將軍澳區搵食 進步了的 桂花小幸 台式餐廳 招牌牛肉麵 燉湯套餐 三杯雞 B+BC Cafe

好多年前,桂花小幸仲有分店既時候
我已經食過,以前印像一般事隔多年,估唔到改善了,也進步了
以前最大問題,食物唔夠熱,態度唔好
今次都改善了
湯麵,小菜都係即做,味道也進步了
晚市有定食套餐+燉湯
塔香三杯雞飯+燉湯 $88 (不需加一)
加$8配桂圓菊花冰茶
三盛牛肉麵,養生清燉牛肉湯$68
可選紅燒湯底或清燉牛肉湯
考牌緊係飲清燉牛肉湯啦
麵份量唔算多,煮得岩岩好
三盛牛肉,即牛腩,牛丸,腱心牛肉
牛肉煮得好夠味,肉質燉煮得夠軟身
牛肉丸彈牙多汁,牛腩夠味濃
最抵讚係湯底,非常夠熱,夠清甜順口
比起上次食,相差幾倍,有返台灣風味係度
上次黎都係燉湯餐
今次係無花果雪梨排骨
燉得唔夠耐,食材唔出味,但仍然夠甜
配一份白飯,上面灑了少少芝麻做點綴
三杯雞肉少骨,肉夠多,三杯味亦夠濃
但味道可以再重一點就更佳
另有一份上湯菜配埋
冰茶係非常足料,菊花茶香而不甜膩

將軍澳唐德街1號
將軍澳廣場1樓133-135號舖