【非法說服DeAndre Jordan】快艇畀NBA罰款25萬美金！咪住先，NBA點知架？

圖入面嘅對白就梗係講笑啦，25萬，唔好話對快艇老闆——微軟前CEO Steve Ballmer——黎講唔算得係乜，對DJ同CP3嚟講都係零頭黎唧。
作為DeAndre Jordan反口覆舌事件最大受害者小牛嘅fans，睇到呢單新聞真係五味雜陳。



首先，NBA係點知快艇响會面期間出咗個咁嘅違規offer畀DJ架呢？

我諗到三個可能性：
1）裝偷聽器（拍戲咩）；
2）快艇自首（傻架咩）；3）有人篤背脊。

如果係3，點解要咁做呢？都幾耐人尋味。

第二，NBA又點知DJ反口唔去小牛留返响快艇同呢個offer無關呢？
NBA係DJ肚入面條蟲？
咁樣聲明唔係更加此地無銀咩？
呢啲嘢其實無得調查架喎，一係就直接問DJ，但就算有關係，唔通佢會傻到答你：「梗係有關係啦！唔係我睬快艇都傻啦！」咁樣咩？

第三，其實我只係未嬲完，搵啲嘢黎罵下、質疑下咁唧。

小牛臨尾先黎畀人起飛腳，亡羊補牢之下，一口氣簽咗Zaza Pachulia、Samuel Dalembert、JaVale McGee，仲有皇馬中鋒Salah Mejri（如無意外，呢個就幫手練下波架唧），其實算做得唔錯。

雖則話三個臭皮匠，但呢幾個臭皮匠黎講，Zaza夠哂硬淨（成日同人嘈甚至打交⋯⋯）兼有一手交波；Dalembert係回巢，熟悉小牛嘅防守體系，補位意識又ok，另外兩個中鋒同隊波未磨合得好嘅時候就靠佢；至於McGee啦喎⋯⋯佢唔傻嗰陣真係幾好嘅，身高手長又跳得高，幾個後衛可以用番之前成日同Brandan Wright用嘅pick & roll笠波alley oop戰術，不過問題係佢傻嘅時間多到似乎傻先係正常。
當然最好佢哋可以合體變做諸葛亮啦⋯⋯T_T

Dalembert小牛時期精彩表現：

天賦異稟嘅McGee：

Brandan Wrightt小牛時期嘅入樽：

睇完記得like我個Facebook page呀！多謝支持！