[重遊關島] 最美天堂島國 食玩買全攻略
上一篇關島Q&A簡單介紹左關島啦：[重遊關島] 絕美太平洋島國 6個關島Q&A 廉航直飛度假天堂
今次就詳細講下關島有咩好食、好玩、好買！
食食食
關島有咩特色食物呢？主菜黎講，一定係燒烤！關島人真係好鍾意食燒烤食物，常見的有燒雞、豬肋骨同牛，全部都燒得好香！烤肉好多時都會再配上關島獨有的紅飯。呢種橙紅色的飯是用關島當地的achote樹泡出的紅色汁液煮成的，有種淡淡的清新植物味道，一試難忘。Jamaican Grill就係其中一間當地著名的燒烤餐廳，結合了牙買加燒烤方式、關島當地食材與Finadene醬汁，創造出獨特口味！餐廳仲有唔少關島獨有的小食前菜，可以一試。（地址：288 Pale San Vitores Rd., Tumon, Guam）
各位漢堡神偷有福了，因為關島有間得獎漢堡包店，名叫Meskla Dos，分別在2011年與2014年都獲得Best Burger，實在係名不虛傳架！特別推介有超大個漢堡包，牛肉好juicy，好好味！個包大到可以兩個人一齊開心share添！另外仲有個蝦堡都好唔錯，蝦肉好新鮮，仲辣辣地夠惹味！薯條都炸得香脆呀！（地址：413 A&B N. Marine Corps, Tamuning, Guam）
最後介紹一下關島的甜品，首先係Taro Cheese Cake香芋芝士蛋糕，芋頭好香，成個蛋糕都好滑，甜而不膩，食多件都仲得呀！之後有Banana Fritter，即係炸香蕉，外面好脆，味道甜甜地，香蕉加左少少椰絲，味道好夾，一定要試！呢間餐廳係Proa Hagatna，都有燒烤食，都係間環境好舒適，食物質素唔錯的餐廳。（地址：324 W Soledad Ave, Hagatna,Guam）
可能因為關島日、韓遊客都多，所以呢度都有好多日、韓式餐廳，唔駛驚食西餐食到厭冇選擇，好多野食架！
買買買
關島同其他主打陽光與海灘的地方最唔同就係呢度有好多野買！每年12月至2月頭仲有關島購物節，買野勁多優惠勁多折扣，今2016年仲升級做電子購物節，下載手機應用程式可以獲得電子優惠券，甚至有定位功能，根據你身處的位置提供附近商舖的優惠資訊，夠曬方便，岩曬一眾購物狂！
關島的商場主要集中在杜夢灣地區，有一條好有美國風情的大街，商舖林立，大家可以預留一日在此血拼！呢度有好多高級名牌店、免稅商場DFS T-Galleria、主打日本品牌的JP Superstore、美式大型商場The Plaza等等，衫褲鞋襪、家品、玩具、生活雜貨、地道手信全部都有，可以滿足各類型的購物狂！
另外，關島必逛的仲有Guam Premier Outlets、24小時營業生活雜貨大賣場K-mart、周圍都有的手信連鎖店ABC Stores，呢幾個地方有咩正野賣同詳細介紹在第一次黎關島的時候已經介紹過，可以睇返呢度：天堂關島三部曲（二）免稅世界購物與手信篇
仲有仲有，關島的椰子油好出名！佢有好多椰子味的東西，食得唔食得都有，我買左沐浴露，好香好香好滑好滑，哈哈。
玩玩玩
第一次去關島都參觀過幾個著名景點，詳情：天堂關島三部曲(一) 景點篇今次就介紹多幾個上次冇去的景點啦。
Plaza de Espana
關島幾百年來經歷過不同國家的統治，也參與過不少戰爭，所以留下很多具不同國家風格的建築和戰爭遺跡。西班牙廣場是西班牙統治關島時的西班牙總督府，雖然大部份宮殿都在第二次世界大戰時被破壞，但剩下的幾棟建築物還是帶有歐陸風情，包括總督宅邸、花園、巧克力屋和西班牙拱門，也是個了解關島歷史的好地方。
Fort Apugan
好明顯呢個以前係一個打仗用的炮台啦，而家就成為一個睇風景的觀景台，因為位於高點，所以可以睇到超廣闊的關島風景，好靚～仲有一大片草地可以野餐添！台灣歌手梁靜茹的小手拉大手MV就係呢度拍取景架啦！佢成個MV都係關島拍架！MV LINK
Latte Stone Park
呢個公園有兩樣野睇，首先係8個拉提石，咩係拉提石？古代查莫洛人就係用呢種柱石黎起屋。拉提石係屋的基柱，由下半部稱為Haligi的石柱以及上半部的石帽Tasa組成，半圓形的石帽與石柱一凸一凹，有避震功能架。而且係有錢人先用得，社會階級越高就會用越多拉堤石，平民起屋只係用木頭......
另外公園仲有兩個太平洋戰爭時期留下的防空洞，我第一次進入防空洞！！有d驚，入面好黑下......
Valley of the Latte Adventure Park
要認識關島的文化就一定要認識查莫洛文化，關島好多景點都同查莫洛文化有關。Valley of the Latte Adventure Park就係一個以讓你從多角度了解查莫洛文化的村莊。首先遊客可以坐船欣賞關島的河流生態環境，途中會見到魚同蟹，落船之後跟隨導遊了解查莫洛的房屋結構、關島獨有的植物、用椰子樹葉編織出各式各樣的器皿、捕漁生活、甚至古人鑽木取火的技巧......都幾有趣架。
仲見到關島牛。
導遊好努力用椰子樹葉編織唔同的東西送俾我地，哈哈。
Tao Tao Tasi Show
另一個了解查莫洛故事的活動就係一邊食住關島著名的燒烤自助餐，一邊欣賞地道文化舞蹈表演。Tao Tao Tasi係一場在海邊的傳統舞蹈表演，以精彩的舞蹈講述關島歷史，舞蹈員落力演出，加入驚險的火舞同耍刀環節，仲會不時邀請台下觀眾上台一齊跳舞，氣氛好熱鬧。我平時唔多有興趣睇民族舞，但呢個係好睇的，一點都不覺得悶。建議大家可以日落時份黎到，欣賞下海景日落，食下野先，7點半表演開始，整個表演大約一個鐘。但大家對食物不要有期待......好一般。
景點以外關島仲有好多活動，可以玩盡海陸空！關島擁有無敵海灣，點少得一連串水上活動？水上電單車、划獨木舟、香蕉船、海上拖曳傘、坐潛水艇、出海睇海豚......都係基本啦。今次少女想推介的是浮潛！因為係我第一次玩，唔識游水都可以玩得好安心，重點係關島水好清，可以好清楚見到海裡的珊瑚同魚仔，最開心係近距離見到海龜在身邊游過，我從此愛上浮潛！如果識游水，可以挑戰帶氧深潛，探索關島的海底世界！
玩完水就上天空啦！好多人都認為一生一定要試一次高空跳傘，關島都可以玩！我的團友們就去左挑戰啦，從高空14000呎跳落黎，freefall一分鐘，感受飛的快感，整個關島都在腳下！佢地話好刺激好好玩。價錢係基本8000呎美金$249，再按高度加錢。雖然我今次唔敢挑戰，但都好希望有日可以衝破心理關口跳一次傘呀！如果你同我一樣都唔敢從高空跳落黎，但又心思思想飛上天，可以考慮駕駛小型飛機或者玩滑翔傘，都可以從高空上欣賞關島景色，希望下次可以玩！
其他好玩活動仲有高空滑索、實彈射擊、美式賽車、四驅車......好好好多野玩呀！如果對各式各樣的活動有興趣，可以上網報定名，又或者去到當地經酒店報，同埋市中心the Plaza商場地下的Lea Lea Lounge，提供好多關島旅遊資訊，仲可以即時報名參加各類型活動。（地址：1225-1275 Pale San Vitores Rd., Tumon Bay, Guam）
關島真係好靚，非常推介大家去關島，去完之後肯定你都會愛上呢個太平洋小島！
今次就詳細講下關島有咩好食、好玩、好買！
食食食
關島有咩特色食物呢？主菜黎講，一定係燒烤！關島人真係好鍾意食燒烤食物，常見的有燒雞、豬肋骨同牛，全部都燒得好香！烤肉好多時都會再配上關島獨有的紅飯。呢種橙紅色的飯是用關島當地的achote樹泡出的紅色汁液煮成的，有種淡淡的清新植物味道，一試難忘。Jamaican Grill就係其中一間當地著名的燒烤餐廳，結合了牙買加燒烤方式、關島當地食材與Finadene醬汁，創造出獨特口味！餐廳仲有唔少關島獨有的小食前菜，可以一試。（地址：288 Pale San Vitores Rd., Tumon, Guam）
各位漢堡神偷有福了，因為關島有間得獎漢堡包店，名叫Meskla Dos，分別在2011年與2014年都獲得Best Burger，實在係名不虛傳架！特別推介有超大個漢堡包，牛肉好juicy，好好味！個包大到可以兩個人一齊開心share添！另外仲有個蝦堡都好唔錯，蝦肉好新鮮，仲辣辣地夠惹味！薯條都炸得香脆呀！（地址：413 A&B N. Marine Corps, Tamuning, Guam）
最後介紹一下關島的甜品，首先係Taro Cheese Cake香芋芝士蛋糕，芋頭好香，成個蛋糕都好滑，甜而不膩，食多件都仲得呀！之後有Banana Fritter，即係炸香蕉，外面好脆，味道甜甜地，香蕉加左少少椰絲，味道好夾，一定要試！呢間餐廳係Proa Hagatna，都有燒烤食，都係間環境好舒適，食物質素唔錯的餐廳。（地址：324 W Soledad Ave, Hagatna,Guam）
可能因為關島日、韓遊客都多，所以呢度都有好多日、韓式餐廳，唔駛驚食西餐食到厭冇選擇，好多野食架！
買買買
關島同其他主打陽光與海灘的地方最唔同就係呢度有好多野買！每年12月至2月頭仲有關島購物節，買野勁多優惠勁多折扣，今2016年仲升級做電子購物節，下載手機應用程式可以獲得電子優惠券，甚至有定位功能，根據你身處的位置提供附近商舖的優惠資訊，夠曬方便，岩曬一眾購物狂！
關島的商場主要集中在杜夢灣地區，有一條好有美國風情的大街，商舖林立，大家可以預留一日在此血拼！呢度有好多高級名牌店、免稅商場DFS T-Galleria、主打日本品牌的JP Superstore、美式大型商場The Plaza等等，衫褲鞋襪、家品、玩具、生活雜貨、地道手信全部都有，可以滿足各類型的購物狂！
另外，關島必逛的仲有Guam Premier Outlets、24小時營業生活雜貨大賣場K-mart、周圍都有的手信連鎖店ABC Stores，呢幾個地方有咩正野賣同詳細介紹在第一次黎關島的時候已經介紹過，可以睇返呢度：天堂關島三部曲（二）免稅世界購物與手信篇
仲有仲有，關島的椰子油好出名！佢有好多椰子味的東西，食得唔食得都有，我買左沐浴露，好香好香好滑好滑，哈哈。
玩玩玩
第一次去關島都參觀過幾個著名景點，詳情：天堂關島三部曲(一) 景點篇今次就介紹多幾個上次冇去的景點啦。
Plaza de Espana
關島幾百年來經歷過不同國家的統治，也參與過不少戰爭，所以留下很多具不同國家風格的建築和戰爭遺跡。西班牙廣場是西班牙統治關島時的西班牙總督府，雖然大部份宮殿都在第二次世界大戰時被破壞，但剩下的幾棟建築物還是帶有歐陸風情，包括總督宅邸、花園、巧克力屋和西班牙拱門，也是個了解關島歷史的好地方。
Fort Apugan
好明顯呢個以前係一個打仗用的炮台啦，而家就成為一個睇風景的觀景台，因為位於高點，所以可以睇到超廣闊的關島風景，好靚～仲有一大片草地可以野餐添！台灣歌手梁靜茹的小手拉大手MV就係呢度拍取景架啦！佢成個MV都係關島拍架！MV LINK
Latte Stone Park
呢個公園有兩樣野睇，首先係8個拉提石，咩係拉提石？古代查莫洛人就係用呢種柱石黎起屋。拉提石係屋的基柱，由下半部稱為Haligi的石柱以及上半部的石帽Tasa組成，半圓形的石帽與石柱一凸一凹，有避震功能架。而且係有錢人先用得，社會階級越高就會用越多拉堤石，平民起屋只係用木頭......
另外公園仲有兩個太平洋戰爭時期留下的防空洞，我第一次進入防空洞！！有d驚，入面好黑下......
Valley of the Latte Adventure Park
要認識關島的文化就一定要認識查莫洛文化，關島好多景點都同查莫洛文化有關。Valley of the Latte Adventure Park就係一個以讓你從多角度了解查莫洛文化的村莊。首先遊客可以坐船欣賞關島的河流生態環境，途中會見到魚同蟹，落船之後跟隨導遊了解查莫洛的房屋結構、關島獨有的植物、用椰子樹葉編織出各式各樣的器皿、捕漁生活、甚至古人鑽木取火的技巧......都幾有趣架。
仲見到關島牛。
導遊好努力用椰子樹葉編織唔同的東西送俾我地，哈哈。
Tao Tao Tasi Show
另一個了解查莫洛故事的活動就係一邊食住關島著名的燒烤自助餐，一邊欣賞地道文化舞蹈表演。Tao Tao Tasi係一場在海邊的傳統舞蹈表演，以精彩的舞蹈講述關島歷史，舞蹈員落力演出，加入驚險的火舞同耍刀環節，仲會不時邀請台下觀眾上台一齊跳舞，氣氛好熱鬧。我平時唔多有興趣睇民族舞，但呢個係好睇的，一點都不覺得悶。建議大家可以日落時份黎到，欣賞下海景日落，食下野先，7點半表演開始，整個表演大約一個鐘。但大家對食物不要有期待......好一般。
景點以外關島仲有好多活動，可以玩盡海陸空！關島擁有無敵海灣，點少得一連串水上活動？水上電單車、划獨木舟、香蕉船、海上拖曳傘、坐潛水艇、出海睇海豚......都係基本啦。今次少女想推介的是浮潛！因為係我第一次玩，唔識游水都可以玩得好安心，重點係關島水好清，可以好清楚見到海裡的珊瑚同魚仔，最開心係近距離見到海龜在身邊游過，我從此愛上浮潛！如果識游水，可以挑戰帶氧深潛，探索關島的海底世界！
玩完水就上天空啦！好多人都認為一生一定要試一次高空跳傘，關島都可以玩！我的團友們就去左挑戰啦，從高空14000呎跳落黎，freefall一分鐘，感受飛的快感，整個關島都在腳下！佢地話好刺激好好玩。價錢係基本8000呎美金$249，再按高度加錢。雖然我今次唔敢挑戰，但都好希望有日可以衝破心理關口跳一次傘呀！如果你同我一樣都唔敢從高空跳落黎，但又心思思想飛上天，可以考慮駕駛小型飛機或者玩滑翔傘，都可以從高空上欣賞關島景色，希望下次可以玩！
其他好玩活動仲有高空滑索、實彈射擊、美式賽車、四驅車......好好好多野玩呀！如果對各式各樣的活動有興趣，可以上網報定名，又或者去到當地經酒店報，同埋市中心the Plaza商場地下的Lea Lea Lounge，提供好多關島旅遊資訊，仲可以即時報名參加各類型活動。（地址：1225-1275 Pale San Vitores Rd., Tumon Bay, Guam）
關島真係好靚，非常推介大家去關島，去完之後肯定你都會愛上呢個太平洋小島！
