一邊睇一邊鬧, 都係一種感情...
呢篇講啲日常嘅話題, 我用口語代替書面語。話說, 高橋陽一繼續食老本, 真實世界杜林、戴維斯同李華度都退晒休, 故事入面佢地仲係祖雲達斯同巴塞羅那。近幾年, 佢推出左講日本「黃金一代」征戰奧運決賽周嘅《足球小將Rising Sun》。依家講緊巴西對德國, 巴西隊由辛坦拿同拿度尼, 使出一招結合「龍捲風射球」+「雷獸射球」+「反動蹴速迅炮」嘅「全金屬幻象」, 射到巨人鋼門梅拿爆血。
呢三招本身是但一招都已經夠晒不可思議, 依家仲要三招加埋一齊用, 我一邊睇, 一邊笑到GG聲。
講開又講, 自從世青篇開始, 《足球小將》已經踢到科幻足球咁。泰國果三兄弟係個球場飛黎飛去, 勁好輕功。肖俊光招「反動蹴速迅炮」, 係自己半場反射, 個波好似子彈咁飛七八十碼。墨西哥班摔角高手彈上半空 (《足球小將》應該冇所謂舉腳過高、危險動作呢回事?)、烏拉圭火野龍馬招任你轉幾個圈都冇人埋黎既「龍捲風射球」、瑞典史提芬.利雲既」利雲射球」, 邊一個唔係有驚世絕學既武林高手?
到決賽, 我終於明白對高橋San黎講, 係冇江郎才盡呢回事。更加驚天地泣鬼神既招式同場面 - 成隊日本連隊帶波飛入龍門, 睇到目瞪口呆。
講返《Rising Sun》。日本隊已經係超乎想像既強, 友賽對老對手墨西哥贏8-1 (世青盃贏2-1), 分組賽贏荷蘭 4-1 (世青盃加時贏1-0)。係迪亞哥使出進化版雜耍足球先有力一戰。依家呢邊巴西隊又整個「全金屬幻象」, 再加上西班牙神祕少年將足球當Roller、德國又有強化左嘅史奈達。八強激戰, 精彩可期!
鬧還鬧笑還笑, 講到最後, 點解都仲睇呢套科幻足球漫畫, 其實都係一種童年回憶姐。將啲絕招一一恥笑, 其實都係因為人大左, 現實左。細個果陣, 冇乜好做, 拎住本《足球小將》實體書, 明知乜野「一飛衝天彈跳射球」根本唔可能、明明覺得直接射入網好過射中楣再倒掛金鉤, 都硬係要睇到最尾。
可能你都同三五波友, 一齊研究過點樣係球場用「一飛衝天彈跳射球」。
可能你踢波時, 都試過射波前X嗌「衝力射球」、「猛虎射球」、「獵鷹射球」、..............。
可能你個守龍frd串串貢話冇人可以係禁區外射入佢十指關, 五秒後你就打破佢個傳說。
一切一切, 皆因《足球小將》起。
人大左, 返唔到以往, 留唔住從前。睇《足球小將》, 為既都係懷念一段以往、一份感情。
Facebook專頁：人生勝利組
呢三招本身是但一招都已經夠晒不可思議, 依家仲要三招加埋一齊用, 我一邊睇, 一邊笑到GG聲。
講開又講, 自從世青篇開始, 《足球小將》已經踢到科幻足球咁。泰國果三兄弟係個球場飛黎飛去, 勁好輕功。肖俊光招「反動蹴速迅炮」, 係自己半場反射, 個波好似子彈咁飛七八十碼。墨西哥班摔角高手彈上半空 (《足球小將》應該冇所謂舉腳過高、危險動作呢回事?)、烏拉圭火野龍馬招任你轉幾個圈都冇人埋黎既「龍捲風射球」、瑞典史提芬.利雲既」利雲射球」, 邊一個唔係有驚世絕學既武林高手?
到決賽, 我終於明白對高橋San黎講, 係冇江郎才盡呢回事。更加驚天地泣鬼神既招式同場面 - 成隊日本連隊帶波飛入龍門, 睇到目瞪口呆。
講返《Rising Sun》。日本隊已經係超乎想像既強, 友賽對老對手墨西哥贏8-1 (世青盃贏2-1), 分組賽贏荷蘭 4-1 (世青盃加時贏1-0)。係迪亞哥使出進化版雜耍足球先有力一戰。依家呢邊巴西隊又整個「全金屬幻象」, 再加上西班牙神祕少年將足球當Roller、德國又有強化左嘅史奈達。八強激戰, 精彩可期!
鬧還鬧笑還笑, 講到最後, 點解都仲睇呢套科幻足球漫畫, 其實都係一種童年回憶姐。將啲絕招一一恥笑, 其實都係因為人大左, 現實左。細個果陣, 冇乜好做, 拎住本《足球小將》實體書, 明知乜野「一飛衝天彈跳射球」根本唔可能、明明覺得直接射入網好過射中楣再倒掛金鉤, 都硬係要睇到最尾。
可能你都同三五波友, 一齊研究過點樣係球場用「一飛衝天彈跳射球」。
可能你踢波時, 都試過射波前X嗌「衝力射球」、「猛虎射球」、「獵鷹射球」、..............。
可能你個守龍frd串串貢話冇人可以係禁區外射入佢十指關, 五秒後你就打破佢個傳說。
一切一切, 皆因《足球小將》起。
人大左, 返唔到以往, 留唔住從前。睇《足球小將》, 為既都係懷念一段以往、一份感情。
Facebook專頁：人生勝利組