不要因為一個人對你好而愛上他

Y小姐曾因為某個男生問過我這樣一道問題：「佢除咗對你好，仲有咩吸引你？」我想了想，回答了數項男生的優點，但也不得不承認，他最吸引我的地方就是對我好而認真。
很久以後，我和Y小姐再深入一點探討這個話題。
「選擇題（當然大前提是兩個都過了好感那條線）：你傾向揀一個對你好嘅人多啲，定係揀一個佢本身嘅特質吸引你嘅人？」
「嗯……雖然我經歷麻麻，但如果畀我揀，我應該都係會揀一個本身吸引我嘅人。」
「我都覺得你係，而且個比重仲係非常高。對你好都重要，但先決條件係呢個人要click到你。」
「係，因為噉我嘅愛先last到耐啲，我覺得兩個人要長久地一齊係一件好唔容易嘅事，如果唔係鍾意本身佢個人，對我嚟講好難搞。」

「人愈大，我發覺好多女仔會揀一個對自己好嘅人多過自己本身欣賞嘅人。」
「我明，因為被珍惜同呵護實在太正，但我冇辦法，雖然我知道噉樣條路係難行啲。」「我噉講唔係想勸你要放低標準現實啲定咩，啱啱相反，我係想同你講，嗰啲揀咗個對自己好多於欣賞另一半特質嘅人其實好危險，因為隨住時間推移，佢對你嘅好一定係會冇當初咁熱烈同上心，呢個幾乎係必然，亦係人性。如果有人當初鍾意另一半係因為佢對自己好，噉就大鑊了，除非佢個心一早打好底：即係佢而家帶我去五星級酒店食飯，以後只會帶我去茶記，但都叫做有帶呀OK啦。如果可以做到呢個地步，噉就冇問題喇，但如果唔得，日後盞多多怨言或者分手收場。」

Y小姐這樣說的時候，讓我想起了一套陸劇〈烏鴉小姐與蜥蜴先生〉（沒有看完，也不推介大家看，時裝的陸劇真的很災難），裡面有一幕是某個姐姐語重心長地對女主角說話，我覺得頗有意思：
「你要記得不要因為一個男人愛你而愛上他，他愛你的時候可以為你隱藏缺點。如果後來分開了，你還是敬佩他、尊重他，不後悔和他在一起，這樣的戀愛才一定要談。」

我想對廿到尾或是年過三十、四十甚至更年長卻還是單身的人說，這麼多年以來大家內心必然多多少少藏著傷痕，碰過不少挫折，覺得心累，更可能認為其實要找一個對自己好的人也並非一件易事，可是呢，縱然如此也不要妥協、將就，或是乾脆怕煩便算數。需要改變了是一回事（真的有些人到達某個年齡就再也不追求愛情，只想找個伴一起走下去），但委屈卻是另一回事。雖然孤獨很難受，但兩個人在一起的孤單才更令人難過。
話又說回來，遇到一個你很喜歡很欣賞很仰慕的人，假如他待你不好，讓你常常懷疑自己的價值甚至人生，這樣的人還是盡早脫離為佳。雖然不是隨處可見，可是這個世上始終會有和你頻率相近令你心動而又待你好的人，和這樣的人在一起才會真正幸福。

為了日後不讓自己遺憾為什麼現在才遇上眼前這個人而深生悔恨，要好好選擇自己的另一半喔。絕對要選一個讓你覺得他就是最好的人。單身的我現在就有滿滿的機會認識更好的人了（笑）。

套用某位朋友的話：「拍拖就係求開心。唔開心係一個問題，仲係一個好需要處理嘅問題。」