[澳洲景點] 墨爾本市區一日遊 市集 Queen Victoria Market、塗鴉街 Hosier Lane、觀光塔 Eureka Skydeck 88
澳洲遊記由墨爾本市區開始！少女都幾鍾意墨爾本個市區環境，雖然話就話係市區，但都唔係好多人，氣氛都係好澳洲，即係好悠閒。而且周圍好多維多利亞式建築物，有點古典味道，又係一個加分位。墨爾本市區都幾多景點，今次精選左3個景點成為一條路線，可以一日去曬，中間仲有時間可以行下街，去下博物館。
第一站係Queen Victoria Market，係墨爾本最出名的大型傳統市集，更加係世界第三大的露天市集，由1857年開始營運至今，有相當的歷史。市場劃分左好多區域，好整齊，貨品簡單可以分食物類同非食物類。食物類有超多選擇，海鮮、肉類、蔬果、零食、酒......咩都有，多到你會唔知點揀好。非食物類就有好多雜貨啦，例如紀念品、工藝品、衫褲鞋襪、家居用品......黎買手信都唔錯架！另外仲有個food court，有唔同國家的菜式，質素正常啦，又唔係話特別好食既。整體黎講市集好乾淨，都幾好逛，但我冇乜影相添。要留意Queen Victoria Market每日開放時間都唔一樣！！！要睇得好清楚再安排行程呀。
朝早去完Queen Victoria Market，下晝就可以留在Central地區啦。由市集行去Central地區大約半個鐘，見到一間超古典的H&M就到左啦。呢度係墨爾本最熱鬧的地區，有好多商店可以行，好多餐廳，我覺得條街好靚！要留意係澳洲商店都好早關門，大約5點就會火速收工，條街就會突然好靜......第一日黎我係嚇親既，仲諗住食個下午茶再慢慢行街，但行左一陣已經發現大家執緊野準備收工......所以中午開始行就差唔多啦。
繼續都係屬於Central地區，有個好靚的火車站叫Flinders Street Station，呢個係墨爾本一個地標，都有過百年歷史。
Flinders Street Station對面係我想介紹的第二個景點，就係一條畫滿塗鴉的巷仔，名為Hosier Lane。呢度係任意俾人畫塗鴉，所以每隔一排就會有新的塗鴉，每次去都會睇到唔同的作品，好多塗鴉都畫得好靚！話說我曾經睇過有朋友去呢度有大眼仔的塗鴉，所以我就好想黎啦，但我黎到搵極都搵唔到，我諗佢已經俾其他公仔覆蓋左......鳴！其實墨爾本周圍都有好多塗鴉，行行下就會見到，不過想好集中欣賞下墨爾本的街頭藝術就一定要黎Hosier Lane。
行完之後去返Flinders Street Station，穿越個火車站另一邊會見到有條河，過左橋再行多幾分鐘就會去到第三個景點，觀光塔Eureka Skydeck 88。觀光塔係好多城市都有的東西，墨爾本呢個有咩特別呢？佢係南半球最高的觀光塔，高297米，可以360度睇到墨爾本的景色。最特別係上到88樓的觀光樓層，個度有一個包廂會伸出半空中，包廂有個名叫The Edge，個底係透明玻璃，即係好似香港昂坪360纜車個水晶車廂呢，你就會覺得自己企在近300米的半空中，好刺激地睇風景。呢個係全球唯一的體驗！上觀光塔要澳幣$20，約港幣$120，如果想入個透明包廂就要加多澳幣$12，約港幣$72。
如果對個透明包廂冇特別興趣，都仲有一個室外部份，可以唔駛隔住玻璃睇，但就隔住鐵絲網睇，不過景色都好唔錯架。高空睇墨爾本好靚！
而點解呢個景點放最後呢？因為想建議大家日落時份黎，而夏天的墨爾本係8點幾先日落架......行完街睇埋塗鴉再食個quick dinner先黎都仲得。
Queen Victoria Market
地址：513 Elizabeth St, Melbourne
開放時間：週二及週四：06:00-14:00；週五：06:00-17:00；週六：09:00-15:00；週日：09:00-16:00（週一及週三休息）
網址：https://www.qvm.com.au/
Eureka Skydeck 88
地址： 7 Riverside Quay, Southbank, Melbourne
開放時間：每天10:00-22:00 （最後入場21:30）票價：澳幣$20，約港幣$120;The Edge 澳幣$12，約港幣$72
網址：https://www.eurekaskydeck.com.au
第一站係Queen Victoria Market，係墨爾本最出名的大型傳統市集，更加係世界第三大的露天市集，由1857年開始營運至今，有相當的歷史。市場劃分左好多區域，好整齊，貨品簡單可以分食物類同非食物類。食物類有超多選擇，海鮮、肉類、蔬果、零食、酒......咩都有，多到你會唔知點揀好。非食物類就有好多雜貨啦，例如紀念品、工藝品、衫褲鞋襪、家居用品......黎買手信都唔錯架！另外仲有個food court，有唔同國家的菜式，質素正常啦，又唔係話特別好食既。整體黎講市集好乾淨，都幾好逛，但我冇乜影相添。要留意Queen Victoria Market每日開放時間都唔一樣！！！要睇得好清楚再安排行程呀。
朝早去完Queen Victoria Market，下晝就可以留在Central地區啦。由市集行去Central地區大約半個鐘，見到一間超古典的H&M就到左啦。呢度係墨爾本最熱鬧的地區，有好多商店可以行，好多餐廳，我覺得條街好靚！要留意係澳洲商店都好早關門，大約5點就會火速收工，條街就會突然好靜......第一日黎我係嚇親既，仲諗住食個下午茶再慢慢行街，但行左一陣已經發現大家執緊野準備收工......所以中午開始行就差唔多啦。
繼續都係屬於Central地區，有個好靚的火車站叫Flinders Street Station，呢個係墨爾本一個地標，都有過百年歷史。
Flinders Street Station對面係我想介紹的第二個景點，就係一條畫滿塗鴉的巷仔，名為Hosier Lane。呢度係任意俾人畫塗鴉，所以每隔一排就會有新的塗鴉，每次去都會睇到唔同的作品，好多塗鴉都畫得好靚！話說我曾經睇過有朋友去呢度有大眼仔的塗鴉，所以我就好想黎啦，但我黎到搵極都搵唔到，我諗佢已經俾其他公仔覆蓋左......鳴！其實墨爾本周圍都有好多塗鴉，行行下就會見到，不過想好集中欣賞下墨爾本的街頭藝術就一定要黎Hosier Lane。
行完之後去返Flinders Street Station，穿越個火車站另一邊會見到有條河，過左橋再行多幾分鐘就會去到第三個景點，觀光塔Eureka Skydeck 88。觀光塔係好多城市都有的東西，墨爾本呢個有咩特別呢？佢係南半球最高的觀光塔，高297米，可以360度睇到墨爾本的景色。最特別係上到88樓的觀光樓層，個度有一個包廂會伸出半空中，包廂有個名叫The Edge，個底係透明玻璃，即係好似香港昂坪360纜車個水晶車廂呢，你就會覺得自己企在近300米的半空中，好刺激地睇風景。呢個係全球唯一的體驗！上觀光塔要澳幣$20，約港幣$120，如果想入個透明包廂就要加多澳幣$12，約港幣$72。
如果對個透明包廂冇特別興趣，都仲有一個室外部份，可以唔駛隔住玻璃睇，但就隔住鐵絲網睇，不過景色都好唔錯架。高空睇墨爾本好靚！
而點解呢個景點放最後呢？因為想建議大家日落時份黎，而夏天的墨爾本係8點幾先日落架......行完街睇埋塗鴉再食個quick dinner先黎都仲得。
Queen Victoria Market
地址：513 Elizabeth St, Melbourne
開放時間：週二及週四：06:00-14:00；週五：06:00-17:00；週六：09:00-15:00；週日：09:00-16:00（週一及週三休息）
網址：https://www.qvm.com.au/
Eureka Skydeck 88
地址： 7 Riverside Quay, Southbank, Melbourne
開放時間：每天10:00-22:00 （最後入場21:30）票價：澳幣$20，約港幣$120;The Edge 澳幣$12，約港幣$72
網址：https://www.eurekaskydeck.com.au