犀利呀韓國日記-廣藏市場美食之旅(1)
犀利呀韓國日記-廣藏市場美食之旅(1)
黎到韓國，大家一定有好多美食Mark左一定要食架啦～不過，韓國咁多好野食，要食哂都要一啲時間，如果行程唔夠時間，食唔哂咪好唔抵!所以呢～就為大家介紹下廣藏市場啦！
廣藏市場(광장시장)係位於鍾路既，撘地鐵係 종로5가 4號出口就可以去到。成個市場好大既，建議唔好一入門口就買野食，咁樣會好快食飽。
廣藏市場出名食物款多，量多又抵食，所以最好就多啲人一齊去，因為可以Share黎食，冇咁快飽之餘，仲可以食多幾款添!由於係傳統市場既關係，大家最好準備多啲現金去，同埋盡量唔好俾50000won，因為找錢要計數，人流又太多，好易找漏錢架。
咁上星期六(토요일)我就同左啲朋友一齊去左廣藏市場食野啦～因為係星期六，係比平日仲多人既，建議最好都係平日去會好啲，會行得舒服啲。
為左可以食多啲，我早餐都冇食到，所以一入到去，就跟住啲韓國人排隊買好出名，必食既綠豆煎餅(빈대떡)，一個都係4000won姐。
本身見到佢係好多油咁半煎炸，以為會好油同好膩，點知食落第一啖好脆仲一啲都唔油!亦都唔會好粉，啲餡冇散哂跌出黎。個餅好足料，厚度有番咁上去，配埋個洋蔥汁食，真係會好食到停唔到!
之後再買左個麻油壽司(마약김밥)，我個人就覺得冇咩特別，因為裡面既餡只係有黄瓜同紅蘿蔔，有啲單調。對於食肉獸黎講，我都係中意食有肉既(김밥)多啲。
食野個陣叫左杯甜米露(식혜)，係韓國好常飲既飲品，1000won一杯，甜甜地，我覺得有啲似飲蔗汁既感覺，推薦大家食滯左可以飲番杯解膩。
實在係太好味喇!今次講住咁多先，下次再介紹多啲好野俾大家~
黎到韓國，大家一定有好多美食Mark左一定要食架啦～不過，韓國咁多好野食，要食哂都要一啲時間，如果行程唔夠時間，食唔哂咪好唔抵!所以呢～就為大家介紹下廣藏市場啦！
廣藏市場(광장시장)係位於鍾路既，撘地鐵係 종로5가 4號出口就可以去到。成個市場好大既，建議唔好一入門口就買野食，咁樣會好快食飽。
廣藏市場出名食物款多，量多又抵食，所以最好就多啲人一齊去，因為可以Share黎食，冇咁快飽之餘，仲可以食多幾款添!由於係傳統市場既關係，大家最好準備多啲現金去，同埋盡量唔好俾50000won，因為找錢要計數，人流又太多，好易找漏錢架。
咁上星期六(토요일)我就同左啲朋友一齊去左廣藏市場食野啦～因為係星期六，係比平日仲多人既，建議最好都係平日去會好啲，會行得舒服啲。
為左可以食多啲，我早餐都冇食到，所以一入到去，就跟住啲韓國人排隊買好出名，必食既綠豆煎餅(빈대떡)，一個都係4000won姐。
本身見到佢係好多油咁半煎炸，以為會好油同好膩，點知食落第一啖好脆仲一啲都唔油!亦都唔會好粉，啲餡冇散哂跌出黎。個餅好足料，厚度有番咁上去，配埋個洋蔥汁食，真係會好食到停唔到!
之後再買左個麻油壽司(마약김밥)，我個人就覺得冇咩特別，因為裡面既餡只係有黄瓜同紅蘿蔔，有啲單調。對於食肉獸黎講，我都係中意食有肉既(김밥)多啲。
食野個陣叫左杯甜米露(식혜)，係韓國好常飲既飲品，1000won一杯，甜甜地，我覺得有啲似飲蔗汁既感覺，推薦大家食滯左可以飲番杯解膩。
實在係太好味喇!今次講住咁多先，下次再介紹多啲好野俾大家~