[墾丁住宿] 夏日熱辣辣 南灣渡假飯店 海景浸浴超級享受

來到海岸城市墾丁，點少得一間海景住宿？呢間名為墾丁南灣渡假飯店，就正正在以水上活動而出名的南灣旁邊，大概5分鐘就可以直奔南灣玩水上活動，非常方便。最正的賣點係房內有按摩浴缸！！有按摩浴缸都唔係最特別，真正特別係按摩浴缸並唔係在浴室裡，而係在床邊，正正就望住南灣海景！！一邊浸浴，一邊望住海景，呢種享受係全墾丁唯一呢間飯店先有。

每間房都有唔同設計，雖然感覺大同小異，但我訂個時都揀左好耐，因為間間都好靚，間間都好想住一晚。哈哈。最後訂左217同507號房各一晚，個人比較推介217號房，海景真係無遮無擋，一覽無遺，一打開房門會嘩一聲叫出黎，仲要去個日天氣超級好，心情更加興奮！！


第2晚搬去507號房，空間大一點，但個海景有少少遮擋。睇得冇甘爽～～海景以外房都好整齊乾淨，而且幾大，真的不錯呢！不過裝修有點老土......例如牆紙是粉紅色玫瑰花......但都係個超寫意的體驗，我個人是很推介的。大家記住房型「海景夢幻雙人房-泡澡看海」先係有按摩浴缸的房啊。提提大家，浴缸在床邊無遮無掩架，怕醜既人要注意喇。哈哈。









另外飯店的服務都很不錯，我用email訂房，中間因為行程不斷更改所以麻煩了佢地的職員好多次，但佢地仍然好耐心幫我，值得一讚！去到飯店，職員都係好有耐性解答任何關於行程／租車的問題，亦有提供代租車同景點門票售賣服務，非常熱心！飯店本身的環境都好優美，餐廳旁邊的露台可以好清楚睇到日落呢。下次去墾丁我一定會再住啊～～



墾丁南灣渡假飯店

房價: 有按摩浴缸的海景房平日約港幣$800/晚；週六及假日約港幣$1,300/晚
*訂房時說明是外國遊客每房會有台幣$200折扣～
訂房網站：http://www.nanwan.com.tw/index.php