[韓國好物] 女生限定 舒緩M痛的良品
請問有沒有可憐的姊妹跟我一樣有M痛問題？如果你都有，嗯，我會好想同你黎個擁抱，講一聲:I know that feel sis！M痛有幾慘我就唔多講，冇經歷過的幸運兒無論我點講你都唔會想像到，有經歷過的淨係見到「M痛」呢兩隻字就已經會開始標冷汗，繼而反胃作嘔，然後想喊。總之每個月都總有一日我會不停大叫:「來生不做女人！！！！！！」呢個問題已經纏繞我好多年，我亦問過唔同的醫生好多次究竟M痛有冇得醫，換黎既都係好無情的一個答案：冇。丫，有次有個醫生答我：生個仔囉，通常生左小朋友之後就唔會再M痛。有興趣的姊妹可以試下......UM......
坊間好多聲稱可以舒緩的方法我都試過，例如敷暖水袋、飲黑糖荼、紅棗水、M痛貼之類，對我作用不大。唯一勉強救到我的只有止痛藥，但食得多又好似對身體唔太好。終於有次去韓國行超市的時候，我發現左一隻聲稱可以舒緩M痛的M巾！！梗係即刻買返黎試啦，喂好OK喎真係！！
其實呢樣野叫艾草熱熏墊，一盒有5set，每set有一塊M巾加一包類似小白兔暖包的發熱包，只要將發熱包搖晃5-10秒後便會開始發熱，然後將佢貼於M巾的下方，再好似平時甘用就OK。大家會感覺到暖暖地，冬天用會幾舒服。個發熱包以純天然韓國有機中草藥為原料，成份有川芎、白芷、狀粉末，可以抑菌殺菌同舒緩M痛，呢種熱熏墊係韓國婦女常用的保健方法。
但注意，官方話艾草熱熏墊適合來經前後兩、三天使用，唔係M到個時用的。個人覺得M到前兩日開始用，每次用幾個鐘，效果不錯，到真係M到個時有減輕痛楚！！而雖然官方話唔好M到個時用，我呢d唔聽話的細路都有試過M到第一日用，一樣可以止痛而暫時唔覺有其他副作用，所以我都會偷雞M到個時用一陣，止痛要緊麻......總之呢隻艾草熱熏墊係絕對會再買的東西。價錢就4000 won一盒，即係約港幣6蚊一set，樂天超市同連鎖大型化妝品店都有得賣，去韓國必買。呢個牌子仲有出加入漢方草藥成份的M巾，我決定之後都買黎試下。如果各位仲有其他舒緩M痛的好方法，不妨話我知，救救少女人人有責，感激不盡。
坊間好多聲稱可以舒緩的方法我都試過，例如敷暖水袋、飲黑糖荼、紅棗水、M痛貼之類，對我作用不大。唯一勉強救到我的只有止痛藥，但食得多又好似對身體唔太好。終於有次去韓國行超市的時候，我發現左一隻聲稱可以舒緩M痛的M巾！！梗係即刻買返黎試啦，喂好OK喎真係！！
其實呢樣野叫艾草熱熏墊，一盒有5set，每set有一塊M巾加一包類似小白兔暖包的發熱包，只要將發熱包搖晃5-10秒後便會開始發熱，然後將佢貼於M巾的下方，再好似平時甘用就OK。大家會感覺到暖暖地，冬天用會幾舒服。個發熱包以純天然韓國有機中草藥為原料，成份有川芎、白芷、狀粉末，可以抑菌殺菌同舒緩M痛，呢種熱熏墊係韓國婦女常用的保健方法。
但注意，官方話艾草熱熏墊適合來經前後兩、三天使用，唔係M到個時用的。個人覺得M到前兩日開始用，每次用幾個鐘，效果不錯，到真係M到個時有減輕痛楚！！而雖然官方話唔好M到個時用，我呢d唔聽話的細路都有試過M到第一日用，一樣可以止痛而暫時唔覺有其他副作用，所以我都會偷雞M到個時用一陣，止痛要緊麻......總之呢隻艾草熱熏墊係絕對會再買的東西。價錢就4000 won一盒，即係約港幣6蚊一set，樂天超市同連鎖大型化妝品店都有得賣，去韓國必買。呢個牌子仲有出加入漢方草藥成份的M巾，我決定之後都買黎試下。如果各位仲有其他舒緩M痛的好方法，不妨話我知，救救少女人人有責，感激不盡。