[東京景點] 在森林和原野 輕井澤兩天遊 慳錢交通、景點及酒店推介
東京近郊有好多值得去的地方，其中少女最鍾意就係位於長野縣的輕井澤。由東京市區出發，搭一個鐘左右新幹線就到啦！去輕井澤最抵的交通方式係買一張叫JR東京廣域周遊卷的3天pass，呢張pass要10000 yen，可以連續用3日，指定地區任搭，包含路線好廣泛，機場都包。本身由東京上野站去輕井澤來回車錢已經超過10000yen，所以淨係去輕井澤都已經抵。如果再用呢張pass去埋其他包含的地方，可以話等於其他車程免費，所以張pass係必買。溫馨提示：買左呢張pass之後都要另外在車站搵職員出車票劃位，唔係買左pass就可以亂入閘上車架。而去輕井澤仲可以揀巴士，會平好多，但時間耐好多，一程要3個鐘，所以我都冇考慮。（JR東京廣域周遊卷：詳情）
遊輕井澤可以選擇超chur一日遊，但我覺得兩日一夜會比較好，想relax一點去3日都唔會覺得悶。今次我去左兩日一夜，雖然都算去曬我想去的地方，但仍然好想重遊，因為呢度真係一個好舒服好靚！
輕井澤站分南北出口，簡單將輕井澤劃分左兩部分。景點集中在北出口，但南出口都唔可以忽略，因為個邊有一個超重要的景點，就係全日本最大的outlet！！！呢個叫王子購物中心Prince shopping plaza outlet，係一個超超超大的outlet，有超過230間店，一出車站就見到。
要好好行Prince outlet首先一定要拎張地圖，揀好自己想行的品牌，重點出撃。Outlet有好多國際名牌、日本品牌服飾、家居用品、連動品牌、玩具同寵物用品等類別，仲有30幾間餐廳，總之任何人都一定搵到自己想睇的店舖。少女心水推介係日本的Earth & Music Ecology 同 Lowrys Farm，相信好多香港少女都好熟悉呢兩個品牌，而outlet呢度係賣緊最低2折！！！好多衫都係港幣$100以下，所以最後我買左好多好多野！！！滿載而歸呀～除左減價貨品都會有轉季新衫，一般都有8-9折。大家可以留意各間店的退稅政策，多數都係買滿5000 yen就可以即時減免稅項，抵上加抵！
Prince outlet除左係一個俾大家瘋狂購物的地方之外，仲係一個同一般公園無異的relax地。呢度有好大片草地、俾小朋友玩的小型遊樂設施、水池，環境好優美，間中仲會有表演活動。所以除左天生購物狂，仲發現呢度有好多一家大細、放狗的老人、閒聊的大夥兒......整個感覺都好合家歡。完全就係唔買野都黎坐下啦hea下啦的好地方。
至於北出口，都可以再分兩部份，一部份係星野度假村地區，屬於中輕井澤；另一部份係舊輕井澤區。先講星野度假村地區，車站南出口有免費接駁巴士去，大約20分鐘車程。之前去北海道曾經入住同一品牌的度假村，感覺非常好，就係好豪華的度假村。輕井澤呢間星野度假村都係走尊貴奢華路線，但即使唔入住酒店都仲有好多野可以睇，或者淨係黎浸溫泉都得。整個星野區都係一個森林的環境，好多好多樹同溪流，融入大自然的感覺好放鬆寫意。
今次我就主要黎參觀兩個教堂。第一個係高原教會，呢間係日本第一間可以俾新娘著西式婚紗舉行婚禮儀式的教堂，小木屋型的教堂細細間，好精緻。參觀的時候有人正舉行婚禮，有工作人員清場，連接近教堂都唔可以，等到行完禮，教堂就會開放俾公眾參觀，不過都只係開左度門俾大家從門口望一望入面，唔准影相。而且呢間係超受歡迎的教堂，婚禮一場接一場，上一場完左大約開放左10分鐘就又再清場準備下一場婚禮，所以有點運氣先睇到入面。我覺得呢間教堂最大賣點係被森林包圍，當然裡面都好靚。工作人員會簡單佈置教堂外的森林區，行完禮新人會同賓客一齊在森林區影相，浪漫啊！
另一個出名的教堂係離高原教會大約5分鐘路程的石之教會。呢間教堂外型好特別，完全唔似一般的教堂，佢係一座融合石、光、水、樹木、綠色的教堂，由美國的建築家內村鑑三興建。大家睇下個門口係咪好有型？石，全部都係石！沿路入去都係石！同高原教會一樣，有人舉行緊婚禮就唔可以入去，正常情況應該都係婚禮與婚禮之間有少少空檔都會開放，但我今次冇等啦，唔知等幾耐先完。想擁有一個與別不同的婚禮，石之教會係好選擇，不過呢，我個人就喜歡高原教會多一點啦，少女d丫麻......
參觀完教堂，可以逛逛榆樹街小鎮，有商店同餐廳，環境都幾靚。
星野度假村有一間好出名的餐廳叫村民食堂，採用來自信州的新鮮食材，味道質素的確唔錯，但係等位等好耐。如果佢地好full我可以理解，但重點係佢地人手唔夠，即使店內有好多好多空位，出面又有好多好多人等緊，佢地都係要隔左好耐好耐先得閒執枱再俾人入座。我望住餐廳裡有超過10張空枱足足半個鐘，佢地都冇安排等緊的人入座，好無奈。如果唔需要等，我覺得可以一食，要等就唔太值得。下次黎輕井澤希望可以住到星野度假村啦！！！
離開星野區，可以去舊輕井澤。其中一個景點係雲場池，池水超清，倒影好靚，可惜去的時候天陰陰，景色爭左少少，如果係藍天白雲，或者紅葉期黎一定好好好靚。
從雲場池可以行去銀座通，行街的地方，好逛係因為有好多特色小店，而且間間小屋建築同佈置都好靚，有點歐陸風情。特別推介係輕井澤的手工果醬，有好多特別味道，布丁味超正呀！！！
銀座通附近又有另一個教堂，聖保羅教會，由美國建築家安東尼雷門以歐洲的鄉間教堂風格所建造，主要材料係木同水泥石板，但來的時候沒有開放參觀。輕井澤真係一個教堂之地呀。
最後介紹一下今次入住的酒店，叫Chisun Inn，距離輕井澤站大約35分鐘路程，搭的士就5分鐘左右。但記住日本的士好貴，短短5分鐘已經要港幣$150！！！我試過行，都試過搭的士，如果唔係帶住行李，出入踩單車應該係最好。後尾問職員有巴士可以搭，但我去個時係日本假期所以冇......地點黎講的確唔多值得推介，但輕井澤住宿偏貴，呢間港幣$1000/晚，我覺得算合理，而且間房都好乾淨、舒服，出入的路都好易行，所以都可以考慮。
我真係好鍾意輕井澤，因為周圍被森林包圍，成個感覺都好放鬆，而且沿路有好多歐陸式小屋，好童話！！輕井澤係一個好適合踩單車的地方，強烈大家要租單車！今次有點趕急，天氣亦不算好，所以希望出年紅葉期可以再黎一次，要去埋白絲瀑布同住星野！
遊輕井澤可以選擇超chur一日遊，但我覺得兩日一夜會比較好，想relax一點去3日都唔會覺得悶。今次我去左兩日一夜，雖然都算去曬我想去的地方，但仍然好想重遊，因為呢度真係一個好舒服好靚！
輕井澤站分南北出口，簡單將輕井澤劃分左兩部分。景點集中在北出口，但南出口都唔可以忽略，因為個邊有一個超重要的景點，就係全日本最大的outlet！！！呢個叫王子購物中心Prince shopping plaza outlet，係一個超超超大的outlet，有超過230間店，一出車站就見到。
要好好行Prince outlet首先一定要拎張地圖，揀好自己想行的品牌，重點出撃。Outlet有好多國際名牌、日本品牌服飾、家居用品、連動品牌、玩具同寵物用品等類別，仲有30幾間餐廳，總之任何人都一定搵到自己想睇的店舖。少女心水推介係日本的Earth & Music Ecology 同 Lowrys Farm，相信好多香港少女都好熟悉呢兩個品牌，而outlet呢度係賣緊最低2折！！！好多衫都係港幣$100以下，所以最後我買左好多好多野！！！滿載而歸呀～除左減價貨品都會有轉季新衫，一般都有8-9折。大家可以留意各間店的退稅政策，多數都係買滿5000 yen就可以即時減免稅項，抵上加抵！
Prince outlet除左係一個俾大家瘋狂購物的地方之外，仲係一個同一般公園無異的relax地。呢度有好大片草地、俾小朋友玩的小型遊樂設施、水池，環境好優美，間中仲會有表演活動。所以除左天生購物狂，仲發現呢度有好多一家大細、放狗的老人、閒聊的大夥兒......整個感覺都好合家歡。完全就係唔買野都黎坐下啦hea下啦的好地方。
至於北出口，都可以再分兩部份，一部份係星野度假村地區，屬於中輕井澤；另一部份係舊輕井澤區。先講星野度假村地區，車站南出口有免費接駁巴士去，大約20分鐘車程。之前去北海道曾經入住同一品牌的度假村，感覺非常好，就係好豪華的度假村。輕井澤呢間星野度假村都係走尊貴奢華路線，但即使唔入住酒店都仲有好多野可以睇，或者淨係黎浸溫泉都得。整個星野區都係一個森林的環境，好多好多樹同溪流，融入大自然的感覺好放鬆寫意。
今次我就主要黎參觀兩個教堂。第一個係高原教會，呢間係日本第一間可以俾新娘著西式婚紗舉行婚禮儀式的教堂，小木屋型的教堂細細間，好精緻。參觀的時候有人正舉行婚禮，有工作人員清場，連接近教堂都唔可以，等到行完禮，教堂就會開放俾公眾參觀，不過都只係開左度門俾大家從門口望一望入面，唔准影相。而且呢間係超受歡迎的教堂，婚禮一場接一場，上一場完左大約開放左10分鐘就又再清場準備下一場婚禮，所以有點運氣先睇到入面。我覺得呢間教堂最大賣點係被森林包圍，當然裡面都好靚。工作人員會簡單佈置教堂外的森林區，行完禮新人會同賓客一齊在森林區影相，浪漫啊！
另一個出名的教堂係離高原教會大約5分鐘路程的石之教會。呢間教堂外型好特別，完全唔似一般的教堂，佢係一座融合石、光、水、樹木、綠色的教堂，由美國的建築家內村鑑三興建。大家睇下個門口係咪好有型？石，全部都係石！沿路入去都係石！同高原教會一樣，有人舉行緊婚禮就唔可以入去，正常情況應該都係婚禮與婚禮之間有少少空檔都會開放，但我今次冇等啦，唔知等幾耐先完。想擁有一個與別不同的婚禮，石之教會係好選擇，不過呢，我個人就喜歡高原教會多一點啦，少女d丫麻......
參觀完教堂，可以逛逛榆樹街小鎮，有商店同餐廳，環境都幾靚。
星野度假村有一間好出名的餐廳叫村民食堂，採用來自信州的新鮮食材，味道質素的確唔錯，但係等位等好耐。如果佢地好full我可以理解，但重點係佢地人手唔夠，即使店內有好多好多空位，出面又有好多好多人等緊，佢地都係要隔左好耐好耐先得閒執枱再俾人入座。我望住餐廳裡有超過10張空枱足足半個鐘，佢地都冇安排等緊的人入座，好無奈。如果唔需要等，我覺得可以一食，要等就唔太值得。下次黎輕井澤希望可以住到星野度假村啦！！！
離開星野區，可以去舊輕井澤。其中一個景點係雲場池，池水超清，倒影好靚，可惜去的時候天陰陰，景色爭左少少，如果係藍天白雲，或者紅葉期黎一定好好好靚。
從雲場池可以行去銀座通，行街的地方，好逛係因為有好多特色小店，而且間間小屋建築同佈置都好靚，有點歐陸風情。特別推介係輕井澤的手工果醬，有好多特別味道，布丁味超正呀！！！
銀座通附近又有另一個教堂，聖保羅教會，由美國建築家安東尼雷門以歐洲的鄉間教堂風格所建造，主要材料係木同水泥石板，但來的時候沒有開放參觀。輕井澤真係一個教堂之地呀。
最後介紹一下今次入住的酒店，叫Chisun Inn，距離輕井澤站大約35分鐘路程，搭的士就5分鐘左右。但記住日本的士好貴，短短5分鐘已經要港幣$150！！！我試過行，都試過搭的士，如果唔係帶住行李，出入踩單車應該係最好。後尾問職員有巴士可以搭，但我去個時係日本假期所以冇......地點黎講的確唔多值得推介，但輕井澤住宿偏貴，呢間港幣$1000/晚，我覺得算合理，而且間房都好乾淨、舒服，出入的路都好易行，所以都可以考慮。
我真係好鍾意輕井澤，因為周圍被森林包圍，成個感覺都好放鬆，而且沿路有好多歐陸式小屋，好童話！！輕井澤係一個好適合踩單車的地方，強烈大家要租單車！今次有點趕急，天氣亦不算好，所以希望出年紅葉期可以再黎一次，要去埋白絲瀑布同住星野！
