[峴港] 關於峴港的十件事 簽證慳錢法、貨幣、交通、手信一覽
越南峴港都算係一個幾新的旅遊地，位於越南中部，大約兩年前先開始有香港直飛峴港的航班，而家都只有港龍航空同香港快運航空兩間航空公司有直航機去峴港。香港快運減價的時候連稅唔駛一千蚊就有來回機票，可以話非常抵！機程唔駛兩個鐘，都非常快捷，不失為一個近近地又平價的度假之選。其實峴港曾被美國《國家地理》列為「50個人生必去一次的地方」，所以少女第一次黎越南就揀左峴港做目的地，先完成其中一個人生必遊地方。知道好多人對呢個地方都冇咩認識，所以為大家提供一個簡單的懶人包，分享少少關於峴港的特別野，詳細的景點、住宿和餐廳介紹會陸續有來。請期待。
（一）簽證－慳錢才是王道
持香港特區護照去越南必須要申請簽證，收費昂貴，預埋落旅費預算就岩喇。申請簽證有兩種方法，一種是在香港去越南領事館申請，好處是確保出發前可以獲得簽證，壞處是好貴，而且經常加價！！最新消息是已經加到$640，而且簽證是一次性的，即是將來想再去又要再俾錢申請多次。
而另一種方法是落地簽證，落機之後過關之前大家可以見到申請落地簽證的櫃檯。少女這次就是申請落地簽證的，因為平好多！！不過手續少少繁複，出發前大家要先做網上申請先，之後會收到一封approval letter，一定一定要帶埋approval letter再加一張證件相同一張填好左的申請表去到機場交埋護照先做到落地簽證，缺一不可。網上申請時會先收US$17，去到機場做簽證再俾US$45，總共US$62，即港幣$484，平過去領事館成百幾蚊架！網上申請個手續費仲係越多人申請越平添！最後我只俾左$US13左右，又慳多幾十蚊。大家可能擔心落地簽證等好耐，我等左大概半個鐘，還可以啦，我願意為左慳百幾蚊而等架，記住帶齊野啊！
網上申請網址：http://www.vietnamvisa.govt.vn
（二）貨幣－齊齊做土豪
峴港的通用貨幣是越南盾，機場只有一間兌換店，在機場門口，不接受港幣兌換，所以建議大家在香港先兌換美金，去到峴港再換越南盾。之前在Facebook也分享過，越南盾面值很大，$10000越南盾等於港幣$3.5，我唱左港幣$1500，即坐擁4百幾萬......盾身家，非常誇張。大家食野買野隨時用幾十萬甚至幾百萬，可以一嘗做百萬富翁的快感！不過換算有點麻煩，頭幾日每次都要想好一陣子才知道幾十萬究竟等於港幣幾多，其實大約是越南盾價錢減去4個零再乘3.5就是港幣了。相信大家來越南用錢會用得好豪氣好開心！
（三）物價－c9天堂
峴港物價比香港平頗多，食野好抵，例如：生牛肉河約$10、飲品約$5、炒飯約$15......所以$30已經可以食得好飽！買野都差不多，一般手信類的工藝裝飾品大多是$20內，貴過$20大家可以考慮講價。跟峴港物價比較接近可能是泰國吧，但峴港會再低一點點，這方面是很吸引旅客的。
（四）交通－只有的士才叫交通工具
峴港交通不方便，剛好這次我們一行多人，所以可以經常搭的士，多人搭的士好抵。而且峴港還有7人的士，所以我們不用分車，仲抵。的士分兩種，白色的起標$9000盾，即是港幣$3；另一種綠色的起標$10000盾，其實也只是相差港幣$0.5......其實峴港的士真的好平，少人也可以搭啦，唔係我都唔知可以搭咩，鐵路固然不會有，巴士間中會出現，但問題是我完全見唔到巴士站在哪......所以還是的士吧！！
（五）馬路之友－頭搖又尾擺飄移境界
說起交通，也必須跟馬路之友報告一下峴港的路面交通情況。咳咳，情況就是－非常危險。峴港的路面有大量電單車，個個都華dee上身，不停在路上瘋狂飛車。加上峴港只有少量交通燈，基本上所有車都非常忘我地橫衝直撞，cut線亦似乎是峴港司機的喜好，每分每秒都會尋找機會cut線，即使有對頭車都無畏無懼照cut可也。無論作為過馬路者，還是的士乘客，都必定要打醒十二分精神。
（六）名物－陳豪最愛
越南其中一樣好出名的東西是咖啡，所以峴港周圍都見到有cafe。不過大家唔好期望峴港cafe好似台灣、韓國個種甘精緻，大部份都係維持峴港一貫設計，即是簡陋。不過有d cafe簡陋得黎都幾有懷舊味道，通常都係燈光昏暗，桌椅略帶殘舊。最重要的是咖啡真的好香好好飲！去峴港一定要找個下午去cafe坐坐。咖啡也是必買手信之一。
（七）手信－姐就是個吃貨
除了咖啡，另一樣必買手信是河粉。雖然我地唔可以帶生牛肉河返香港，但可以買包裝牛肉味河粉。呢款河粉好易煮，加水放入微波爐叮已經食得，味道非常不錯，粉好滑，最平只需$4000盾一包，只是港幣$1！！！誇張吧！！仲有其他口味，我覺得雞肉都不錯，最後總共買左10包返香港～～
另外這個牛肉杯麵也很推介，內附很多包醬料，味道好濃烈，重點是有牛肉粒！！這個要$15000盾，即$5左右，都抵過香港好多！！本來買了幾個，但旅程中晚晚當宵夜食，最後吃光了......
而峴港買手信的好地方有兩個，一個是在泰國已經好出名的Big C大型超市，另一個是Han Market。兩個地方都是下層賣吃的東西，上層賣日用品和衣服之類的東西。上面介紹的牛肉河兩間都可以買到。Big C名碼實價，Han Market就絕對歡迎講價，因為全部都沒有標價，店主喜歡賣多少就多少，那大家也要買得精明一點點啦。
（八）吃什麼－好吃的永遠在路邊
雖然之後會詳細介紹幾間我覺得不錯的峴港餐廳，但其實我覺得最好吃的還是街邊那些不知名的小檔口。日間的峴港好安靜，可能天氣太熱啦，所以很多街邊小檔都是夜晚才出現，晚上的峴港比下午熱鬧很多很多。串燒、雞飯、炒河、炸雲吞......全部都好好食！獨特的醬料是一大重點。越南真的有很多種醬料，好惹味。坐在街邊食其實幾有風味，但實在太熱太熱（不停強調），所以我多數買回酒店食。另外，鮮柞果汁大多好好飲，超鮮甜的，幾蚊就有一杯，一定一定要買！！這些小店的地址都不詳，大家自行搵食啦！
（九）海灘－中國好海灘
峴港最有名的可以說是海灘，因為這個長達5公里的「中國海灘」（My Khe）被聯合國教科文組織列為「世界六大美麗海灘」之一，沿岸有很多度假酒店，就算不住附近酒店，也可以去玩水上活動，或者在海灘上的餐廳食飯飲野。在飛機上看中國海灘真的好美，海天一色！但真的走到海灘又覺得其實沒有說得那麼誇張，雖然也真的水清沙幼，很適合游水，但也不至於令人驚艷，「世界六大」也過譽了。不過因為有很多餐廳的關係，晚上氣氛會很熱鬧。
（十）郵票－集郵小姐
寫明信片時發現原來峴港有很多不同樣式的郵票，即使同一個價值都有不同款式，而且非常有古典味，是燈籠、小橋、古城的圖案，我個人很喜歡啦！順帶一提，寄香港的郵票是$13500盾，明信片大約$5000-$10000盾一張。
係咪對峴港都幾有興趣先？要繼續留意我之後的詳細峴港遊記啦！
（一）簽證－慳錢才是王道
持香港特區護照去越南必須要申請簽證，收費昂貴，預埋落旅費預算就岩喇。申請簽證有兩種方法，一種是在香港去越南領事館申請，好處是確保出發前可以獲得簽證，壞處是好貴，而且經常加價！！最新消息是已經加到$640，而且簽證是一次性的，即是將來想再去又要再俾錢申請多次。
而另一種方法是落地簽證，落機之後過關之前大家可以見到申請落地簽證的櫃檯。少女這次就是申請落地簽證的，因為平好多！！不過手續少少繁複，出發前大家要先做網上申請先，之後會收到一封approval letter，一定一定要帶埋approval letter再加一張證件相同一張填好左的申請表去到機場交埋護照先做到落地簽證，缺一不可。網上申請時會先收US$17，去到機場做簽證再俾US$45，總共US$62，即港幣$484，平過去領事館成百幾蚊架！網上申請個手續費仲係越多人申請越平添！最後我只俾左$US13左右，又慳多幾十蚊。大家可能擔心落地簽證等好耐，我等左大概半個鐘，還可以啦，我願意為左慳百幾蚊而等架，記住帶齊野啊！
網上申請網址：http://www.vietnamvisa.govt.vn
（二）貨幣－齊齊做土豪
峴港的通用貨幣是越南盾，機場只有一間兌換店，在機場門口，不接受港幣兌換，所以建議大家在香港先兌換美金，去到峴港再換越南盾。之前在Facebook也分享過，越南盾面值很大，$10000越南盾等於港幣$3.5，我唱左港幣$1500，即坐擁4百幾萬......盾身家，非常誇張。大家食野買野隨時用幾十萬甚至幾百萬，可以一嘗做百萬富翁的快感！不過換算有點麻煩，頭幾日每次都要想好一陣子才知道幾十萬究竟等於港幣幾多，其實大約是越南盾價錢減去4個零再乘3.5就是港幣了。相信大家來越南用錢會用得好豪氣好開心！
（三）物價－c9天堂
峴港物價比香港平頗多，食野好抵，例如：生牛肉河約$10、飲品約$5、炒飯約$15......所以$30已經可以食得好飽！買野都差不多，一般手信類的工藝裝飾品大多是$20內，貴過$20大家可以考慮講價。跟峴港物價比較接近可能是泰國吧，但峴港會再低一點點，這方面是很吸引旅客的。
（四）交通－只有的士才叫交通工具
峴港交通不方便，剛好這次我們一行多人，所以可以經常搭的士，多人搭的士好抵。而且峴港還有7人的士，所以我們不用分車，仲抵。的士分兩種，白色的起標$9000盾，即是港幣$3；另一種綠色的起標$10000盾，其實也只是相差港幣$0.5......其實峴港的士真的好平，少人也可以搭啦，唔係我都唔知可以搭咩，鐵路固然不會有，巴士間中會出現，但問題是我完全見唔到巴士站在哪......所以還是的士吧！！
（五）馬路之友－頭搖又尾擺飄移境界
說起交通，也必須跟馬路之友報告一下峴港的路面交通情況。咳咳，情況就是－非常危險。峴港的路面有大量電單車，個個都華dee上身，不停在路上瘋狂飛車。加上峴港只有少量交通燈，基本上所有車都非常忘我地橫衝直撞，cut線亦似乎是峴港司機的喜好，每分每秒都會尋找機會cut線，即使有對頭車都無畏無懼照cut可也。無論作為過馬路者，還是的士乘客，都必定要打醒十二分精神。
（六）名物－陳豪最愛
越南其中一樣好出名的東西是咖啡，所以峴港周圍都見到有cafe。不過大家唔好期望峴港cafe好似台灣、韓國個種甘精緻，大部份都係維持峴港一貫設計，即是簡陋。不過有d cafe簡陋得黎都幾有懷舊味道，通常都係燈光昏暗，桌椅略帶殘舊。最重要的是咖啡真的好香好好飲！去峴港一定要找個下午去cafe坐坐。咖啡也是必買手信之一。
（七）手信－姐就是個吃貨
除了咖啡，另一樣必買手信是河粉。雖然我地唔可以帶生牛肉河返香港，但可以買包裝牛肉味河粉。呢款河粉好易煮，加水放入微波爐叮已經食得，味道非常不錯，粉好滑，最平只需$4000盾一包，只是港幣$1！！！誇張吧！！仲有其他口味，我覺得雞肉都不錯，最後總共買左10包返香港～～
另外這個牛肉杯麵也很推介，內附很多包醬料，味道好濃烈，重點是有牛肉粒！！這個要$15000盾，即$5左右，都抵過香港好多！！本來買了幾個，但旅程中晚晚當宵夜食，最後吃光了......
而峴港買手信的好地方有兩個，一個是在泰國已經好出名的Big C大型超市，另一個是Han Market。兩個地方都是下層賣吃的東西，上層賣日用品和衣服之類的東西。上面介紹的牛肉河兩間都可以買到。Big C名碼實價，Han Market就絕對歡迎講價，因為全部都沒有標價，店主喜歡賣多少就多少，那大家也要買得精明一點點啦。
（八）吃什麼－好吃的永遠在路邊
雖然之後會詳細介紹幾間我覺得不錯的峴港餐廳，但其實我覺得最好吃的還是街邊那些不知名的小檔口。日間的峴港好安靜，可能天氣太熱啦，所以很多街邊小檔都是夜晚才出現，晚上的峴港比下午熱鬧很多很多。串燒、雞飯、炒河、炸雲吞......全部都好好食！獨特的醬料是一大重點。越南真的有很多種醬料，好惹味。坐在街邊食其實幾有風味，但實在太熱太熱（不停強調），所以我多數買回酒店食。另外，鮮柞果汁大多好好飲，超鮮甜的，幾蚊就有一杯，一定一定要買！！這些小店的地址都不詳，大家自行搵食啦！
（九）海灘－中國好海灘
峴港最有名的可以說是海灘，因為這個長達5公里的「中國海灘」（My Khe）被聯合國教科文組織列為「世界六大美麗海灘」之一，沿岸有很多度假酒店，就算不住附近酒店，也可以去玩水上活動，或者在海灘上的餐廳食飯飲野。在飛機上看中國海灘真的好美，海天一色！但真的走到海灘又覺得其實沒有說得那麼誇張，雖然也真的水清沙幼，很適合游水，但也不至於令人驚艷，「世界六大」也過譽了。不過因為有很多餐廳的關係，晚上氣氛會很熱鬧。
（十）郵票－集郵小姐
寫明信片時發現原來峴港有很多不同樣式的郵票，即使同一個價值都有不同款式，而且非常有古典味，是燈籠、小橋、古城的圖案，我個人很喜歡啦！順帶一提，寄香港的郵票是$13500盾，明信片大約$5000-$10000盾一張。
係咪對峴港都幾有興趣先？要繼續留意我之後的詳細峴港遊記啦！