《屍殺列車》 Man爆老公戀愛了！「老婆」係....

仲記得早排睇《屍殺列車》，
大家狂讚好睇嘅同時，
覺得最正嘅角色竟然唔係男主角孔劉
反而係男二(?)嘅馬東錫
牛高馬大凶神惡煞但竟然係老婆奴，
剛強柔情集一身，
搞到一班觀眾睇到佢最後為大家犧牲自己嗰陣真係喊到失控！
雖然大家唔太認識馬東錫
但佢喺韓國係數一數二嘅演員，
最近仲有新戲《兩個男人》上演！
不過呢日最hit 嘅新聞
反而係佢被爆拍拖！
唔少人（包括我）都以為佢結左婚，
原來佢都仲係單身，
而佢被爆嘅女友，
就係因為身材太好而紅爆網絡繼而入娛樂圈嘅健身教練芮正花！

宜家佢仲有開節目教大家健身
身材真係一級！
現年45歲嘅馬東錫同芮正花年紀相差17年，
大家覺得佢地大纜都扯唔埋，
其實佢地係同一間事務所，
女方更加喺節目講過馬東錫係自己嘅理想型。兩個人一拍即合又有共同興趣，
所以漸漸發展成為戀人，
目前交往左３個月。
戀愛消息曝光之後，網民都好驚訝，
雖然女方係女神級，
但大家都普遍覺得女方襯唔起咁正嘅馬東錫囉。
特別送上：馬東錫曬英文！