[峴港景點] 越南世界文化遺產之旅(下) 時光倒流 漫遊會安古城 連餐廳推介
會安古城是越南中部一個小鎮，過去一直是越南重要的貿易港口城市，而家的會安是一個很懷舊和古老的小鎮，早被列入世界文化遺產。由峴港市中心去會安車程約一個鐘。
最先想講的是關於入城費。今次旅程去左會安兩日，第一日剛到埗時經過一個類似旅客中心的櫃檯，有個人截住我地幾個話要收入城費，大約係收港幣$40，我地有少少猶豫因為之前冇聽過去會安要俾錢。而同時我地發現不停有人係我地身邊經過，完全無視個櫃檯直接入左去，而又冇其他職員攔截佢地話收錢，所以我地不停問點解其他人唔駛俾，個職員聲稱佢地俾左，但明明好多人不斷經過櫃檯直接入城，手上又冇拎任何門票，一定冇俾過錢！所以我地都堅持唔俾，個職員又堅持唔俾我地入去，最後我地調頭走，兜另一條路入去，再冇遇到話要收錢的人。第二日再去會安，我地刻意再經過個櫃檯，都再冇職員話要收錢。即係話，佢地係求其揀人黎收錢！！！我覺得收錢唔係問題，但揀人黎收就過份左，所以大家都要小心啊～
帶住少少壞印象入城，會安到處是黃色小屋，大部份都是商店，是買手信的好地方，但感覺都幾商業，而且完全是搶遊客錢的地方。（第一印象真的好重要）很多小店都不會標價，那即是海鮮價啦，然後你慢慢會發現大部份都開天殺價，講價都講到累。但樂觀諗雖然佢地想呃你，但都呃唔到幾多，始終物價都係低啦，好多野都平。會安好出名造西裝，好多人會特登黎度身訂造一套西裝。除左商店，街邊仲有好多小販，總之都是逛街為主。
呢個小鎮的特色是有些部份不准汽車進入，只可以坐人力車或者單車，更添懷舊感。但我不建議坐人力車，我覺得自己慢慢行睇下周圍d野仲開心，人力車只是坐著走馬看花呀。單車都多人踩，但我去會安的時候都幾多人，所以又覺得踩著單車在人群中穿插不太好玩。所以這些東西都只是拍照工具啦哈哈。
秋盆河（Thu Bon river）是會安的核心部份，一個古城一定要有條河先有氣氛。河上仲有好多艇仔，遊客都可以坐艇仔遊河，但當然這些很遊客的活動不是我會做的啦。黃昏時份和天黑前的河岸景色最靚，我去那天很多雲，看不到日落很可惜，因為聽說呢度看日落好靚！！
但晚上又是另一番景象，有好多人放有祝福意思的水燈到河裡，一個個水燈在河上飄浮好有元宵節個種浪漫又古老的感覺。而河岸的小屋到夜晚會掛曬燈籠出黎，真係好似返左古代！！有好多商店都賣燈籠，其實好靚，但問題係，你唔會買返屋企......又成為影相道具。
秋盆河有個地標叫日本橋，由日本人建造，以前跨過日本橋的對岸多是日本人住的地區，所以就有這個稱號。而家條橋外表非常古老，同會安的古城感覺好相襯。
呢度有好多餐廳，推介一間其中一間餐廳俾大家，叫Morning Glory，食地道越南菜，質素高，價錢合理，環境舒適。但服務態度有待改善，侍應表情有點不耐煩。食左越南春卷、米紙卷、河粉、炒飯、香蕉蛋糕、焦糖布丁，全部都不錯，而其中一樣叫「白玫瑰」，是會安特色菜，其實有點像蝦餃，用米皮包住隻蝦同少少肉，外型整到好似花，不過調味料變了魚露，可以一試。埋單每人約港幣$70，抵。
最後介紹呢種彩虹椰汁糕，如果有機會見到，要買黎試試。不太甜，味道剛好！但好難搵到，因為是會安眾多小販其中一、兩檔的公公婆婆自製的。
總括黎講會安的特色就是有種古舊的氛圍，好似時光倒流回到一個不屬於現代的地方，古色古香，風景不錯，是越南一個特別靚的地方。但我沒法很喜歡這個地方，因為真的太多商店，很商業，人也不太友善，有很多會因為你講價而黑面的店主，講唔岩價最後冇買野甚至會俾人鬧，但明明是他們先立心不良開高價呃遊客啊～覺得一個好有歷史價值的古城變左甘有點可惜呢。
Morning Glory
地址：106 Nguyen Thai Hoc St, Hoi An, Vietnam 網址：http://msvy-tastevietnam.com/morning-glory/
最先想講的是關於入城費。今次旅程去左會安兩日，第一日剛到埗時經過一個類似旅客中心的櫃檯，有個人截住我地幾個話要收入城費，大約係收港幣$40，我地有少少猶豫因為之前冇聽過去會安要俾錢。而同時我地發現不停有人係我地身邊經過，完全無視個櫃檯直接入左去，而又冇其他職員攔截佢地話收錢，所以我地不停問點解其他人唔駛俾，個職員聲稱佢地俾左，但明明好多人不斷經過櫃檯直接入城，手上又冇拎任何門票，一定冇俾過錢！所以我地都堅持唔俾，個職員又堅持唔俾我地入去，最後我地調頭走，兜另一條路入去，再冇遇到話要收錢的人。第二日再去會安，我地刻意再經過個櫃檯，都再冇職員話要收錢。即係話，佢地係求其揀人黎收錢！！！我覺得收錢唔係問題，但揀人黎收就過份左，所以大家都要小心啊～
帶住少少壞印象入城，會安到處是黃色小屋，大部份都是商店，是買手信的好地方，但感覺都幾商業，而且完全是搶遊客錢的地方。（第一印象真的好重要）很多小店都不會標價，那即是海鮮價啦，然後你慢慢會發現大部份都開天殺價，講價都講到累。但樂觀諗雖然佢地想呃你，但都呃唔到幾多，始終物價都係低啦，好多野都平。會安好出名造西裝，好多人會特登黎度身訂造一套西裝。除左商店，街邊仲有好多小販，總之都是逛街為主。
呢個小鎮的特色是有些部份不准汽車進入，只可以坐人力車或者單車，更添懷舊感。但我不建議坐人力車，我覺得自己慢慢行睇下周圍d野仲開心，人力車只是坐著走馬看花呀。單車都多人踩，但我去會安的時候都幾多人，所以又覺得踩著單車在人群中穿插不太好玩。所以這些東西都只是拍照工具啦哈哈。
秋盆河（Thu Bon river）是會安的核心部份，一個古城一定要有條河先有氣氛。河上仲有好多艇仔，遊客都可以坐艇仔遊河，但當然這些很遊客的活動不是我會做的啦。黃昏時份和天黑前的河岸景色最靚，我去那天很多雲，看不到日落很可惜，因為聽說呢度看日落好靚！！
但晚上又是另一番景象，有好多人放有祝福意思的水燈到河裡，一個個水燈在河上飄浮好有元宵節個種浪漫又古老的感覺。而河岸的小屋到夜晚會掛曬燈籠出黎，真係好似返左古代！！有好多商店都賣燈籠，其實好靚，但問題係，你唔會買返屋企......又成為影相道具。
秋盆河有個地標叫日本橋，由日本人建造，以前跨過日本橋的對岸多是日本人住的地區，所以就有這個稱號。而家條橋外表非常古老，同會安的古城感覺好相襯。
呢度有好多餐廳，推介一間其中一間餐廳俾大家，叫Morning Glory，食地道越南菜，質素高，價錢合理，環境舒適。但服務態度有待改善，侍應表情有點不耐煩。食左越南春卷、米紙卷、河粉、炒飯、香蕉蛋糕、焦糖布丁，全部都不錯，而其中一樣叫「白玫瑰」，是會安特色菜，其實有點像蝦餃，用米皮包住隻蝦同少少肉，外型整到好似花，不過調味料變了魚露，可以一試。埋單每人約港幣$70，抵。
最後介紹呢種彩虹椰汁糕，如果有機會見到，要買黎試試。不太甜，味道剛好！但好難搵到，因為是會安眾多小販其中一、兩檔的公公婆婆自製的。
總括黎講會安的特色就是有種古舊的氛圍，好似時光倒流回到一個不屬於現代的地方，古色古香，風景不錯，是越南一個特別靚的地方。但我沒法很喜歡這個地方，因為真的太多商店，很商業，人也不太友善，有很多會因為你講價而黑面的店主，講唔岩價最後冇買野甚至會俾人鬧，但明明是他們先立心不良開高價呃遊客啊～覺得一個好有歷史價值的古城變左甘有點可惜呢。
Morning Glory
地址：106 Nguyen Thai Hoc St, Hoi An, Vietnam 網址：http://msvy-tastevietnam.com/morning-glory/