[華欣住宿] 平價避世度假天堂 5星級Evason Hua Hin Resort 獨霸私人泳池
貴為泰國皇室喜愛的度假勝地，以為去華欣度假會好貴？錯啦，華欣其實係一個平價度假天堂，好多好靚的度假酒店，間間都有濃厚度假氣氛，而價錢都好平民化，平均都係幾百蚊至千零蚊一晚，已經有5星級享受啦！多番掙扎之下，終於揀左以下呢一間！
Evason Hua Hin Resort距離華欣市區約40分鐘車程，唔近市區，但絕對係遠離煩囂之選。一踏入度假村已經覺得非常放鬆，周圍都種左好多椰樹同植物，一片翠綠，空氣都特別清新。Reception係木建的，check in個時職員會邀請你坐梳化，再俾茶同毛巾你，服務態度非常親切友善。
重點來了！Evason有幾種房型，我住的係Villa，幾種房型中最貴，大約港幣$1300一晚，但無論房裡面的設施定度假村的設施同整體質素都令我覺得呢個價錢超值！先介紹下間房啦，分室內同室外兩部份，室外有私人泳池、方型浴缸、涼亭同兩張沙灘椅。私人泳池係我今次旅程揀酒店指定一定要有既設施，泰國甘熱如果可以無時無刻跳落水實在太正啦！而呢個私人泳池都算幾大，水深大約1.2米，真係游到水，不過我都係用黎玩下水架咋。另外個方型浴缸都好正，夜晚可以睇住星星浸浴，真係超級放鬆寫意的享受呀！
室內的部份都好唔錯，空間大，床好大好舒服，有帳幕，佢咪係傳說中的公主床？頭先話室外有浴缸，房入面個浴室都有淋浴間，而且好大添。比較深刻係有咖啡機、好多茶包咖啡、免費生果同好多body cream。成間房的設計都散發一種大自然悠閒風，超舒適der～
我成日都覺得一間好的度假村必須要有一個好靚的公眾泳池，Evason就有啦！泳池都幾大，周圍種左好高好高的椰樹，而且隔條馬路就係沙灘，望住個海游水好開心！
除左游水，度假村仲有好多活動俾住客參與，有d需要收費，有d免費，包括打網球、做SPA、租單車、學泰拳、瑜珈堂、學整泰菜、local tour等等。房間有活動時間表，每個月都會轉，我今次住的時間唔夠長，（主要是花太多時間玩水同午睡......）所以只做了spa。其實好多活動我都超有興趣，下次有機會再黎我一定要住多幾晚玩多d野。而呢度的spa據說係好受歡迎的，我都覺得選擇好多而且好舒服，但價錢略貴，兩個鐘的磨砂加泰式按摩要港幣$800多，雖然係5星級酒店的合理價錢，但因為總係覺得泰國spa應該係平，同埋度假村房價同其他服務都算平，就顯得spa唔算太抵啦。
至於食呢，度假村有幾間餐廳，各有特色。食自助早餐的The Restaurant，自助早餐選擇都算多，西式泰式日式咩都有d，質素就正常啦，未至於想讚佢。哈哈。
The Restaurant隔離有間地中海餐廳Coast，朝早都會開放埋俾大家食自助早餐，但主要只係提供多點座位，食物都在The Restaurant。夜晚就有地中海菜食。好鍾意Coast的環境，可以見到海灘，好有地中海度假feel。
仲有間食泰菜的叫Kieng Sah，我食過晚餐，二人套餐只需港幣$500，有6道菜再加甜品，夠曬豐富之餘仲又平又好食。留在度假村食晚飯的客人唔多，職員們服務超好，推介。
泳池隔離有間The Bar，我食過下午茶，有西式亦有泰式野食，水準唔錯。夜晚會有live band表演，聽下歌飲返杯cocktail，氣氛好唔錯。
如果想住Evason但又唔特別想住villa，都可以揀Evason Room 或者Evason Studio ，冇私人泳池，最平港幣$500幾就可以住一晚啦，幾抵架！
Evason Hua Hin Resort
地址：Pak Nam Pran Rd, Pak Nam Pran, Pran Buri District, Prachuap Khiri Khan 77220 Thailand
網址：http://www.sixsenses.com/evason-resorts/hua-hin/destination
房價：Evason Room 約港幣$560/晚；Evason Villa 約港幣$1300/晚
Evason Hua Hin Resort距離華欣市區約40分鐘車程，唔近市區，但絕對係遠離煩囂之選。一踏入度假村已經覺得非常放鬆，周圍都種左好多椰樹同植物，一片翠綠，空氣都特別清新。Reception係木建的，check in個時職員會邀請你坐梳化，再俾茶同毛巾你，服務態度非常親切友善。
重點來了！Evason有幾種房型，我住的係Villa，幾種房型中最貴，大約港幣$1300一晚，但無論房裡面的設施定度假村的設施同整體質素都令我覺得呢個價錢超值！先介紹下間房啦，分室內同室外兩部份，室外有私人泳池、方型浴缸、涼亭同兩張沙灘椅。私人泳池係我今次旅程揀酒店指定一定要有既設施，泰國甘熱如果可以無時無刻跳落水實在太正啦！而呢個私人泳池都算幾大，水深大約1.2米，真係游到水，不過我都係用黎玩下水架咋。另外個方型浴缸都好正，夜晚可以睇住星星浸浴，真係超級放鬆寫意的享受呀！
室內的部份都好唔錯，空間大，床好大好舒服，有帳幕，佢咪係傳說中的公主床？頭先話室外有浴缸，房入面個浴室都有淋浴間，而且好大添。比較深刻係有咖啡機、好多茶包咖啡、免費生果同好多body cream。成間房的設計都散發一種大自然悠閒風，超舒適der～
我成日都覺得一間好的度假村必須要有一個好靚的公眾泳池，Evason就有啦！泳池都幾大，周圍種左好高好高的椰樹，而且隔條馬路就係沙灘，望住個海游水好開心！
除左游水，度假村仲有好多活動俾住客參與，有d需要收費，有d免費，包括打網球、做SPA、租單車、學泰拳、瑜珈堂、學整泰菜、local tour等等。房間有活動時間表，每個月都會轉，我今次住的時間唔夠長，（主要是花太多時間玩水同午睡......）所以只做了spa。其實好多活動我都超有興趣，下次有機會再黎我一定要住多幾晚玩多d野。而呢度的spa據說係好受歡迎的，我都覺得選擇好多而且好舒服，但價錢略貴，兩個鐘的磨砂加泰式按摩要港幣$800多，雖然係5星級酒店的合理價錢，但因為總係覺得泰國spa應該係平，同埋度假村房價同其他服務都算平，就顯得spa唔算太抵啦。
至於食呢，度假村有幾間餐廳，各有特色。食自助早餐的The Restaurant，自助早餐選擇都算多，西式泰式日式咩都有d，質素就正常啦，未至於想讚佢。哈哈。
The Restaurant隔離有間地中海餐廳Coast，朝早都會開放埋俾大家食自助早餐，但主要只係提供多點座位，食物都在The Restaurant。夜晚就有地中海菜食。好鍾意Coast的環境，可以見到海灘，好有地中海度假feel。
仲有間食泰菜的叫Kieng Sah，我食過晚餐，二人套餐只需港幣$500，有6道菜再加甜品，夠曬豐富之餘仲又平又好食。留在度假村食晚飯的客人唔多，職員們服務超好，推介。
泳池隔離有間The Bar，我食過下午茶，有西式亦有泰式野食，水準唔錯。夜晚會有live band表演，聽下歌飲返杯cocktail，氣氛好唔錯。
如果想住Evason但又唔特別想住villa，都可以揀Evason Room 或者Evason Studio ，冇私人泳池，最平港幣$500幾就可以住一晚啦，幾抵架！
Evason Hua Hin Resort
地址：Pak Nam Pran Rd, Pak Nam Pran, Pran Buri District, Prachuap Khiri Khan 77220 Thailand
網址：http://www.sixsenses.com/evason-resorts/hua-hin/destination
房價：Evason Room 約港幣$560/晚；Evason Villa 約港幣$1300/晚