[台北景點] 台灣人都不知道的美麗私房山景 石碇千島湖與石碇老街 公車交通資訊
大家對台北的印象可能都停留在飲飲食食和行街的層面，最多是走訪一些經典景點如九份、十分和淡水。但其實台北有不少郊遊好地方和懷舊老街。今次介紹的是位於石碇區的千島湖和石碇老街，一日可以行山兼遊老街。雖說是郊外，但香港不少郊區都好多人，山長水遠都擺脫唔到人群，想呼吸新鮮空氣都好難。問過不少台北人都不知道有千島湖這個地方，算是我的私房景點，人流又真的很少，風景非常優美，終於可以感受真正的遠離煩囂！
早上可以先去千島湖行山，下午再到石碇老街閒逛。千島湖其實是翡翠水庫的一部份，搭捷運在新店站落車，捷運站出口轉公車綠12，約40分鐘車程後在十三股站落車。落車後一直向前行，沿途都會有指示牌，迷路機會不大。行10分鐘左右看到分岔路，行右邊條路，繼續繼續行大約20分鐘，就會隱約見到千島湖啦！
第一個見到千島湖的位置風景唔算好靚，之後可以繼續行多20分鐘，向八卦茶園的方向行。八卦茶園係一個茶園，又係一間戶外餐廳，可以一路食野一路欣賞千島湖的景色。
穿過餐廳門口之後見到的千島湖風景就係最靚的部份啦！我去個日天氣仲非常好，藍天白雲，而湖水是綠色的，隨便影都是明信片級別的相！包圍千島湖的是翠綠的茶園，一層層好整齊。山水美景令人心情大好。
八卦茶園有個小型觀景台，如果有車，仲可以沿路繼續上到更高，見到的景色會更壯觀，或者發掘不同的睇景角度。
秋冬時份去仲會見到唔少芒草在風中搖曳，幾有詩意。
在山頭亂走，欣賞左大約兩個鐘的美景，走的時候可以選擇走回頭路，但因為來的時候都是落斜，所以如果回頭路就會是上斜，嗯......都係搭接駁車好了。在八卦茶園門口有不定時出現的接駁車，送你返到搭公車的十三股站，車費是台幣$80。其實來的時候相同位置都有接駁車送你入千島湖，但我覺得去的時候條路不複雜又不難行，自己行當做下運動又睇下風景幾開心。走就真係唔想行......因為條路真的幾斜。
落車站對面有個幾簡陋的休息站，有茶葉同雪糕賣，我試左桂花茶雪糕，幾香茶味，台幣$40。
離開千島湖，可以向石碇老街出發。我唔係同一日去曬兩個地方，因為我下午兩點先去到千島湖，走的時候已經四點，而老街店舖五點幾就關門，所以趕唔切。但如果早上去千島湖，就可以下午去老街。
石碇老街有兩個特點，第一個特點係有幾條溪流貫穿成個地區，仲可以行落去睇魚同睇烏，溪水好清，有好多唔同魚類同烏類，經常出沒的種類都有簡單文字介紹，可以好好認識生態。
第二個特點係呢度的建築物大部份都唔係建在地上，而係由柱支撐住，中間有部份懸空，稱為吊腳樓，由日佔時期保留到而家，好特別。
老街範圍分東街同西街，東街比較多野睇，有10幾間小食店，石碇老街盛產的是豆腐同茶葉，可以試下。
仲有一條「不見天街」，呢街小街兩邊都是住宅，上面不是露天，沒有太多陽光可以穿透進來，看不到天空又好昏暗，所以有呢個特別的名稱。條街好短，有大約10間小店，比較出名有「阿嬤麻糬」，有唔同口味，我試左綠茶，一粒台幣$20，都幾好食。另外仲有百年石頭厝可以參觀，原為「林恆春中藥行」，建於民國前6年（即1906年），間屋由石頭造的，仲有防空洞！！
石碇老街成個環境懷舊得黎又好舒適，周圍都有小橋流水同老店。最重要係人唔多，好寧靜，同台北市區真係好唔同。非常推介大家來一個石碇一日遊啊！
石碇千島湖
交通：捷運新店站轉公車綠12，十三股站落，車程40分鐘。
石碇老街
交通：捷運木柵站轉666客運，石碇站落，車程約半個鐘。
早上可以先去千島湖行山，下午再到石碇老街閒逛。千島湖其實是翡翠水庫的一部份，搭捷運在新店站落車，捷運站出口轉公車綠12，約40分鐘車程後在十三股站落車。落車後一直向前行，沿途都會有指示牌，迷路機會不大。行10分鐘左右看到分岔路，行右邊條路，繼續繼續行大約20分鐘，就會隱約見到千島湖啦！
第一個見到千島湖的位置風景唔算好靚，之後可以繼續行多20分鐘，向八卦茶園的方向行。八卦茶園係一個茶園，又係一間戶外餐廳，可以一路食野一路欣賞千島湖的景色。
穿過餐廳門口之後見到的千島湖風景就係最靚的部份啦！我去個日天氣仲非常好，藍天白雲，而湖水是綠色的，隨便影都是明信片級別的相！包圍千島湖的是翠綠的茶園，一層層好整齊。山水美景令人心情大好。
八卦茶園有個小型觀景台，如果有車，仲可以沿路繼續上到更高，見到的景色會更壯觀，或者發掘不同的睇景角度。
秋冬時份去仲會見到唔少芒草在風中搖曳，幾有詩意。
在山頭亂走，欣賞左大約兩個鐘的美景，走的時候可以選擇走回頭路，但因為來的時候都是落斜，所以如果回頭路就會是上斜，嗯......都係搭接駁車好了。在八卦茶園門口有不定時出現的接駁車，送你返到搭公車的十三股站，車費是台幣$80。其實來的時候相同位置都有接駁車送你入千島湖，但我覺得去的時候條路不複雜又不難行，自己行當做下運動又睇下風景幾開心。走就真係唔想行......因為條路真的幾斜。
落車站對面有個幾簡陋的休息站，有茶葉同雪糕賣，我試左桂花茶雪糕，幾香茶味，台幣$40。
離開千島湖，可以向石碇老街出發。我唔係同一日去曬兩個地方，因為我下午兩點先去到千島湖，走的時候已經四點，而老街店舖五點幾就關門，所以趕唔切。但如果早上去千島湖，就可以下午去老街。
石碇老街有兩個特點，第一個特點係有幾條溪流貫穿成個地區，仲可以行落去睇魚同睇烏，溪水好清，有好多唔同魚類同烏類，經常出沒的種類都有簡單文字介紹，可以好好認識生態。
第二個特點係呢度的建築物大部份都唔係建在地上，而係由柱支撐住，中間有部份懸空，稱為吊腳樓，由日佔時期保留到而家，好特別。
老街範圍分東街同西街，東街比較多野睇，有10幾間小食店，石碇老街盛產的是豆腐同茶葉，可以試下。
仲有一條「不見天街」，呢街小街兩邊都是住宅，上面不是露天，沒有太多陽光可以穿透進來，看不到天空又好昏暗，所以有呢個特別的名稱。條街好短，有大約10間小店，比較出名有「阿嬤麻糬」，有唔同口味，我試左綠茶，一粒台幣$20，都幾好食。另外仲有百年石頭厝可以參觀，原為「林恆春中藥行」，建於民國前6年（即1906年），間屋由石頭造的，仲有防空洞！！
石碇老街成個環境懷舊得黎又好舒適，周圍都有小橋流水同老店。最重要係人唔多，好寧靜，同台北市區真係好唔同。非常推介大家來一個石碇一日遊啊！
石碇千島湖
交通：捷運新店站轉公車綠12，十三股站落，車程40分鐘。
石碇老街
交通：捷運木柵站轉666客運，石碇站落，車程約半個鐘。