曼聯對熱刺---一場推介足球比賽的典型例子
星期六列斯聯對曼城踢出了一場超精彩的對攻比賽，當時加利尼維利為sky sports評述時說"This game is beautiful. I don't want it to end."對於我們這些睇開波的人來講，自然明白那場的美麗之處，但若果要和一位平時不睇波嘅人介紹比爾沙pressing有幾吸引，哥迪奧拿攻擊有幾湊效，他們應該不為所動。但若果推介他們看星期日曼聯對熱刺的比賽，絕對可以讓不看足球的人了解現代足球之美。
現代足球(甚至是現代體育運動)的最大特點是不只涉及賽場上的事，亦涉及賽場外的事，甚至比賽場上的事花生程度更高，相比比爾沙哥迪奧拿師徒鬥法，Daddy摩連奴倒戈復仇這個標題一定更加吸引，情形就好似你在舊公司被老細炒，然後去新公司搶生意搶贏舊公司，加上摩連奴本身花生成份極高，不論是「摩三季」之咒還是當年捉內鬼，即使非球迷亦會明白當中的得意位。另一方面，球場外的心理反應亦是非球迷能夠理解的事，既有Daddy先講孫興民受傷然後fit爆正選出場，再有被插到七彩嘅連迪洛夫被比他更不堪嘅拜利代替，蘇斯克查心中的震驚和連迪洛夫心中的不屑，任何非曼聯球迷都會笑得出。
至於90分鐘內發生的事，不談戰術亦有好多十分容易理解的精彩位。如果你問一個非球迷一場精彩的比賽是怎樣，很大機會得到的答案是多波入，今場絕對符合這個條件啦。除了多波入，球場上越多戲劇性事件發生，花生程度自然越大，而今場波中，好早入波，好快反超，半開拖，3張紅牌爭議，極大分差，十二碼，樣樣都有，要理解這些亮點絕對比理解比爾沙和哥迪奧拿足球哲學關係容易得多。
所謂「睇人X街最開心」，睇波一樣。今次曼聯有拜利派膠，普巴眼神防守，麥佳亞mark自己友式防守，梳爾隱形防守，全部蝦碌事件對非曼迷都是抽水好材料。而曼聯負上開季主場連敗，輸最多的比賽等不光紀錄，在不知為何曼聯敵對球會和反曼球迷特別多的情況下，對於對曼聯冇感情的非球迷來講，在旁食花生看曼聯被抽乾塘應該好興奮。及後仲出現高普為保蘇B帥位自願輸得仲甘令曼迷精神為之一振，成個故事出現一個轉捩點，精彩到不得了。
睇波都係一種娛樂，越多花生，越多抽水位，娛樂自然越大。如果你想身邊唔睇波嘅老婆/朋友陪你一齊睇波講波，不妨同佢欣賞下場比賽，俾佢地了解下我地球迷互相抽水嘅樂趣。
現代足球(甚至是現代體育運動)的最大特點是不只涉及賽場上的事，亦涉及賽場外的事，甚至比賽場上的事花生程度更高，相比比爾沙哥迪奧拿師徒鬥法，Daddy摩連奴倒戈復仇這個標題一定更加吸引，情形就好似你在舊公司被老細炒，然後去新公司搶生意搶贏舊公司，加上摩連奴本身花生成份極高，不論是「摩三季」之咒還是當年捉內鬼，即使非球迷亦會明白當中的得意位。另一方面，球場外的心理反應亦是非球迷能夠理解的事，既有Daddy先講孫興民受傷然後fit爆正選出場，再有被插到七彩嘅連迪洛夫被比他更不堪嘅拜利代替，蘇斯克查心中的震驚和連迪洛夫心中的不屑，任何非曼聯球迷都會笑得出。
至於90分鐘內發生的事，不談戰術亦有好多十分容易理解的精彩位。如果你問一個非球迷一場精彩的比賽是怎樣，很大機會得到的答案是多波入，今場絕對符合這個條件啦。除了多波入，球場上越多戲劇性事件發生，花生程度自然越大，而今場波中，好早入波，好快反超，半開拖，3張紅牌爭議，極大分差，十二碼，樣樣都有，要理解這些亮點絕對比理解比爾沙和哥迪奧拿足球哲學關係容易得多。
所謂「睇人X街最開心」，睇波一樣。今次曼聯有拜利派膠，普巴眼神防守，麥佳亞mark自己友式防守，梳爾隱形防守，全部蝦碌事件對非曼迷都是抽水好材料。而曼聯負上開季主場連敗，輸最多的比賽等不光紀錄，在不知為何曼聯敵對球會和反曼球迷特別多的情況下，對於對曼聯冇感情的非球迷來講，在旁食花生看曼聯被抽乾塘應該好興奮。及後仲出現高普為保蘇B帥位自願輸得仲甘令曼迷精神為之一振，成個故事出現一個轉捩點，精彩到不得了。
睇波都係一種娛樂，越多花生，越多抽水位，娛樂自然越大。如果你想身邊唔睇波嘅老婆/朋友陪你一齊睇波講波，不妨同佢欣賞下場比賽，俾佢地了解下我地球迷互相抽水嘅樂趣。