[首爾住宿] 穿越時空第二擊 入住百年歷史傳統韓屋 其實尚宮娘娘都係訓地下大
首爾係一個將傳統文化保存得幾好的地方，除左之前介紹過試穿韓服外，首爾市內仲有好多昔日的皇宮可以參觀，比較為人熟悉就係景福宮、昌德宮。而景福宮附近係北村韓屋村，同樣係一個熱門景點，大家可以見到好多傳統韓屋的建築，有一種走入古裝街的感覺。而今次仲要去盡d，直頭去韓屋住宿一晚，親身感受下韓國百年文化！為大家送上韓屋住宿報告～
原來首爾都幾多傳統韓屋轉做民宿，景福宮同北村一帶應該會最多。今次入住呢間Vine Hanok Guesthouse就係地鐵景福宮站2號出口，行20分鐘......冇錯，係要行成20分鐘。雖然只係一條直路再過對面馬路的巷仔，但確實有點遠。外型就係一間非常古色古香的韓屋，有百幾年歷史架喇。
入到去係一個四方格，中間有個小庭院，前面有個客廳，四邊就係房間，成間韓屋總共有4間房。韓屋的設計都以原木為主，環境好清幽而且乾淨。我非常鍾意佢個客廳，書櫃好多書，仲有木造的矮枱，加埋個彩格咕臣，古典味十足。客廳係公共空間，所有客人都可以係度睇電視，早餐都係呢度食。早餐時間係8點半至9點半，姐去旅行係唔會甘早起身的，所以冇食。以我所知係食韓式粥同配菜，幾地道但也不是真的很吸引。吃不到的早餐是不吸引的嘿嘿。
我住的是3人房，有獨立浴室。唔係間間房都有獨立浴室，不過就算冇，公用的都唔會太多人一齊用，因為以我所知起碼其中兩間房有獨立浴室。而住韓屋是要係訓地下的。（古人梗係訓地下架啦！）繡花被舖好古典，但個古代枕頭唔太舒服。其實得一set被舖係呢個樣，個櫃有額外的「現代」被舖同枕頭。間房其實非常簡陋，有塊鏡有個風筒幾個衣架......完。設施都唔係重點，重點係間房太細，舖左3個人的被舖之後喼就唔可以打開了，係一個都唔可以，完全沒空間可言。獨立浴室亦都好細，有提供毛巾沐浴露（這個比一般民宿稍為優勝），但細到轉身都有點勉強，高少少都會惦到天花板甘濟，所以呢個部份真的沒辦法俾好評。
仲有最重要的是，佢部冷氣6月先開得！！！我知道左之後簡直晴天霹靂，我住的時候係4月初，雖然外面天氣係凍，夜晚可能得幾度，但間房好焗啊！個窗又連接到出面個小庭院，其他人行過就可以望到房入面，所以又唔可以開太大個窗訓，結果就係焗住訓......所以建議怕熱的孩子都係6月後先住啦，但唔知由6月開到幾多月架。（其實想當年尚宮娘娘訓覺都冇冷氣架啦......而家d少女真係驕生慣養）
另外，好值得讚的係民宿主人個女非常nice！佢叫Minha，土生土長韓國人，讀緊大學，講得一口幾流利的英文。入住韓屋前一日佢已經whatsapp我問我幾點check in又驚我唔識去問我有咩需要幫手。去到韓屋佢又好熱心介紹周邊景點，好親切又好健談。Check in的時候同民宿主人夫婦有過一面之緣，雖然佢地唔識講英文，不過都好親切，不停微笑，又幫手搬行李。但其實主人一家都唔係住韓屋裡面，Minha又要返學，所以有d時間佢地會全家消失......好既係覺得佢地好信任客人，完全將間屋交俾客人，由佢地自由進出。但如果有時需要幫手就只可以透過whatsapp聯絡（好似想求佢開冷氣俾我都唔得嗚嗚）。夜晚佢地基本上唔會出現，通常check in同早餐時間先見到。
總括黎講韓屋的環境係幾特別，不過有心理準備係hotel的價錢但hostel格調，3人房要$900/晚，值唔值得住真的見仁見智，我覺得體驗下是ok的，但一晚就好了。哈哈哈。
Vine Hanok Guesthouse
地址：68-3, Jahamun-ro, Jongno-gu, Gyeongbokgung, Seoul
交通：地鐵景福宮站2號出口行20分鐘
房價：$700（雙人房）/ $900（3人房）
穿越時空第一擊：仁寺洞韓服體驗
是次韓國之旅由Wi-fly 提供上網贊助。
原來首爾都幾多傳統韓屋轉做民宿，景福宮同北村一帶應該會最多。今次入住呢間Vine Hanok Guesthouse就係地鐵景福宮站2號出口，行20分鐘......冇錯，係要行成20分鐘。雖然只係一條直路再過對面馬路的巷仔，但確實有點遠。外型就係一間非常古色古香的韓屋，有百幾年歷史架喇。
入到去係一個四方格，中間有個小庭院，前面有個客廳，四邊就係房間，成間韓屋總共有4間房。韓屋的設計都以原木為主，環境好清幽而且乾淨。我非常鍾意佢個客廳，書櫃好多書，仲有木造的矮枱，加埋個彩格咕臣，古典味十足。客廳係公共空間，所有客人都可以係度睇電視，早餐都係呢度食。早餐時間係8點半至9點半，姐去旅行係唔會甘早起身的，所以冇食。以我所知係食韓式粥同配菜，幾地道但也不是真的很吸引。吃不到的早餐是不吸引的嘿嘿。
我住的是3人房，有獨立浴室。唔係間間房都有獨立浴室，不過就算冇，公用的都唔會太多人一齊用，因為以我所知起碼其中兩間房有獨立浴室。而住韓屋是要係訓地下的。（古人梗係訓地下架啦！）繡花被舖好古典，但個古代枕頭唔太舒服。其實得一set被舖係呢個樣，個櫃有額外的「現代」被舖同枕頭。間房其實非常簡陋，有塊鏡有個風筒幾個衣架......完。設施都唔係重點，重點係間房太細，舖左3個人的被舖之後喼就唔可以打開了，係一個都唔可以，完全沒空間可言。獨立浴室亦都好細，有提供毛巾沐浴露（這個比一般民宿稍為優勝），但細到轉身都有點勉強，高少少都會惦到天花板甘濟，所以呢個部份真的沒辦法俾好評。
仲有最重要的是，佢部冷氣6月先開得！！！我知道左之後簡直晴天霹靂，我住的時候係4月初，雖然外面天氣係凍，夜晚可能得幾度，但間房好焗啊！個窗又連接到出面個小庭院，其他人行過就可以望到房入面，所以又唔可以開太大個窗訓，結果就係焗住訓......所以建議怕熱的孩子都係6月後先住啦，但唔知由6月開到幾多月架。（其實想當年尚宮娘娘訓覺都冇冷氣架啦......而家d少女真係驕生慣養）
另外，好值得讚的係民宿主人個女非常nice！佢叫Minha，土生土長韓國人，讀緊大學，講得一口幾流利的英文。入住韓屋前一日佢已經whatsapp我問我幾點check in又驚我唔識去問我有咩需要幫手。去到韓屋佢又好熱心介紹周邊景點，好親切又好健談。Check in的時候同民宿主人夫婦有過一面之緣，雖然佢地唔識講英文，不過都好親切，不停微笑，又幫手搬行李。但其實主人一家都唔係住韓屋裡面，Minha又要返學，所以有d時間佢地會全家消失......好既係覺得佢地好信任客人，完全將間屋交俾客人，由佢地自由進出。但如果有時需要幫手就只可以透過whatsapp聯絡（好似想求佢開冷氣俾我都唔得嗚嗚）。夜晚佢地基本上唔會出現，通常check in同早餐時間先見到。
總括黎講韓屋的環境係幾特別，不過有心理準備係hotel的價錢但hostel格調，3人房要$900/晚，值唔值得住真的見仁見智，我覺得體驗下是ok的，但一晚就好了。哈哈哈。
Vine Hanok Guesthouse
地址：68-3, Jahamun-ro, Jongno-gu, Gyeongbokgung, Seoul
交通：地鐵景福宮站2號出口行20分鐘
房價：$700（雙人房）/ $900（3人房）
穿越時空第一擊：仁寺洞韓服體驗
是次韓國之旅由Wi-fly 提供上網贊助。
