[首爾食食食] 早、午、晚三餐必食推介
以下介紹的都是我在首爾最愛食的，每次去都必！須！要！食！（晚餐那個除外）
早餐
呢間叫Isaac的早餐店我每次去韓國都起碼食兩次以上！！其實佢唔係早餐店，開24小時的，但因為主要賣三文治，所以通常早餐先會去食。所有三文治即叫即做，有好多口味可以揀，例如豬肉、雞肉、牛肉等等。無論揀咩口味，三文治入面都會加好多菜、芝士、蛋、同酸瓜等材料，份量好多，口感超豐富。而我覺得最好味係佢用既牛油係甜甜地的，我好想買佢隻牛油返香港查麵包啊～～真係超級好味！！一份大約3000WON，即係20蚊左右。再加埋韓國最出名的香蕉奶就已經係一個令人好滿足的早餐啦。Isaac有好多分店，明洞、東大門、梨大、新村等好多地方都有。招牌係好易認既紅色，menu有中文，大家可以睇住親切的阿豬媽為你整早餐～～
Isaac Toast
地址不詳，明洞站5號出口直行會有一間；東大門10號出口直行都有。
營業時間：24小時（但不是每天......每間休息日不同）
午餐
炒辣雞係韓國出名的美食之一，其中位於新村站附近的春川家辣炒雞排係我的誠意推介！一坐低店員就會俾條圍裙你，個個都會帶住圍裙食。仲會好細心俾個大透明膠袋你裝曬ｄ袋同褸，唔怕食到一陣味。基本上大家都唔駛點睇餐牌，店員會講普通話，通常都提議你要份芝士雞排＋綜合拼盤，份量會根據人數而定，一人一份。前菜任添，有泡菜、黃蘿蔔同埋通心粉沙律，而我超鍾意食個沙律，甜甜地，添完又添。另外每人有碗凍的紫菜湯。
整個炒辣雞的過程都有店員為你效勞，完全唔駛自己動手，佢地好熟練將雞排＋雜菜＋年糕＋腸仔＋辣醬炒埋一齊，如果唔食得太辣，就一開始就已經要減少ｄ辣醬份量，唔係就會好辣！炒到甘上下店員就會話你知可以開始食。雞排好滑，其他材料都入味！！你一路食，店員會加芝士繼續炒，加埋芝士既雞排好好食！！最後仲加左個麵，好飽！一個人大約70蚊左右，價錢合理，冬天去食就岩曬，暖笠笠。
春川家辣炒雞排
地址：首爾市西大門區滄川洞57-8
交通：地鐵新村站1號出口行5分鐘
營業時間：10:00 - 隔天06:00
晚餐
晚餐要食得豐富ｄ，一於去食海鮮，仲要食即買即煮最新鮮個種！！鷺梁津海產市場係首爾最大同最歷史悠久既海產市場，一入到去會見到好多好多海鮮檔，大家可以慢慢揀想食的海鮮。買好曬之後，就可以拎去二樓的餐廳，佢地就會幫你煮架啦！人均消費約$300。3個小貼士令大家食得又平又開心：
1) 每一檔的海鮮種類同價錢都唔同，所以要花少少時間格下價。
2) 同樣二樓每間餐廳的烹調收費唔同，坐低之前一定要問清楚點樣計，有ｄ可能係收一個總數；有ｄ可能係根據你有幾多樣唔同種類的海鮮逐樣計，又會收人頭服務費。我就曾經遇過獅子開大口的餐廳，收好貴，絕對有呃遊客成份，所以格價好重要。
3) 去到餐廳傾好價錢後，仲會逐樣海鮮問你想點整，刺身？煎？炸？蒜容蒸？豉椒炒？坦白講都幾難同韓國阿豬媽溝通......我都試過因為講極都唔明就放棄解釋，結果佢地亂煮就浪費左材料。當然佢地都有少少概念每樣野要點煮，但唔同海鮮真係有某種煮法特別好食架麻，所以搵定唔同烹調方法的韓文就會方便好多！
鷺梁津水產市場
地址：首爾市銅雀區鷺梁津洞13-8號
交通：地鐵鷺梁津站1號出口行3分鐘
營業時間：10:30-20:00 （餐廳收夜ｄ，不過買海鮮最好8點前去到）
早餐
呢間叫Isaac的早餐店我每次去韓國都起碼食兩次以上！！其實佢唔係早餐店，開24小時的，但因為主要賣三文治，所以通常早餐先會去食。所有三文治即叫即做，有好多口味可以揀，例如豬肉、雞肉、牛肉等等。無論揀咩口味，三文治入面都會加好多菜、芝士、蛋、同酸瓜等材料，份量好多，口感超豐富。而我覺得最好味係佢用既牛油係甜甜地的，我好想買佢隻牛油返香港查麵包啊～～真係超級好味！！一份大約3000WON，即係20蚊左右。再加埋韓國最出名的香蕉奶就已經係一個令人好滿足的早餐啦。Isaac有好多分店，明洞、東大門、梨大、新村等好多地方都有。招牌係好易認既紅色，menu有中文，大家可以睇住親切的阿豬媽為你整早餐～～
Isaac Toast
地址不詳，明洞站5號出口直行會有一間；東大門10號出口直行都有。
營業時間：24小時（但不是每天......每間休息日不同）
午餐
炒辣雞係韓國出名的美食之一，其中位於新村站附近的春川家辣炒雞排係我的誠意推介！一坐低店員就會俾條圍裙你，個個都會帶住圍裙食。仲會好細心俾個大透明膠袋你裝曬ｄ袋同褸，唔怕食到一陣味。基本上大家都唔駛點睇餐牌，店員會講普通話，通常都提議你要份芝士雞排＋綜合拼盤，份量會根據人數而定，一人一份。前菜任添，有泡菜、黃蘿蔔同埋通心粉沙律，而我超鍾意食個沙律，甜甜地，添完又添。另外每人有碗凍的紫菜湯。
整個炒辣雞的過程都有店員為你效勞，完全唔駛自己動手，佢地好熟練將雞排＋雜菜＋年糕＋腸仔＋辣醬炒埋一齊，如果唔食得太辣，就一開始就已經要減少ｄ辣醬份量，唔係就會好辣！炒到甘上下店員就會話你知可以開始食。雞排好滑，其他材料都入味！！你一路食，店員會加芝士繼續炒，加埋芝士既雞排好好食！！最後仲加左個麵，好飽！一個人大約70蚊左右，價錢合理，冬天去食就岩曬，暖笠笠。
春川家辣炒雞排
地址：首爾市西大門區滄川洞57-8
交通：地鐵新村站1號出口行5分鐘
營業時間：10:00 - 隔天06:00
晚餐
晚餐要食得豐富ｄ，一於去食海鮮，仲要食即買即煮最新鮮個種！！鷺梁津海產市場係首爾最大同最歷史悠久既海產市場，一入到去會見到好多好多海鮮檔，大家可以慢慢揀想食的海鮮。買好曬之後，就可以拎去二樓的餐廳，佢地就會幫你煮架啦！人均消費約$300。3個小貼士令大家食得又平又開心：
1) 每一檔的海鮮種類同價錢都唔同，所以要花少少時間格下價。
2) 同樣二樓每間餐廳的烹調收費唔同，坐低之前一定要問清楚點樣計，有ｄ可能係收一個總數；有ｄ可能係根據你有幾多樣唔同種類的海鮮逐樣計，又會收人頭服務費。我就曾經遇過獅子開大口的餐廳，收好貴，絕對有呃遊客成份，所以格價好重要。
3) 去到餐廳傾好價錢後，仲會逐樣海鮮問你想點整，刺身？煎？炸？蒜容蒸？豉椒炒？坦白講都幾難同韓國阿豬媽溝通......我都試過因為講極都唔明就放棄解釋，結果佢地亂煮就浪費左材料。當然佢地都有少少概念每樣野要點煮，但唔同海鮮真係有某種煮法特別好食架麻，所以搵定唔同烹調方法的韓文就會方便好多！
鷺梁津水產市場
地址：首爾市銅雀區鷺梁津洞13-8號
交通：地鐵鷺梁津站1號出口行3分鐘
營業時間：10:30-20:00 （餐廳收夜ｄ，不過買海鮮最好8點前去到）