[台中景點] 南投縣溪頭一日遊 絕美台灣秘景 忘憂森林+杉林溪森林生態渡假園區+妖怪村
去台灣太多次之後，開始要尋找鮮為人知的秘密景點，其實台中唔單止得清境同日月潭，仲有溪頭！由台中火車站搭公車出發，大約個半鐘就會去到溪頭，呢度有2個唔多遊客，但景色好好好美的景點，非常推介大家黎一日遊！
去到溪頭第一站首先要推介係忘憂森林。我黎溪頭其實最主要都係因為呢個地方。呢度係台灣921地震後形成的一個枯木地帶，原本正常生長的杉木林因為地震後河道阻塞形成淤積沼澤，杉木長期浸水而枯死，所以一個美麗地方背後的故事其實也是悲劇。預計幾年後呢個景色會逐漸消失，因為唔少枯木已經開始倒塌，所以要睇就要快！
忘憂森林景色好迷幻，幾百棵高聳入雲的枯木好震撼。天氣好而地下又有水的話會更靚，有枯木同天空的倒影，令人好難忘的景色！！如果天氣唔好的時間來，畫面應該會陰森同淒冷好多。
我去的時間遊客唔多，環境份外寧靜，又真係幾忘憂。提提大家，呢度地面好濕滑又多泥濘，一定要著波鞋同埋小心行走，而且氣溫低，著多件衫。
忘憂森林位於高山地區，海拔2000米，上山只有一條路，一條好斜好多彎的路。上山有兩個方法，台中架公車去到溪頭總站落，之後轉一架去森林生態渡假園區的公車中途落車（上車同司機講去忘憂森林），落車會見到好多茶葉店，可以選擇行上山或者坐接駁車上去。如果行就40分鐘，但條路真係好斜，會幾辛苦。搭接駁車就10分鐘，每人來回台幣$200，即港幣$50。又要強調條山路真的好斜，一般的士同私家車都唔會上到去，接駁車係四駒車，上山過程仲會好刺激，所以唔好妄想可以自己開車衝上去，的士包車都唔會肯載你上去。雖然路途遙遠，交通又麻煩，但都覺得好值得去。
去完忘憂森林，推介另一個景點，就係杉林溪森林生態渡假園區。頭先講去忘憂森林個架車總站就係杉林溪。由溪頭上去車程約半個鐘，入場費台幣$250，港幣$62。呢個係一個親親大自然的好地方，海拔1600米，空氣清新，成個園區有多條步道，沿路都係花草、森林、石洞、小河之類。有時間可以當行山慢慢行，或者搭園區的收費接駁車。
其中最值得去就係松瀧岩瀑布。瀑布旁的岩洞有30米高，68米闊，企係岩洞仰望瀑布好震撼，水好澎湃好有氣勢！附近溪流的水好清澈，加上四周成個環境都係青山綠水，好似仙境一樣！簡直身心舒暢呀！
園區仲有另一個比松瀧岩瀑布細小一點的青龍瀑布，可惜時間不夠冇去到。杉林溪唔同季節都會有唔同景色，大家可以揀花季去。我去的時候是初秋，有少少紅葉。在杉林溪隨便散散步都覺得好舒暢，優美景色隨時都會出現，建議可能預留一個下午係度。
最後介紹一個已經好多人認識，但我個人覺得好無聊的景點－妖怪村。溪頭公車總站就係妖怪村，係一個以妖怪做主題的日式風格商圈。裝飾其實都幾靚既，有鳥居、日式燈籠同埋好多可愛妖怪造型的擺設，影下相都OK。但呢個商圈好細，主要只係賣食物同手信的店，可能都有人會覺得d妖怪造型手信好得意，但我個人完全沒興趣買，也不覺得我朋友會喜歡......半個鐘不夠就逛完了。雖然話就話開到夜晚8點，但食的小攤檔好多5點幾已經準備關門話冇野賣。反正順路大家可以去逛逛，但絕對不用特登去，你會後悔的。
溫馨提示：溪頭係一個適合一日遊的地方，因為夜晚完全沒地方可以去，始終係山區，黃昏前就應該要走。由台中出發強烈建議包車，因為路途遙遠，去忘憂森林同杉林溪都要轉車，重點係公車班次唔多，一日得幾班，時間好難夾。特別係由溪頭返台中的公車最後一班係5點幾，仲可能full左上唔到，就有機會要在溪頭過夜。如果唔想包車，就預早出發，睇好曬公車時間表，買定回程車票啦。台中－溪頭公車時間表可參考：http://www.taiwantrip.com.tw/Schedule/#fly9
去到溪頭第一站首先要推介係忘憂森林。我黎溪頭其實最主要都係因為呢個地方。呢度係台灣921地震後形成的一個枯木地帶，原本正常生長的杉木林因為地震後河道阻塞形成淤積沼澤，杉木長期浸水而枯死，所以一個美麗地方背後的故事其實也是悲劇。預計幾年後呢個景色會逐漸消失，因為唔少枯木已經開始倒塌，所以要睇就要快！
忘憂森林景色好迷幻，幾百棵高聳入雲的枯木好震撼。天氣好而地下又有水的話會更靚，有枯木同天空的倒影，令人好難忘的景色！！如果天氣唔好的時間來，畫面應該會陰森同淒冷好多。
我去的時間遊客唔多，環境份外寧靜，又真係幾忘憂。提提大家，呢度地面好濕滑又多泥濘，一定要著波鞋同埋小心行走，而且氣溫低，著多件衫。
忘憂森林位於高山地區，海拔2000米，上山只有一條路，一條好斜好多彎的路。上山有兩個方法，台中架公車去到溪頭總站落，之後轉一架去森林生態渡假園區的公車中途落車（上車同司機講去忘憂森林），落車會見到好多茶葉店，可以選擇行上山或者坐接駁車上去。如果行就40分鐘，但條路真係好斜，會幾辛苦。搭接駁車就10分鐘，每人來回台幣$200，即港幣$50。又要強調條山路真的好斜，一般的士同私家車都唔會上到去，接駁車係四駒車，上山過程仲會好刺激，所以唔好妄想可以自己開車衝上去，的士包車都唔會肯載你上去。雖然路途遙遠，交通又麻煩，但都覺得好值得去。
去完忘憂森林，推介另一個景點，就係杉林溪森林生態渡假園區。頭先講去忘憂森林個架車總站就係杉林溪。由溪頭上去車程約半個鐘，入場費台幣$250，港幣$62。呢個係一個親親大自然的好地方，海拔1600米，空氣清新，成個園區有多條步道，沿路都係花草、森林、石洞、小河之類。有時間可以當行山慢慢行，或者搭園區的收費接駁車。
其中最值得去就係松瀧岩瀑布。瀑布旁的岩洞有30米高，68米闊，企係岩洞仰望瀑布好震撼，水好澎湃好有氣勢！附近溪流的水好清澈，加上四周成個環境都係青山綠水，好似仙境一樣！簡直身心舒暢呀！
園區仲有另一個比松瀧岩瀑布細小一點的青龍瀑布，可惜時間不夠冇去到。杉林溪唔同季節都會有唔同景色，大家可以揀花季去。我去的時候是初秋，有少少紅葉。在杉林溪隨便散散步都覺得好舒暢，優美景色隨時都會出現，建議可能預留一個下午係度。
最後介紹一個已經好多人認識，但我個人覺得好無聊的景點－妖怪村。溪頭公車總站就係妖怪村，係一個以妖怪做主題的日式風格商圈。裝飾其實都幾靚既，有鳥居、日式燈籠同埋好多可愛妖怪造型的擺設，影下相都OK。但呢個商圈好細，主要只係賣食物同手信的店，可能都有人會覺得d妖怪造型手信好得意，但我個人完全沒興趣買，也不覺得我朋友會喜歡......半個鐘不夠就逛完了。雖然話就話開到夜晚8點，但食的小攤檔好多5點幾已經準備關門話冇野賣。反正順路大家可以去逛逛，但絕對不用特登去，你會後悔的。
溫馨提示：溪頭係一個適合一日遊的地方，因為夜晚完全沒地方可以去，始終係山區，黃昏前就應該要走。由台中出發強烈建議包車，因為路途遙遠，去忘憂森林同杉林溪都要轉車，重點係公車班次唔多，一日得幾班，時間好難夾。特別係由溪頭返台中的公車最後一班係5點幾，仲可能full左上唔到，就有機會要在溪頭過夜。如果唔想包車，就預早出發，睇好曬公車時間表，買定回程車票啦。台中－溪頭公車時間表可參考：http://www.taiwantrip.com.tw/Schedule/#fly9