[布吉住宿] The Thavorn Beach Village Resort 坐擁私人海灘的五星度假村
泰國在我心目中一直是一個resort天堂。每次去泰國都必需預留最少兩晚住resort，仲要足不出戶，好好享受resort裡的設施同活動先係最理想的假期。布吉就更加係超級超級resort天堂，今次推介一間5星級resort，有私人海灘，多種房型各有特色，超多活動，絕對會住到唔想走。
好多人揀有吉住宿會第一時間諗起芭東海灘附近，但個邊好嘈，我反而唔想住太熱鬧的地方，想擁有一個寧靜假期，The Thavorn Beach Village Resort就正中我心意。酒店離布吉芭東海灘大約20分鐘車程，位於僻靜的Kamala Beach，有一種世外桃源的感覺，但想出去都方便，因為酒店每日提供幾班免費接駁車去芭東，唔需要擔心交通問題。
酒店佔地超廣，先介紹下各種房型啦。酒店個泳池好大好靚，叫Lagoon Pool，係東南亞其中一個最大的freeform泳池。屬於Lagoon Pool Zone其中兩種房型就有泳池景露台，住地下個層係一推開露台個閘就可以直接衝落水，住樓上個層就唔可以，不過各有各好，上層私隱度高少少，下層會成日有人在露台隔離游水，感覺好近。室內房間好大好舒適，有浴缸又有淋浴間。好多resort環境都比較郊外，容易有蚊，所以房間特別提供有電子蚊香同蚊怕水，貼心！我就住上層的，最鍾意露台個景，望住泳池又有好多樹，非常悠閒，夜晚仲有星星睇。上層房Poolside with Bathtub最平由泰幣$3800起，約港幣$950。下層Tropical Pool Access 最平由泰幣$5070起，約港幣$1268。
另外有兩種房型係屬於Beach Zone，海灘前的別墅小屋，酒店有私人海灘，海灘前有一排白色小屋好靚，度假風極濃厚！最出個排可以望住個海灘，會貴少少，入面仲有幾排，未必睇到海灘，但都好近，周圍係花園，整個別墅區都好relax。別墅室內設計走柔和風格，最特別係個浴室，超大的石造淋浴間！入面個幾排Beach Cottage房價每晚由泰幣$3770起，約港幣$943。最出的Beachfront Cottage房價每晚由泰幣$6630起，約港幣$1658。
最後一種房型好霸氣，因為在山上的，歸類為Hillside Ocean Facing Zone。特設山頂纜車車你上房！！！好誇張呀酒店有纜車！！！除左纜車，可以選擇坐酒店的tuktuk或者行路上落山，山路是屬於輕鬆的那種。山上的房有種與世隔絕的感覺，非常清靜。室內裝潢有點古典味，大致同泳池露台房相近。最大賣點係個露台，個景不得了，有山有海！連個浴缸都在露台，一邊浸浴一邊睇風景，至高無尚的享受呀。再高級d會係套房，有房有廳個種。山上房的房價每晚由泰幣$3770起，約港幣$943，個人覺得係最抵！以上價錢都是淡季價格, 每年6月到10月就是淡季。
每間房型都各有特別，不過酒店最吸引我係個環境同所有設施。Thavorn Beach Village Resort的老闆特別鍾意花園，所以酒店周圍都種滿花，仲有花園，超級多植物，令整個酒店環境更有大自然氣息，花草系少女每日在花園散步，好開心。酒店仲飼養左幾種小動物，有兔子、貓仔、鸚鵡、巨型龜同雞，有d會任由佢地自由走動，有d就定時由專人帶佢地出黎同住客互動下，有時突然見到隻兔子在spa center慵懶地躺著發呆，就覺得好治癒。小朋友住客一見到小動物就好興奮，小動物令酒店的氣氛更歡樂。
酒店的私人海灘也是很大的賣點，除左游水同曬太陽外，仲可以在海邊學打泰拳同做yoga，酒店的gym room都係對住海灘，所以又可以對住個海跑步做gym，本來平平無奇的活動變成在海邊做即刻level up！酒店仲有浮潛、獨木舟、沙灘排球、學煮泰菜、釣魚、水果雕刻、spa等等活動，好豐富，一定唔會悶，只怕你玩唔曬。仲有個大泳池，環境優美，玩水都有排玩。
如果足不出戶，酒店有咩好食推介呢？酒店總共4間餐廳，我全部都試過，可以逐一介紹。Marisa Terrace Resturant係一間西式泰式的fusion菜餐廳，自助早餐都係呢間食。係高水準，我食過lunch同dinner，都好好食。特別推介Ahi Tuna Poke，係一個夏威夷沙律，有吞拿魚再加芒果粒、牛油果、椰子、夏威夷海鹽同青檬汁的前菜，少少辣，新鮮開胃，食完覺得太好食第二餐又再食。海鮮金邊粉同炒飯都好正。
Old Siam Thai Restaurant食傳統泰國菜，有室內位都有海灘位，夜晚可以食海邊燭光晚餐。泰菜口味盡量保持原有的傳統味道，所以同我地香港食到的不太一樣。有個泰式小食拼盤好食，4種小食都係我從未食過的，一定要試下。仲有個泰式甜品，是迷你版台灣芋圓，再加椰奶，都唔錯。
泳池旁邊有一間Thai Sala Cafe，同一間Crocodile Pool Bar。Cafe有好多泰式飲品，我試左杯the cubes，將泰茶雪做冰粒，再加牛奶，冰粒慢慢融就變左泰式奶茶啦，幾好飲。個香蕉朱古力蛋糕非常好食，回味中。Crocodile Pool Bar就多西式小食，好岩食下午茶。
The Thavorn Beach Village Resort應該係我近年住過最喜歡的一間resort，有時好酒店並唔需要好豪華的設備，整個氛圍比較重要。呢間酒店硬件軟件各方面都出色，員工親切，而且真的不貴，最平，值得推介。順帶一提，酒店網站提供最優惠價格保證，所以官網訂房一定係最低價，仲經常有特價添。
The Thavorn Beach Village Resort
地址：6/2 Moo 6 Kamala, Kathu, Phuket 83150 Thailand
網址：http://www.thavornbeachvillage.com.cn
房價：淡季每晚由泰幣$3770起，約港幣$943
好多人揀有吉住宿會第一時間諗起芭東海灘附近，但個邊好嘈，我反而唔想住太熱鬧的地方，想擁有一個寧靜假期，The Thavorn Beach Village Resort就正中我心意。酒店離布吉芭東海灘大約20分鐘車程，位於僻靜的Kamala Beach，有一種世外桃源的感覺，但想出去都方便，因為酒店每日提供幾班免費接駁車去芭東，唔需要擔心交通問題。
酒店佔地超廣，先介紹下各種房型啦。酒店個泳池好大好靚，叫Lagoon Pool，係東南亞其中一個最大的freeform泳池。屬於Lagoon Pool Zone其中兩種房型就有泳池景露台，住地下個層係一推開露台個閘就可以直接衝落水，住樓上個層就唔可以，不過各有各好，上層私隱度高少少，下層會成日有人在露台隔離游水，感覺好近。室內房間好大好舒適，有浴缸又有淋浴間。好多resort環境都比較郊外，容易有蚊，所以房間特別提供有電子蚊香同蚊怕水，貼心！我就住上層的，最鍾意露台個景，望住泳池又有好多樹，非常悠閒，夜晚仲有星星睇。上層房Poolside with Bathtub最平由泰幣$3800起，約港幣$950。下層Tropical Pool Access 最平由泰幣$5070起，約港幣$1268。
另外有兩種房型係屬於Beach Zone，海灘前的別墅小屋，酒店有私人海灘，海灘前有一排白色小屋好靚，度假風極濃厚！最出個排可以望住個海灘，會貴少少，入面仲有幾排，未必睇到海灘，但都好近，周圍係花園，整個別墅區都好relax。別墅室內設計走柔和風格，最特別係個浴室，超大的石造淋浴間！入面個幾排Beach Cottage房價每晚由泰幣$3770起，約港幣$943。最出的Beachfront Cottage房價每晚由泰幣$6630起，約港幣$1658。
最後一種房型好霸氣，因為在山上的，歸類為Hillside Ocean Facing Zone。特設山頂纜車車你上房！！！好誇張呀酒店有纜車！！！除左纜車，可以選擇坐酒店的tuktuk或者行路上落山，山路是屬於輕鬆的那種。山上的房有種與世隔絕的感覺，非常清靜。室內裝潢有點古典味，大致同泳池露台房相近。最大賣點係個露台，個景不得了，有山有海！連個浴缸都在露台，一邊浸浴一邊睇風景，至高無尚的享受呀。再高級d會係套房，有房有廳個種。山上房的房價每晚由泰幣$3770起，約港幣$943，個人覺得係最抵！以上價錢都是淡季價格, 每年6月到10月就是淡季。
每間房型都各有特別，不過酒店最吸引我係個環境同所有設施。Thavorn Beach Village Resort的老闆特別鍾意花園，所以酒店周圍都種滿花，仲有花園，超級多植物，令整個酒店環境更有大自然氣息，花草系少女每日在花園散步，好開心。酒店仲飼養左幾種小動物，有兔子、貓仔、鸚鵡、巨型龜同雞，有d會任由佢地自由走動，有d就定時由專人帶佢地出黎同住客互動下，有時突然見到隻兔子在spa center慵懶地躺著發呆，就覺得好治癒。小朋友住客一見到小動物就好興奮，小動物令酒店的氣氛更歡樂。
酒店的私人海灘也是很大的賣點，除左游水同曬太陽外，仲可以在海邊學打泰拳同做yoga，酒店的gym room都係對住海灘，所以又可以對住個海跑步做gym，本來平平無奇的活動變成在海邊做即刻level up！酒店仲有浮潛、獨木舟、沙灘排球、學煮泰菜、釣魚、水果雕刻、spa等等活動，好豐富，一定唔會悶，只怕你玩唔曬。仲有個大泳池，環境優美，玩水都有排玩。
如果足不出戶，酒店有咩好食推介呢？酒店總共4間餐廳，我全部都試過，可以逐一介紹。Marisa Terrace Resturant係一間西式泰式的fusion菜餐廳，自助早餐都係呢間食。係高水準，我食過lunch同dinner，都好好食。特別推介Ahi Tuna Poke，係一個夏威夷沙律，有吞拿魚再加芒果粒、牛油果、椰子、夏威夷海鹽同青檬汁的前菜，少少辣，新鮮開胃，食完覺得太好食第二餐又再食。海鮮金邊粉同炒飯都好正。
Old Siam Thai Restaurant食傳統泰國菜，有室內位都有海灘位，夜晚可以食海邊燭光晚餐。泰菜口味盡量保持原有的傳統味道，所以同我地香港食到的不太一樣。有個泰式小食拼盤好食，4種小食都係我從未食過的，一定要試下。仲有個泰式甜品，是迷你版台灣芋圓，再加椰奶，都唔錯。
泳池旁邊有一間Thai Sala Cafe，同一間Crocodile Pool Bar。Cafe有好多泰式飲品，我試左杯the cubes，將泰茶雪做冰粒，再加牛奶，冰粒慢慢融就變左泰式奶茶啦，幾好飲。個香蕉朱古力蛋糕非常好食，回味中。Crocodile Pool Bar就多西式小食，好岩食下午茶。
The Thavorn Beach Village Resort應該係我近年住過最喜歡的一間resort，有時好酒店並唔需要好豪華的設備，整個氛圍比較重要。呢間酒店硬件軟件各方面都出色，員工親切，而且真的不貴，最平，值得推介。順帶一提，酒店網站提供最優惠價格保證，所以官網訂房一定係最低價，仲經常有特價添。
The Thavorn Beach Village Resort
地址：6/2 Moo 6 Kamala, Kathu, Phuket 83150 Thailand
網址：http://www.thavornbeachvillage.com.cn
房價：淡季每晚由泰幣$3770起，約港幣$943