三個人的微妙張力

三，是個很微妙的數字。
放在力學上，聽說三角形是最穩固的形狀，而其中又以等邊三角型尤為穩固中的穩固。不過，要是放在關係上，三則最具張力。
或許因為人與人之間，從來無法做到如等邊三角形般恆久對等？

某天和K無聊談起去旅行這件事。

「呀邊個好似單獨同個女仔去旅行。」
「吓？！佢女朋友肯？」
「你覺得有問題？」
「你覺得冇問題？」
「你係咪覺得一男一女去旅行好易出事？」
「又唔係，不過我一定唔高興。人同人之間突然咁高密度相處，會產生咩化學反應，係我哋估唔到㗎。」
「即係你覺得一男一女就會好易上床？」
「……唔係，我都有朋友試過，唔一定會有嘢。不過如非必要，就唔好囉。我會唔舒服。」「呢個都係普遍人嘅諗法。噉如果係三個人一齊去呢？」

我認真地設想了一下。
「嗯……好似都唔係太鍾意。如果兩男一女呢，咁個女仔實係被包容，被當成公主噉；如果兩女一男呢，感覺上個男仔可能就會成為重點。異性相吸，同性相拒，擺喺幾時都啱。兩個男仔、兩個女仔同中間加多一個異性，氣氛可以好唔同。」
後來我再細想，其實三個女生這個組合也不算很好，要是其中兩個人比較親密，另一個就會被冷落，女孩子之間也偶有爭寵的狀況。
三這個數字實在奇妙。
只是三個男生會不會這樣我就不得而知了。

三角戀、第三者這些出現都很糟糕。

「所以四就OK？」
我又想了想。
「四好似好好多，其實一超過三，嗰種緊張感好似就會被稀釋咗。到時無論係三男一女，定三女一男，感覺好似都無咁差，而且變化可以多好多。四個人入面就算有兩個人特別friend，至少另一個人會陪淨低嗰個。」

回想一下自己現在剩下來的團體，剛好也都沒有三人成行的組合。以前倒是有過，都消散了。

當然，世事無絕對。
還是有人可以三人團體也過得很好，像三劍俠或關羽張飛劉備等等。
不過下意識我始終會避免三人行。
畢竟一條路三個人行就太阻街，總要有人殿後；一間餐廳坐下吃飯，總不能次次都三個平排坐。
三這個數字的意思是，總會有一個成為單丁，被遺留下來。

除非你肯定，你們能永遠維持著等邊三角形的平衡。
或是你大喇喇得並不在乎成為較暗淡的光或被忽略。

但我剛好，是個敏感的人。
就不自尋煩惱了。