[台北景點] 會說故事的咖啡店 秋惠文庫 小型台灣歷史博物館
台北的特色咖啡店真的好多好多，時間有限，每次去台北都要掙扎好耐究竟去邊間好。今次呢間特別之處在於佢既係咖啡店，亦係一個小型的台灣歷史博物館，因為店主係一個文物收藏家，整間咖啡店都放滿店主的珍貴收藏寶物，全部都好有歷史價值。
秋惠文庫鄰近好多野食的永康街，由東門捷運站5號出口一出黎右邊就會見到一個小招牌，秋惠文庫係間樓上咖啡店，上到3樓就係啦。一出lift已經見到好多舊式海報，有種進入時光隧道的感覺，一推開秋惠文庫的門，更加覺得完全跌入左另一個時空，去到古代的台灣！
咖啡店有超級超級多台灣文物，包括海報、字畫、歷史文獻、民俗工藝品、玩具、書......好多好多得意野睇。成個佈置、裝潢同氣氛都好古典懷舊，同窗外的台北鬧市風景有好強烈對比，感覺好有趣。
我在咖啡店睇左關於店主一點訪問，店主林于昉先生係一個牙醫，佢曾經在日本留學，留學時期好鍾意逛日本的古書街「神保町」，開始對收藏文物產生興趣，慢慢就越儲越多。佢覺得一般人要認識台灣歷史或者欣賞文物都要特登去大型博物館，同展品亦好有距離感，所以佢就創立秋惠文庫，等大家可以在一個輕鬆的環境同台灣歷史有更近距離的接觸啦。而秋惠文庫個名係來自林先生父母的名字結合，好有意思。關於訪問最深刻的一段係收藏文物的過程令佢明白凡事隨緣，因為唔屬於你的就算你幾想要都唔會得到，但真正屬於你的得來全不費功夫，兜兜轉轉都會返到你身邊。這也是我一直相信的！！！
黎到秋惠文庫係絕對會俾文物吸引左，而差點唔記得左要飲咖啡......咖啡同茶選擇唔太多，我點左黑糖拿鐵，都幾香幾滑，是好飲的。大家唔好期望呢度會有蛋糕呀下午茶呀熟食之類的東西，咖啡之外只有手工餅乾。但秋惠文庫重點就係俾大家可以一邊飲咖啡一邊了解台灣歷史，我覺得呢個意念真的好好，因為歷史博物館對好多人黎講係一個好悶的東西，但以咖啡店包裝，成個感覺就會唔同左，變得平易近人。
秋惠文庫
地址︰台北市信義路二段178號3樓
交通：東門捷運站5號出口右邊
營業時間：星期二至日 11:00 - 19:00 （逢星期一休息）
Facebook：https://www.facebook.com/FormosaMuseum
秋惠文庫鄰近好多野食的永康街，由東門捷運站5號出口一出黎右邊就會見到一個小招牌，秋惠文庫係間樓上咖啡店，上到3樓就係啦。一出lift已經見到好多舊式海報，有種進入時光隧道的感覺，一推開秋惠文庫的門，更加覺得完全跌入左另一個時空，去到古代的台灣！
咖啡店有超級超級多台灣文物，包括海報、字畫、歷史文獻、民俗工藝品、玩具、書......好多好多得意野睇。成個佈置、裝潢同氣氛都好古典懷舊，同窗外的台北鬧市風景有好強烈對比，感覺好有趣。
我在咖啡店睇左關於店主一點訪問，店主林于昉先生係一個牙醫，佢曾經在日本留學，留學時期好鍾意逛日本的古書街「神保町」，開始對收藏文物產生興趣，慢慢就越儲越多。佢覺得一般人要認識台灣歷史或者欣賞文物都要特登去大型博物館，同展品亦好有距離感，所以佢就創立秋惠文庫，等大家可以在一個輕鬆的環境同台灣歷史有更近距離的接觸啦。而秋惠文庫個名係來自林先生父母的名字結合，好有意思。關於訪問最深刻的一段係收藏文物的過程令佢明白凡事隨緣，因為唔屬於你的就算你幾想要都唔會得到，但真正屬於你的得來全不費功夫，兜兜轉轉都會返到你身邊。這也是我一直相信的！！！
黎到秋惠文庫係絕對會俾文物吸引左，而差點唔記得左要飲咖啡......咖啡同茶選擇唔太多，我點左黑糖拿鐵，都幾香幾滑，是好飲的。大家唔好期望呢度會有蛋糕呀下午茶呀熟食之類的東西，咖啡之外只有手工餅乾。但秋惠文庫重點就係俾大家可以一邊飲咖啡一邊了解台灣歷史，我覺得呢個意念真的好好，因為歷史博物館對好多人黎講係一個好悶的東西，但以咖啡店包裝，成個感覺就會唔同左，變得平易近人。
秋惠文庫
地址︰台北市信義路二段178號3樓
交通：東門捷運站5號出口右邊
營業時間：星期二至日 11:00 - 19:00 （逢星期一休息）
Facebook：https://www.facebook.com/FormosaMuseum