[台北住宿] 鄰近台北車站 平價簡便hostel推介 璽愛背客小窩
我對台北住宿都算係幾冇要求，只要平同方便就得，因為真係唔多時間留係酒店，有基本設施已經夠。而且台北又唔似台灣其他地區有好多特別設計的靚民宿，所以真係可以住得好隨意，多數住hostel唔住酒店。今次介紹呢間璽愛背客小窩(Say Love Backpack House)位於台北車站約3-5分鐘路程的，就係符合又平又方便的一間簡單hostel。
台北車站係台北中心點，搭捷運去邊都方便，高鐵、台鐵、機場巴士全部集中，所以住近台北車站一定方便。璽愛背客小窩在台北車站附近一幢舊樓的3樓，樓下都幾荒涼，你會以為佢好流好舊，但上到去其實又幾OK。原來同一層樓分左璽愛酒店同hostel，右手邊係check in counter同酒店，左手邊係hostel。我住hostel個邊，設計以藍白色做主色，加少少可愛裝飾品，有一種簡潔的溫馨感覺，總共大約有10間房。
我住二人房，係碌架床，間房好細，勉強開到喼，但我去台灣好少帶喼，所以冇影響。另外有張好細的枱放到少少野，仲有一部掛牆電視仔同少少洗滌用品。雖然間房可以話冇乜都冇，但實際上又唔太需要咩額外野。乾淨同埋張床都幾舒服就夠啦。
公共浴室分男女，好好，少女好討厭男女共用的公共浴室，唔係好接受到沖涼個時知道一板之隔係陌生男子同時沖涼。璽愛的公共浴室好乾淨，有三格廁所，兩格沖涼，沖涼房空間好大，熱水夠熱，花灑水力夠大，呢部份幾好！唯一唔方便係風筒放係公共浴室，唔可以係房吹頭。
住個晚門口掛住個牌話呢晚full booking冇曬房，但夜晚落妝沖涼吹頭都冇見到其他人，第二朝訓醒洗面又係冇其他人，似乎大家都已經走曬。大家可能都早睡早起，而我出入既時間比較古怪，就係晚睡晚起，所以好似獨霸左成間hostel。又幾好喎。星期6房價一晚港幣$400，即係每人$200，算幾抵，不失為一間平價之選。酒店個邊貴少少，星期6房價一晚港幣$600幾，不過當然房間精緻得多啦。
璽愛背客小窩(Say Love Backpack House)
地址：台北市中正區忠孝西路一段72號3F
交通：台北車站Z4出口，一出黎見到新光三越，左手邊直路行3分鐘
房價：二人房$345/晚 （星期日至四）；$400/晚（星期五至六）
網址：http://www.slovehotel.com.tw
台北車站係台北中心點，搭捷運去邊都方便，高鐵、台鐵、機場巴士全部集中，所以住近台北車站一定方便。璽愛背客小窩在台北車站附近一幢舊樓的3樓，樓下都幾荒涼，你會以為佢好流好舊，但上到去其實又幾OK。原來同一層樓分左璽愛酒店同hostel，右手邊係check in counter同酒店，左手邊係hostel。我住hostel個邊，設計以藍白色做主色，加少少可愛裝飾品，有一種簡潔的溫馨感覺，總共大約有10間房。
我住二人房，係碌架床，間房好細，勉強開到喼，但我去台灣好少帶喼，所以冇影響。另外有張好細的枱放到少少野，仲有一部掛牆電視仔同少少洗滌用品。雖然間房可以話冇乜都冇，但實際上又唔太需要咩額外野。乾淨同埋張床都幾舒服就夠啦。
公共浴室分男女，好好，少女好討厭男女共用的公共浴室，唔係好接受到沖涼個時知道一板之隔係陌生男子同時沖涼。璽愛的公共浴室好乾淨，有三格廁所，兩格沖涼，沖涼房空間好大，熱水夠熱，花灑水力夠大，呢部份幾好！唯一唔方便係風筒放係公共浴室，唔可以係房吹頭。
住個晚門口掛住個牌話呢晚full booking冇曬房，但夜晚落妝沖涼吹頭都冇見到其他人，第二朝訓醒洗面又係冇其他人，似乎大家都已經走曬。大家可能都早睡早起，而我出入既時間比較古怪，就係晚睡晚起，所以好似獨霸左成間hostel。又幾好喎。星期6房價一晚港幣$400，即係每人$200，算幾抵，不失為一間平價之選。酒店個邊貴少少，星期6房價一晚港幣$600幾，不過當然房間精緻得多啦。
璽愛背客小窩(Say Love Backpack House)
地址：台北市中正區忠孝西路一段72號3F
交通：台北車站Z4出口，一出黎見到新光三越，左手邊直路行3分鐘
房價：二人房$345/晚 （星期日至四）；$400/晚（星期五至六）
網址：http://www.slovehotel.com.tw