[濟州景點] 濟州首個大型度假區神話世界 酒店、餐廳、主題樂園合集
濟州是韓國人很喜歡的度假小島，2017年迎來最大度假區神話世界開幕，集合酒店、餐廳、主題樂園、購物中心同娛樂場所於一身，總佔地250萬平方米，面積極廣，仍有不少設施會逐步相繼開幕，以後去濟州又多一個必去景點！由濟州機場去神話世界約45分鐘車程，機場門口有免費接駁車去。今次就介紹已經開幕的主題樂園、酒店、餐廳推介俾大家先！
神話主題公園
神話主題公園以韓國著名動漫公司 TUBAn旗下的知名3D動漫角色做設計藍本。樂園分三個主題區名為「視界之港」、「爆笑蟲子的冒險村」及「奧斯卡的新世界」。門票成人39,000won，小童35,000won，分別約港幣$273同$245。
一入門口就係「視界之港」，有幾間紀念品商店、cafe同餐廳、訓係度睇的4D電影院同一個要帶3D眼鏡玩幾個小遊戲的Finding Larva。去到樂園中間會有表演舞台。
之後左邊行到「奧斯卡的新世界」，主打刺激的機動遊戲，有過山車、會同時不停旋轉的海盜船等等，仲有最大的戶外溜冰場同VR劇場。
「爆笑蟲子的冒險村」就比較適合小朋友，有好多不太刺激的小遊戲，例如旋轉木馬（但呢度唔係騎馬，係蟲！），呢度好適合影相，因為所有建築都好七彩繽紛，仲有好多放大版的食物裝置，都幾得意！
5大餐廳推介
神話世界有超過20間餐廳，包括多國菜式，超多選擇，可以食足幾日，以下5間是我的心水推介。
1） 三兄弟烤肉
去韓國一定要食燒肉，呢間烤肉店食濟州黑毛豬，燒豬頸肉同五花腩都勁正，好厚身，勁juicy，仲有自家製醬汁，好好味！原來所有豬肉拎出黎燒之前會先在恆溫房放5日，令肉質更佳。另外仲有個泡菜炒飯都好惹味，呢間要大推。店舖牆身仲有GD親自畫的畫同簽名。
2）Fisherman’s Platter 漁人碼頭
濟州係海島，所以盛產海鮮，呢間就主打海鮮，有海鮮鍋、海膽蟹肉飯、虎蝦咖哩飯等等主菜。個海鮮鍋好足料，有濟州好出名的鮑魚，仲有蝦、八爪魚、螺......材料都好新鮮，個湯底加左牛，好香好好飲。另外仲有其他小食係自助形式任拎，所以除左海鮮都仲有其他野食。
3）Landing Dining
屬於度假區其中一間酒店藍鼎的餐廳，有自助早餐同晚餐，早餐已經質素好高，有齊韓式日式中式西式，好好味，每朝都食到勁飽。晚餐更加正，有醬油蟹、勁大隻長腳蟹腳、鮑魚、刺身......掛住食海鮮都唔得閒理熟食，但見到熟食都有超級多選擇，甜品都唔錯添！
4）3 birds Cafe
呢間cafe好靚，小清新風格，食西餐為主，環境好relax。推介鮑魚蜆肉意粉同蕃茄蝦意粉，都好入味。文青會很喜歡呢間cafe吧。
5）Devil’s Door
度假區暫時唯一的酒吧，裝潢型格，可以飯後去飲杯輕鬆下聊聊天。試左濟州啤酒，有淡淡的橘香，因為濟州最盛產的生果就係橘啦，都幾好飲。仲有薯條都好好食，送酒一流。
神話世界真係好多野食，質素亦相當高，仲有炸雞、火鍋、成條亞洲美食街、韓國餐廳......食足一星期都可以唔重覆！
3大酒店
神話世界度假區暫時有3間酒店，黎緊仲有兩間將會開。今次入住其中一間叫盛捷服務公寓（Somerset），每幢只有三層，一梯兩伙，每間房面積都有約1600呎，完全就係豪宅格局！有客廳、飯廳、3間房、兩個廁所、廚房、露台。特別想講個廚房係咩都有，洗衣機、洗碗碟機、微波爐、雪櫃、煮食爐、酒櫃、仲有好多煮食用具，連杯都有好多款，好誇張！呢間房大到可以5個人住，官網入住14日前訂平日每晚約港幣千八蚊，除開每人只需三百幾蚊，超抵價住豪宅，真係好開心！一家人或者成班朋友黎住就最好，夜晚可以返房開party，一齊住大屋好熱鬧。
另外兩間酒店分別係藍鼎度假酒店同國際品牌Marriott，兩間都比較適合少人住或者商務客人，房價都會比剛剛介紹的盛捷服務公寓平。特別推介呢兩間酒店的club house，有室外同室內泳池，所以冬天都可以游水，仲有健身室同Spa中心，都幾正。
G-Dragon Cafe與保齡音樂吧
神話世界由人氣極高的韓星G-Dragon做代言人，園區更有GD設計的Cafe同保齡音樂吧。Cafe名為 Untitled, 2017，外型好特別，整個設計風格，連同內部裝修同每件藝術品都由GD親力親為，就連咖啡豆都係他親自挑選，迷妹一定要去朝聖！而在Cafe對面的保齡音樂吧叫AC.III.T，是保齡球場加酒吧，3月先正式開幕。
More Coming Soon
度假區仲有DFS免稅店，大家可以購物，不過暫時只開左一期，之後會有第二期。另外仲有藍鼎娛樂場。遲d仲會開埋水上樂園同影城添！大家可以繼續期待，準備定一個濟州Family Trip！
濟州神話世界官網：LINK
濟州仲有咩玩？睇呢篇！
[濟州景點] 擁抱熱情的島嶼 夏日濟州景點全集+包車資訊 韓國人度假首選
神話主題公園
神話主題公園以韓國著名動漫公司 TUBAn旗下的知名3D動漫角色做設計藍本。樂園分三個主題區名為「視界之港」、「爆笑蟲子的冒險村」及「奧斯卡的新世界」。門票成人39,000won，小童35,000won，分別約港幣$273同$245。
一入門口就係「視界之港」，有幾間紀念品商店、cafe同餐廳、訓係度睇的4D電影院同一個要帶3D眼鏡玩幾個小遊戲的Finding Larva。去到樂園中間會有表演舞台。
之後左邊行到「奧斯卡的新世界」，主打刺激的機動遊戲，有過山車、會同時不停旋轉的海盜船等等，仲有最大的戶外溜冰場同VR劇場。
「爆笑蟲子的冒險村」就比較適合小朋友，有好多不太刺激的小遊戲，例如旋轉木馬（但呢度唔係騎馬，係蟲！），呢度好適合影相，因為所有建築都好七彩繽紛，仲有好多放大版的食物裝置，都幾得意！
5大餐廳推介
神話世界有超過20間餐廳，包括多國菜式，超多選擇，可以食足幾日，以下5間是我的心水推介。
1） 三兄弟烤肉
去韓國一定要食燒肉，呢間烤肉店食濟州黑毛豬，燒豬頸肉同五花腩都勁正，好厚身，勁juicy，仲有自家製醬汁，好好味！原來所有豬肉拎出黎燒之前會先在恆溫房放5日，令肉質更佳。另外仲有個泡菜炒飯都好惹味，呢間要大推。店舖牆身仲有GD親自畫的畫同簽名。
2）Fisherman’s Platter 漁人碼頭
濟州係海島，所以盛產海鮮，呢間就主打海鮮，有海鮮鍋、海膽蟹肉飯、虎蝦咖哩飯等等主菜。個海鮮鍋好足料，有濟州好出名的鮑魚，仲有蝦、八爪魚、螺......材料都好新鮮，個湯底加左牛，好香好好飲。另外仲有其他小食係自助形式任拎，所以除左海鮮都仲有其他野食。
3）Landing Dining
屬於度假區其中一間酒店藍鼎的餐廳，有自助早餐同晚餐，早餐已經質素好高，有齊韓式日式中式西式，好好味，每朝都食到勁飽。晚餐更加正，有醬油蟹、勁大隻長腳蟹腳、鮑魚、刺身......掛住食海鮮都唔得閒理熟食，但見到熟食都有超級多選擇，甜品都唔錯添！
4）3 birds Cafe
呢間cafe好靚，小清新風格，食西餐為主，環境好relax。推介鮑魚蜆肉意粉同蕃茄蝦意粉，都好入味。文青會很喜歡呢間cafe吧。
5）Devil’s Door
度假區暫時唯一的酒吧，裝潢型格，可以飯後去飲杯輕鬆下聊聊天。試左濟州啤酒，有淡淡的橘香，因為濟州最盛產的生果就係橘啦，都幾好飲。仲有薯條都好好食，送酒一流。
神話世界真係好多野食，質素亦相當高，仲有炸雞、火鍋、成條亞洲美食街、韓國餐廳......食足一星期都可以唔重覆！
3大酒店
神話世界度假區暫時有3間酒店，黎緊仲有兩間將會開。今次入住其中一間叫盛捷服務公寓（Somerset），每幢只有三層，一梯兩伙，每間房面積都有約1600呎，完全就係豪宅格局！有客廳、飯廳、3間房、兩個廁所、廚房、露台。特別想講個廚房係咩都有，洗衣機、洗碗碟機、微波爐、雪櫃、煮食爐、酒櫃、仲有好多煮食用具，連杯都有好多款，好誇張！呢間房大到可以5個人住，官網入住14日前訂平日每晚約港幣千八蚊，除開每人只需三百幾蚊，超抵價住豪宅，真係好開心！一家人或者成班朋友黎住就最好，夜晚可以返房開party，一齊住大屋好熱鬧。
另外兩間酒店分別係藍鼎度假酒店同國際品牌Marriott，兩間都比較適合少人住或者商務客人，房價都會比剛剛介紹的盛捷服務公寓平。特別推介呢兩間酒店的club house，有室外同室內泳池，所以冬天都可以游水，仲有健身室同Spa中心，都幾正。
G-Dragon Cafe與保齡音樂吧
神話世界由人氣極高的韓星G-Dragon做代言人，園區更有GD設計的Cafe同保齡音樂吧。Cafe名為 Untitled, 2017，外型好特別，整個設計風格，連同內部裝修同每件藝術品都由GD親力親為，就連咖啡豆都係他親自挑選，迷妹一定要去朝聖！而在Cafe對面的保齡音樂吧叫AC.III.T，是保齡球場加酒吧，3月先正式開幕。
More Coming Soon
度假區仲有DFS免稅店，大家可以購物，不過暫時只開左一期，之後會有第二期。另外仲有藍鼎娛樂場。遲d仲會開埋水上樂園同影城添！大家可以繼續期待，準備定一個濟州Family Trip！
濟州神話世界官網：LINK
濟州仲有咩玩？睇呢篇！
[濟州景點] 擁抱熱情的島嶼 夏日濟州景點全集+包車資訊 韓國人度假首選