[關島景點] 太平洋島國初體驗 必訪景點簡介
容許我戴一戴頭盔先，因為今次關島之旅係business trip，以工作為主，私人時間真的不多，僅有的少少時間我都去了行shopping mall（所以下一篇文會是關島購物篇），也所以只去過很少景點。而就算去景點，都是跟公司安排好的local tour去，就是那種落一落車，介紹兩句，影幾張相就上返車去下一個景點，去完等於冇去的tour。所以請原諒我好多地方連名都唔記得，這篇也只能簡單給大家一個關島初印象。
個人而言，我很喜歡關島，環境真的好優美舒服，一個屬於美國但又吸引很多日本人來度假的地方，四處都是美式Ｘ日式的風格，好特別。而仲有一個重點：大陸人去關島要簽證。（我們持特區護照就不用）大家明白了嗎？我過了一星期幾乎零普通話的生活，兩個字總結：幸福。關島主要接待日本同韓國遊客，大家可以想像一下呢邊氣氛有多和諧。如果大家都覺得這是重點的話，那真的要趕快去關島，因為我知道在未來幾年關島有意放寬大陸人入境的限制，想增加多一點大陸遊客，減少日本遊客......唉。我慶幸在關島崩壞前踏足過這片土地，真係好靚的。
戀人岬／情人崖 Two Lovers’ Point
我有理由相信這是關島最具代表性的景點，好似係所有人都會去。故事其實好老土，相傳有位查莫洛少女同族中青年相戀，但個少女的爸爸將佢許配俾另一個有身份有地位的西班牙軍官，少女於是同佢心愛的男朋友相約去杜夢灣的一處高崖，將頭髮綁埋一齊表示永不分離，然後一同跳崖殉情。真係好似曾相識聽過無限次的故事。呢度地方唔大，重點有三，一係情侶專用的情人鎖，即係將你同BB豬個名寫係個鎖度扣實之後從此幸福快樂個隻呢。你鍾意自己帶個鎖去又得，去到先買都得，不過都幾貴架，如果心型個種要US$7。但如果你相信幸福可以甘容易就擁有，呢個價抵到爛啦係咪？50幾蚊可以買到一生一世喎......
二係有個觀景台，可以望到杜夢灣海景，但要US$3，信我，唔值。我冇上去，但其實只要細心諗一諗，關島根本周圍都可以望到海景啊！你想望唔到海都幾難，又何必俾錢從另一個角度望d本來就免費的東西？
三係情人鐘。據說只要去拉一拉條繩，個鐘就會響，如果鐘聲係雙數，單身人士今年就會有拖拍；如果單數呢，就出年再黎玩過啦！我有冇玩？呢d野嚇我唔到既......梗係冇玩啦。
小自由神像 Statue of Liberty
沒什麼啊，就只是一個小型的自由神像。1950年由美國童子軍捐贈給關島。我比較喜歡旁邊的海景，好靚好靚。
聖母瑪莉亞教堂 Dulce Nombre de Maria Cathedral-Basilica
這本來是關島第一座天主教教堂，在1669年創建，不過原有的經過戰爭及天災後已經損毀，現在大家看到的是在1958年重新修建而成。教堂某些時間會對外開放參觀，聽講入面幾靚，但我去的時候就沒有開放，所以對我來說就是普通一個教堂。
查莫洛觀光夜市Chamorro Night Market
這個夜市只在每個星期三晚上6點-9點才出現，建議大家盡量把星期三的晚上空出來去逛一逛，因為我覺得這個夜市很值得推介呢！主要就是氣氛很熱鬧，像我這種超不喜歡擠迫的公主也挺享受這裡的人頭湧湧，很奇怪。夜市有很多手工藝攤檔，買手信的話選擇也很多。個人推介以下3檔：
1) 這是made in Guam的曲奇，造型非常可愛，好有關島特色！我幾乎每款都買了一塊做手信，朋友收到都覺得好靚好開心！不過唔知好唔好食架！價錢就一塊US$2.5以上。
2)呢檔就專為大家製作名牌的，選好一個牌之後，旁邊已經有現成的英文字母俾你整自己個名，職員會幫你用膠水痴上個牌度。雖然感覺有點中學雞，不過我都有整......我揀右邊寫住I LOVE GUAM USA的牌，US$10，加名唔駛另外加錢，我覺得幾靚又幾有紀念價值啊！！如果送俾人做手信更加有心思啦，因為真係especially for him/her架！
3)最後呢檔賣不同的紀念品，不過最吸引我的是一張張以關島風景相做封面的卡。因為在關島原來好難搵到靚的明信片，去左好多間賣手信的地方都沒有，所以我見到呢個攤檔就立即雙眼發光了！原來卡上面的相仲係檔主自己親手影的！！勁！！所以我就邀請她跟她的作品一起拍個照～～但注意她賣的是一張張可以打開的卡，不是明信片，所以......我就把空白那一頁撕出來掉了，有相那頁當明信片寄了，哈哈。
除了買東西外，夜市還有不少好吃的。大部份賣串燒，關島的人似乎愛吃燒焦的東西，所以看到很多似乎吃了會生cancer的食物......最後吃了這個～～還好吧，沒有很特別。
夜市還有一賣點是有些民族表演，都是跳舞為主，也有些拿著火棒的刺激表演。另外夜市的中央有座建築物，有點像社區中心的會堂，大家可以買吃的入黎坐低慢慢吃，有live band，也有不少遊客會即興跳舞，氣氛很不錯！總括而言就是值得一去的夜市啦！
以下是一些在關島南部的不知名景點，好像都跟軍事有點關係，可能是一些以前打仗的海港，但不管了總之景色真的相當漂亮，所以一定要讓大家看看相。
最後關島不能少的是海景。在關島美麗的海灘其實到處都有，但我在這裡看過我心中最最最最美的海灘，名字是不知道，但那種感動難以言喻，我會記一輩子的！！旅行最大的感動就是找到了你心中認為可以記一輩子的美好風景吧。
少少關島旅遊資訊：
香港飛關島直航需5小時，與香港有時差，關島比香港快2小時。
這邊是用美金的，主要講英文，居民是查莫洛人為主，也有美國人、日本人啦。
個人而言，我很喜歡關島，環境真的好優美舒服，一個屬於美國但又吸引很多日本人來度假的地方，四處都是美式Ｘ日式的風格，好特別。而仲有一個重點：大陸人去關島要簽證。（我們持特區護照就不用）大家明白了嗎？我過了一星期幾乎零普通話的生活，兩個字總結：幸福。關島主要接待日本同韓國遊客，大家可以想像一下呢邊氣氛有多和諧。如果大家都覺得這是重點的話，那真的要趕快去關島，因為我知道在未來幾年關島有意放寬大陸人入境的限制，想增加多一點大陸遊客，減少日本遊客......唉。我慶幸在關島崩壞前踏足過這片土地，真係好靚的。
戀人岬／情人崖 Two Lovers’ Point
我有理由相信這是關島最具代表性的景點，好似係所有人都會去。故事其實好老土，相傳有位查莫洛少女同族中青年相戀，但個少女的爸爸將佢許配俾另一個有身份有地位的西班牙軍官，少女於是同佢心愛的男朋友相約去杜夢灣的一處高崖，將頭髮綁埋一齊表示永不分離，然後一同跳崖殉情。真係好似曾相識聽過無限次的故事。呢度地方唔大，重點有三，一係情侶專用的情人鎖，即係將你同BB豬個名寫係個鎖度扣實之後從此幸福快樂個隻呢。你鍾意自己帶個鎖去又得，去到先買都得，不過都幾貴架，如果心型個種要US$7。但如果你相信幸福可以甘容易就擁有，呢個價抵到爛啦係咪？50幾蚊可以買到一生一世喎......
二係有個觀景台，可以望到杜夢灣海景，但要US$3，信我，唔值。我冇上去，但其實只要細心諗一諗，關島根本周圍都可以望到海景啊！你想望唔到海都幾難，又何必俾錢從另一個角度望d本來就免費的東西？
三係情人鐘。據說只要去拉一拉條繩，個鐘就會響，如果鐘聲係雙數，單身人士今年就會有拖拍；如果單數呢，就出年再黎玩過啦！我有冇玩？呢d野嚇我唔到既......梗係冇玩啦。
小自由神像 Statue of Liberty
沒什麼啊，就只是一個小型的自由神像。1950年由美國童子軍捐贈給關島。我比較喜歡旁邊的海景，好靚好靚。
聖母瑪莉亞教堂 Dulce Nombre de Maria Cathedral-Basilica
這本來是關島第一座天主教教堂，在1669年創建，不過原有的經過戰爭及天災後已經損毀，現在大家看到的是在1958年重新修建而成。教堂某些時間會對外開放參觀，聽講入面幾靚，但我去的時候就沒有開放，所以對我來說就是普通一個教堂。
查莫洛觀光夜市Chamorro Night Market
這個夜市只在每個星期三晚上6點-9點才出現，建議大家盡量把星期三的晚上空出來去逛一逛，因為我覺得這個夜市很值得推介呢！主要就是氣氛很熱鬧，像我這種超不喜歡擠迫的公主也挺享受這裡的人頭湧湧，很奇怪。夜市有很多手工藝攤檔，買手信的話選擇也很多。個人推介以下3檔：
1) 這是made in Guam的曲奇，造型非常可愛，好有關島特色！我幾乎每款都買了一塊做手信，朋友收到都覺得好靚好開心！不過唔知好唔好食架！價錢就一塊US$2.5以上。
2)呢檔就專為大家製作名牌的，選好一個牌之後，旁邊已經有現成的英文字母俾你整自己個名，職員會幫你用膠水痴上個牌度。雖然感覺有點中學雞，不過我都有整......我揀右邊寫住I LOVE GUAM USA的牌，US$10，加名唔駛另外加錢，我覺得幾靚又幾有紀念價值啊！！如果送俾人做手信更加有心思啦，因為真係especially for him/her架！
3)最後呢檔賣不同的紀念品，不過最吸引我的是一張張以關島風景相做封面的卡。因為在關島原來好難搵到靚的明信片，去左好多間賣手信的地方都沒有，所以我見到呢個攤檔就立即雙眼發光了！原來卡上面的相仲係檔主自己親手影的！！勁！！所以我就邀請她跟她的作品一起拍個照～～但注意她賣的是一張張可以打開的卡，不是明信片，所以......我就把空白那一頁撕出來掉了，有相那頁當明信片寄了，哈哈。
除了買東西外，夜市還有不少好吃的。大部份賣串燒，關島的人似乎愛吃燒焦的東西，所以看到很多似乎吃了會生cancer的食物......最後吃了這個～～還好吧，沒有很特別。
夜市還有一賣點是有些民族表演，都是跳舞為主，也有些拿著火棒的刺激表演。另外夜市的中央有座建築物，有點像社區中心的會堂，大家可以買吃的入黎坐低慢慢吃，有live band，也有不少遊客會即興跳舞，氣氛很不錯！總括而言就是值得一去的夜市啦！
以下是一些在關島南部的不知名景點，好像都跟軍事有點關係，可能是一些以前打仗的海港，但不管了總之景色真的相當漂亮，所以一定要讓大家看看相。
最後關島不能少的是海景。在關島美麗的海灘其實到處都有，但我在這裡看過我心中最最最最美的海灘，名字是不知道，但那種感動難以言喻，我會記一輩子的！！旅行最大的感動就是找到了你心中認為可以記一輩子的美好風景吧。
少少關島旅遊資訊：
香港飛關島直航需5小時，與香港有時差，關島比香港快2小時。
這邊是用美金的，主要講英文，居民是查莫洛人為主，也有美國人、日本人啦。