上轉戰Online Marketing，乜都唔識由零開始，所有認為可以幫到自己生意嘅嘢都會做。
真金白銀俾錢網上賣廣告、拍片放YouTube、寫Blog，每樣都做齊⋯⋯
而其中花最多時間同心力嘅，必然係寫Blog同拍片！
都係嗰句，環境所迫(真係要搵錢㗎大佬)，所以當時迫自己每日寫一篇文同埋拍一條片，用嘅係英文⋯⋯
就係咁，我由Day 1好驚好擔心啲人睇完我啲嘢唔知會唔會笑我低能笑我英文差，到我鍾意寫咩就寫咩攞埋自己嘅人生出嚟寫笑下自己，維持咗兩年⋯⋯
嗱，我唔係話要炫耀自己啲英文有幾勁，識我嘅人都知我今時今日啲英文都係半桶水⋯⋯
⋯⋯但係就算英文唔好，一樣可以寫到一啲文章令睇完啲人會留言多謝你，share出去，甚至買你嘅Product！
點做到？
寫你自己嘅故事。
「我手寫我心」 － 你心入面諗嗰句，就寫嗰句，即使嗰句嘢係粗口。
寫出你自己嘅立場，唔好諗住討好所有觀眾。
而其實我覺得寫作最好玩嘅地方，就係你可以做番當下嘅自己⋯⋯
⋯⋯唔需要表情，唔需要別人嘅反應，唔需要為過去嘅犯錯懊惱，亦唔需要為將來擔憂⋯⋯
⋯⋯純粹地寫出你自己心中所想。
而我相信你越能忠實地表現自己心中所思所想，越係能夠感染到觀眾。
不過，唔好以為純粹依照自己嘅「慾望」所寫嘅嘢冇乜用，又或者好多人會覺得今時今日揸筆邊有飯開⋯⋯
其實啱啱相反！
雖則紙媒已死，但活喺呢個互聯網時代(好似係)，所有人搵資料都係喺網上面去search。
你search到嘅，絕對唔會只有大台(or主流媒體)餵俾你嘅資訊，而係更加中肯，更加人性化嘅搜尋結果。
即係話，你肯寫，就絕對會有人睇！你肯表達你自己，就絕對有人會俾反應你，無論好壞。
好啦，其實係度9up咗咁耐，都係因為諗唔到寫咩⋯⋯
呢篇差唔多，下次再講！