十萬件衫穿得再多 穿不上心間 旅行後的斷捨離覺悟
近來在研究關於簡約生活和斷捨離的東西，我覺得以下這故事很適合抵抗不了購買誘惑的少女們！
人生第一次有遠離物質的想法是2015年去花蓮打工換宿後，那一個月我只帶了5套衫去花蓮，不斷洗再重複著，整整一個月什麼都沒有買，突然發現原來零物慾的人生都可以，在花蓮遊山玩水已經好開心。點解要強調5套衫，因為在去台灣之前，我一個月最少買5件新衫，有時更多，一年保守估計大約70-80件，家中現存的衫褲裙外套約400件。每次換季都扔好多，之後又再買返好多，來來回回，惡性循環。我唔買名牌，但又因為唔買名牌，更加大條道理狂買衫，fast fashion簡直係萬惡根源，「嘩好平喎唔係唔買呀？」、「百幾二百蚊一件衫食餐飯都唔只啦」、「又有新款啦轉季買新衫基本野啦」......又其實以上都是廢話，因為對女仔黎講，買衫根本唔需要任何理由，覺得靚咪買囉做乜啫我又唔會買到破產既由我啦。我諗每個人都有一樣好鍾意買的東西，唔係衫可以係任何其他野，總之我就對買衫有一種執著，好多野都可以唔買，衫一定要買。
好啦從花蓮回來之後，大約有2-3個月我真係冇買衫！但後來我搵到份新工，撤旦又陪我去買衫了。「返新工要見人梗係要買多幾件衫啦」、「返工賺錢好辛苦買衫可以減壓呀」、「返工要OT真係好慘豬所以一定要買衫開心下如果衫都唔俾我買人生仲有咩意思」......一下子又打回原形，甚至因為多左錢而比以前買得更狠。
直到去年年尾，我又去台灣一個月打工換宿，執行李的時候我想起在花蓮的日子，又照樣只係執左幾套衫去，安然度過了一個月。終於終於，我明白到15年領略到的道理仍然是岩的，只係我沒有成功實踐。所以今次從台灣回來我訂了一個目標，2017年全年只可以買10件，包括上身下身連身所有衫裙褲。我同朋友們講呢件事，大家都覺得冇咩可能。但我！一！定！會！做！到！
自從有了目標，我的生活就充滿掙扎。話說本人的Facebook追蹤最多的並不是旅遊相關的page，而是女裝網店的page......我也想過要不要全部unlike好了，但又覺得冇得買睇下都好丫......（這心願也太卑微了吧）於是就經常都出現「好靚呀好想買呀都係唔好買喇冇乜quota」的自言自語局面。而誘惑又何只在Facebook，一出街每間舖唔係清貨減價就係新貨到著，不同名目但同一個目的，就係要你買。但我想說有quota這件事原來非常有效，因為覺得10件好少，每次想買之前都諗一諗件衫值不值一個quota時，竟然覺得其實大部份都不值，就沒衝動要買了。突破盲點的我發現買衫很多時都只是一時衝動，捱得過超想擁有的那一下，原來我什麼都不想要。
今日岩岩踏入5月，小結算一下，2017年頭4個月，我只在歐遊時買過一件外套，就沒有了，簡直不可思議。我感覺到掙扎已經逐漸減少，因為開始明白生命真正重要的沒有一樣跟物質有關，十萬件衫穿得再多，穿不上心間。唔買衫我做人仲有好多意義呀，也自覺過去太多浪費，每次換季都覺得罪孽深重。從前也過份依靠由物質帶來的一剎那快樂，你們不發現嗎？物質帶來的快樂通常只有一剎那，我確信錢買得到快樂，只是那些快樂比較不靠譜，買完後那種快樂光速消逝，如果用金錢除購物後所得的快樂時間，會發現每一秒的快樂都超昂貴。所以今年最重要的目標就是將物慾減到最最最低。
嚴格來說減少物慾是第二步，因為第一步其實應該是先捨棄家中不需要的東西，下一步才是少買少扔。關於第一步，就是斷捨離的重點，物質是人生的牽絆，丟掉令你不心動的東西，被你真正喜歡的東西包圍自己，生活就自然充滿正能量。我個人非常喜歡呢個理論，當然實踐上有一定的難度，雖然我睇完本書之後已經一下子扔左好幾袋雜物，心情舒暢了不少，但我知道其實仲有好多應該扔而唔捨得扔的......我會繼續努力，透過整理會更加明確知道自己真正想擁有同喜歡的是什麼，大家都不妨試下，一齊減少浪費。
人生第一次有遠離物質的想法是2015年去花蓮打工換宿後，那一個月我只帶了5套衫去花蓮，不斷洗再重複著，整整一個月什麼都沒有買，突然發現原來零物慾的人生都可以，在花蓮遊山玩水已經好開心。點解要強調5套衫，因為在去台灣之前，我一個月最少買5件新衫，有時更多，一年保守估計大約70-80件，家中現存的衫褲裙外套約400件。每次換季都扔好多，之後又再買返好多，來來回回，惡性循環。我唔買名牌，但又因為唔買名牌，更加大條道理狂買衫，fast fashion簡直係萬惡根源，「嘩好平喎唔係唔買呀？」、「百幾二百蚊一件衫食餐飯都唔只啦」、「又有新款啦轉季買新衫基本野啦」......又其實以上都是廢話，因為對女仔黎講，買衫根本唔需要任何理由，覺得靚咪買囉做乜啫我又唔會買到破產既由我啦。我諗每個人都有一樣好鍾意買的東西，唔係衫可以係任何其他野，總之我就對買衫有一種執著，好多野都可以唔買，衫一定要買。
好啦從花蓮回來之後，大約有2-3個月我真係冇買衫！但後來我搵到份新工，撤旦又陪我去買衫了。「返新工要見人梗係要買多幾件衫啦」、「返工賺錢好辛苦買衫可以減壓呀」、「返工要OT真係好慘豬所以一定要買衫開心下如果衫都唔俾我買人生仲有咩意思」......一下子又打回原形，甚至因為多左錢而比以前買得更狠。
直到去年年尾，我又去台灣一個月打工換宿，執行李的時候我想起在花蓮的日子，又照樣只係執左幾套衫去，安然度過了一個月。終於終於，我明白到15年領略到的道理仍然是岩的，只係我沒有成功實踐。所以今次從台灣回來我訂了一個目標，2017年全年只可以買10件，包括上身下身連身所有衫裙褲。我同朋友們講呢件事，大家都覺得冇咩可能。但我！一！定！會！做！到！
自從有了目標，我的生活就充滿掙扎。話說本人的Facebook追蹤最多的並不是旅遊相關的page，而是女裝網店的page......我也想過要不要全部unlike好了，但又覺得冇得買睇下都好丫......（這心願也太卑微了吧）於是就經常都出現「好靚呀好想買呀都係唔好買喇冇乜quota」的自言自語局面。而誘惑又何只在Facebook，一出街每間舖唔係清貨減價就係新貨到著，不同名目但同一個目的，就係要你買。但我想說有quota這件事原來非常有效，因為覺得10件好少，每次想買之前都諗一諗件衫值不值一個quota時，竟然覺得其實大部份都不值，就沒衝動要買了。突破盲點的我發現買衫很多時都只是一時衝動，捱得過超想擁有的那一下，原來我什麼都不想要。
今日岩岩踏入5月，小結算一下，2017年頭4個月，我只在歐遊時買過一件外套，就沒有了，簡直不可思議。我感覺到掙扎已經逐漸減少，因為開始明白生命真正重要的沒有一樣跟物質有關，十萬件衫穿得再多，穿不上心間。唔買衫我做人仲有好多意義呀，也自覺過去太多浪費，每次換季都覺得罪孽深重。從前也過份依靠由物質帶來的一剎那快樂，你們不發現嗎？物質帶來的快樂通常只有一剎那，我確信錢買得到快樂，只是那些快樂比較不靠譜，買完後那種快樂光速消逝，如果用金錢除購物後所得的快樂時間，會發現每一秒的快樂都超昂貴。所以今年最重要的目標就是將物慾減到最最最低。
嚴格來說減少物慾是第二步，因為第一步其實應該是先捨棄家中不需要的東西，下一步才是少買少扔。關於第一步，就是斷捨離的重點，物質是人生的牽絆，丟掉令你不心動的東西，被你真正喜歡的東西包圍自己，生活就自然充滿正能量。我個人非常喜歡呢個理論，當然實踐上有一定的難度，雖然我睇完本書之後已經一下子扔左好幾袋雜物，心情舒暢了不少，但我知道其實仲有好多應該扔而唔捨得扔的......我會繼續努力，透過整理會更加明確知道自己真正想擁有同喜歡的是什麼，大家都不妨試下，一齊減少浪費。
