[土耳其景點] 世界遺產之旅 奇石林與棉花堡 + 三大歷史古城
上篇介紹過伊斯坦堡（LINK），呢篇就去土耳其其他城市，欣賞幾個被列為世界遺產的自然景點同千年古城。
首先就係位於土耳其中部的卡帕多奇亞（Kapadokya/Cappadocia），呢個名大家可能有點陌生，但如果講奇石林，大家都應該有印象。呢度的岩石係幾百萬年前的火山爆發而形成，岩漿同岩塊經過長時間冷卻同沈積而慢慢變成而家的景觀。可以話每一舊石都獨一無二，加加埋埋就成為一片極壯觀的自然景色。無論係坐車穿梭期間所見到的岩石風景，定係落車去參觀幾個特別出名的景區，都係靚到令人驚嘆。山我地可能睇好多，岩石區都有見過，但咁大規模而又有咁壯闊的景象，我暫時都未見過有類似。
奇石林區有幾個特別的景點，例如好耐以前基督徒受迫害而搬到呢度聚居，興建左石中教堂，可以見到岩石裡有被開發成房屋同教堂遺跡。佢地為左逃避迫害，甚至搬到地底下居住，所以有地下城跡參觀，真係可以走入地下石洞睇下佢地以前生活的痕跡，你好難想像點樣可以地底生活，參觀完都覺得不可思議，不見天日好可憐，入去一陣已經好想出返黎見陽光。
另外仲有形狀好似駱駝的石頭、 依山而建的小鎮、鴿子谷、仙境煙窗等等，好多好多奇形怪狀的岩石，一望無際，有時遊走其中都會覺得好似去左第二個星球。奇石林真係一個好特別的地方，即使唔係景點區，係不知名的地帶，都好靚。大家仲可以參加四驅車、騎馬等活動，可以去到普通巴士／旅遊車去唔到的景區。
熱氣球係奇石林一個好熱門的活動，但真係好視乎天氣，特別係風速。落雨就固然飛唔到，但即使天氣晴朗，如果風太大都係唔得，好似我去的時候就係。雖然陽光普照，藍天白雲，但都係因為太大風而取消飛行。參加熱氣球要預先報名，朝早大約4點左右熱氣球公司會派人去酒店接載參加者，飛或飛唔到都要每日差唔多呢個時間先知，所以我當日係已經出發的途中，熱氣球公司先通知司機飛唔到，即刻折返酒店。超級失望，但都明白冇得強求，熱氣球其實係高危險性活動，風大真係不宜飛行，都係安全最重要。相信由熱氣球上面從高空睇奇石林一定好靚，所以我絕對會為左呢個景而再黎，而且為左確保一定飛到，至少要預留幾日俾奇石林，一星期裡面只有1-2日成功起飛。6-8月係大機會飛到的月份，冬天機會好細，但如果飛到就會見到舖滿雪的奇石林，相信都好靚。大家都要mark定日子啦。
另一個列入世界自然遺產又夢幻的地方就係棉花堡（Pamukkale）啦。呢個係我其中一個最期待的地方，棉花堡係白色城堡的意思，形成源自於有鈣的溫泉水在流動過程中冷卻沉積，慢慢形成一層層的石灰岩層，好似梯田咁有層次，而且都係白色，仲有10幾個溫泉水池，都係完全天然而成。
但理想同現實係有落差既。首先遠睇的棉花堡係好白雪雪，成個山頭都白色好壯觀，好似雪山。但到你真係行落去，就會發現係灰白色，仲啡啡地，唔係真係好白。其次係超級多人！好多好多人！每個池都好多人。要好努力搵d冇人既影相位。然後係因為受到多年保護不善同污染問題，溫泉水越黎越少喇，有d位已經乾涸了，完全冇水。
最後係行棉花堡一定要赤腳，因為要保護棉花堡。但要記住棉花堡係岩石，凹凸不平，仲有好多碎石，赤腳行其實好痛。比較平滑個d部分就真係好滑，而且表面又有水。所以行走其中，係一步一驚心，一係驚滑倒，一係踩到碎石叫痛。所以我捱住痛影左陣相，就要上返地了......
好多人會問棉花堡係咪可以浸溫泉，係可以既，好多人會換泳衣浸，但當你見到源源不絕的人，相信泉水唔會太乾淨......
我覺得棉花堡係靚既，但佢係屬於遠觀比近看靚的類型，同埋上鏡靚過真人個種。可以一去，但不要太大期望。
睇完自然遺產，就去睇下文化遺產啦。土耳其有好多歷史古城，離棉花堡最近的正是大名鼎鼎的以弗所古城（Ephesus）。呢個古城曾經係港口，都係世界第三大城，而家就成為全世界最大古希臘羅馬遺跡。無論佢係完好無缺的時代定變成廢墟，都係巴閉既。烈日當空下一路行都一路諗點解仲未行完，古城真係好大。（又好熱）夏天去土耳其要有心理準備，大部份地方都係戶外，好熱好曬。
以弗所呢個地方據說有七千年歷史，都係傳說聖母瑪利亞臨終之地。沿路有好多頹垣敗瓦，但亦有唔少意外地保存得非常好的古蹟，例如圖書館、神廟，都可以想像當時以弗所的輝煌。呢個半圓形露天大劇場保存得好好，可以容納二萬五千個觀眾。
比較特別仲有公廁同地下的妓院廣告。當時的妓院隱藏在圖書館後面，有特別通道入去，男人扮文青入圖書館其實係去妓院，識玩。
另一個位於土耳其第三大城市Izmir，離以弗所幾個鐘車程的古城叫巴格門古城（Pergamum）。我個人好喜歡呢個古城，因為佢位於愛琴海附近山上，要坐纜車上去，上得山風景一定係壯闊的。果然冇令我失望呀，景色超靚！！！
巴格門古城以前好勁，係古希臘最繁榮的古城之一，不過經歷過地震之後，淨低的古蹟都唔多了。但佢擁有最陡峭的劇場，依山而建，而家仲見到個規模，好有氣勢。
另外仲有圖雷真神廟遺跡，係祭祀宙斯的神殿，第一眼見到即刻覺得係希臘呀！！好似雅典！（明明未去過，但就係覺得好match我對雅典的印象）雖然而家得返一堆大理石圓柱，但全部都好高，可以想像以前呢間神廟有幾宏偉！
一定要揀晴朗的日子黎巴格門古城，因為你會發現天空係前所未有的廣闊。
最後一個介紹的古城可能好多人睇電影會睇過有關的故事。你地有冇睇過木馬屠城記？一場關於希臘同特洛伊兩地戰爭的希臘神話故事。因為裡面有神話角色，所以大家都以為係虛構的故事，但原來真係有人搵到特洛伊古城（Troy）出黎！地方係真實存在，不過故事真假都係唔知。雖然古城面目全非，猶如廢墟，不過都仲有少少殘留的遺跡，隱約見到當時的城牆、劇院等等建築。附近係一大片田園。
古城門口有好大隻木馬，木馬的出處就係戰爭中希臘扮投降，其實d士兵匿埋木馬裡面，當特洛伊當木馬係戰利品帶返自己城鎮個陣，d希臘士兵就搵機會衝曬出黎突襲，結果特洛伊就輸左呢場戰爭。呢隻巨型木馬好高，可以行上去架。最有趣係木馬下面有得cosplay！有得著特洛伊人d衫，好正呀，著完好似d戰爭遊戲入面既角色，港幣幾十蚊就可以著衫同影相。
我覺得呢個古城係三個我去過的古城中最少野睇，因為保存得好的東西太少，感覺只係睇左一堆石頭，所以都唔一定要去呢。除非大家對木馬屠城記有情意結，哈哈。
整體我都幾喜歡土耳其，有好多靚景，自然景色有，歷史遺跡又有，有歐洲的悠閒感覺之餘，又有好多我喜歡的亞洲古典東西。伊斯蘭建築都好有特色。一定會再黎，主要係因為今次坐唔到熱氣球，另外係知道土耳其有好多海邊度假城市，有非常靚的海岸，今次冇機會去，所以我已經有好充足再黎的理由啦。
首先就係位於土耳其中部的卡帕多奇亞（Kapadokya/Cappadocia），呢個名大家可能有點陌生，但如果講奇石林，大家都應該有印象。呢度的岩石係幾百萬年前的火山爆發而形成，岩漿同岩塊經過長時間冷卻同沈積而慢慢變成而家的景觀。可以話每一舊石都獨一無二，加加埋埋就成為一片極壯觀的自然景色。無論係坐車穿梭期間所見到的岩石風景，定係落車去參觀幾個特別出名的景區，都係靚到令人驚嘆。山我地可能睇好多，岩石區都有見過，但咁大規模而又有咁壯闊的景象，我暫時都未見過有類似。
奇石林區有幾個特別的景點，例如好耐以前基督徒受迫害而搬到呢度聚居，興建左石中教堂，可以見到岩石裡有被開發成房屋同教堂遺跡。佢地為左逃避迫害，甚至搬到地底下居住，所以有地下城跡參觀，真係可以走入地下石洞睇下佢地以前生活的痕跡，你好難想像點樣可以地底生活，參觀完都覺得不可思議，不見天日好可憐，入去一陣已經好想出返黎見陽光。
另外仲有形狀好似駱駝的石頭、 依山而建的小鎮、鴿子谷、仙境煙窗等等，好多好多奇形怪狀的岩石，一望無際，有時遊走其中都會覺得好似去左第二個星球。奇石林真係一個好特別的地方，即使唔係景點區，係不知名的地帶，都好靚。大家仲可以參加四驅車、騎馬等活動，可以去到普通巴士／旅遊車去唔到的景區。
熱氣球係奇石林一個好熱門的活動，但真係好視乎天氣，特別係風速。落雨就固然飛唔到，但即使天氣晴朗，如果風太大都係唔得，好似我去的時候就係。雖然陽光普照，藍天白雲，但都係因為太大風而取消飛行。參加熱氣球要預先報名，朝早大約4點左右熱氣球公司會派人去酒店接載參加者，飛或飛唔到都要每日差唔多呢個時間先知，所以我當日係已經出發的途中，熱氣球公司先通知司機飛唔到，即刻折返酒店。超級失望，但都明白冇得強求，熱氣球其實係高危險性活動，風大真係不宜飛行，都係安全最重要。相信由熱氣球上面從高空睇奇石林一定好靚，所以我絕對會為左呢個景而再黎，而且為左確保一定飛到，至少要預留幾日俾奇石林，一星期裡面只有1-2日成功起飛。6-8月係大機會飛到的月份，冬天機會好細，但如果飛到就會見到舖滿雪的奇石林，相信都好靚。大家都要mark定日子啦。
另一個列入世界自然遺產又夢幻的地方就係棉花堡（Pamukkale）啦。呢個係我其中一個最期待的地方，棉花堡係白色城堡的意思，形成源自於有鈣的溫泉水在流動過程中冷卻沉積，慢慢形成一層層的石灰岩層，好似梯田咁有層次，而且都係白色，仲有10幾個溫泉水池，都係完全天然而成。
但理想同現實係有落差既。首先遠睇的棉花堡係好白雪雪，成個山頭都白色好壯觀，好似雪山。但到你真係行落去，就會發現係灰白色，仲啡啡地，唔係真係好白。其次係超級多人！好多好多人！每個池都好多人。要好努力搵d冇人既影相位。然後係因為受到多年保護不善同污染問題，溫泉水越黎越少喇，有d位已經乾涸了，完全冇水。
最後係行棉花堡一定要赤腳，因為要保護棉花堡。但要記住棉花堡係岩石，凹凸不平，仲有好多碎石，赤腳行其實好痛。比較平滑個d部分就真係好滑，而且表面又有水。所以行走其中，係一步一驚心，一係驚滑倒，一係踩到碎石叫痛。所以我捱住痛影左陣相，就要上返地了......
好多人會問棉花堡係咪可以浸溫泉，係可以既，好多人會換泳衣浸，但當你見到源源不絕的人，相信泉水唔會太乾淨......
我覺得棉花堡係靚既，但佢係屬於遠觀比近看靚的類型，同埋上鏡靚過真人個種。可以一去，但不要太大期望。
睇完自然遺產，就去睇下文化遺產啦。土耳其有好多歷史古城，離棉花堡最近的正是大名鼎鼎的以弗所古城（Ephesus）。呢個古城曾經係港口，都係世界第三大城，而家就成為全世界最大古希臘羅馬遺跡。無論佢係完好無缺的時代定變成廢墟，都係巴閉既。烈日當空下一路行都一路諗點解仲未行完，古城真係好大。（又好熱）夏天去土耳其要有心理準備，大部份地方都係戶外，好熱好曬。
以弗所呢個地方據說有七千年歷史，都係傳說聖母瑪利亞臨終之地。沿路有好多頹垣敗瓦，但亦有唔少意外地保存得非常好的古蹟，例如圖書館、神廟，都可以想像當時以弗所的輝煌。呢個半圓形露天大劇場保存得好好，可以容納二萬五千個觀眾。
比較特別仲有公廁同地下的妓院廣告。當時的妓院隱藏在圖書館後面，有特別通道入去，男人扮文青入圖書館其實係去妓院，識玩。
另一個位於土耳其第三大城市Izmir，離以弗所幾個鐘車程的古城叫巴格門古城（Pergamum）。我個人好喜歡呢個古城，因為佢位於愛琴海附近山上，要坐纜車上去，上得山風景一定係壯闊的。果然冇令我失望呀，景色超靚！！！
巴格門古城以前好勁，係古希臘最繁榮的古城之一，不過經歷過地震之後，淨低的古蹟都唔多了。但佢擁有最陡峭的劇場，依山而建，而家仲見到個規模，好有氣勢。
另外仲有圖雷真神廟遺跡，係祭祀宙斯的神殿，第一眼見到即刻覺得係希臘呀！！好似雅典！（明明未去過，但就係覺得好match我對雅典的印象）雖然而家得返一堆大理石圓柱，但全部都好高，可以想像以前呢間神廟有幾宏偉！
一定要揀晴朗的日子黎巴格門古城，因為你會發現天空係前所未有的廣闊。
最後一個介紹的古城可能好多人睇電影會睇過有關的故事。你地有冇睇過木馬屠城記？一場關於希臘同特洛伊兩地戰爭的希臘神話故事。因為裡面有神話角色，所以大家都以為係虛構的故事，但原來真係有人搵到特洛伊古城（Troy）出黎！地方係真實存在，不過故事真假都係唔知。雖然古城面目全非，猶如廢墟，不過都仲有少少殘留的遺跡，隱約見到當時的城牆、劇院等等建築。附近係一大片田園。
古城門口有好大隻木馬，木馬的出處就係戰爭中希臘扮投降，其實d士兵匿埋木馬裡面，當特洛伊當木馬係戰利品帶返自己城鎮個陣，d希臘士兵就搵機會衝曬出黎突襲，結果特洛伊就輸左呢場戰爭。呢隻巨型木馬好高，可以行上去架。最有趣係木馬下面有得cosplay！有得著特洛伊人d衫，好正呀，著完好似d戰爭遊戲入面既角色，港幣幾十蚊就可以著衫同影相。
我覺得呢個古城係三個我去過的古城中最少野睇，因為保存得好的東西太少，感覺只係睇左一堆石頭，所以都唔一定要去呢。除非大家對木馬屠城記有情意結，哈哈。
整體我都幾喜歡土耳其，有好多靚景，自然景色有，歷史遺跡又有，有歐洲的悠閒感覺之餘，又有好多我喜歡的亞洲古典東西。伊斯蘭建築都好有特色。一定會再黎，主要係因為今次坐唔到熱氣球，另外係知道土耳其有好多海邊度假城市，有非常靚的海岸，今次冇機會去，所以我已經有好充足再黎的理由啦。