Kelly膝頭受傷　去到出年先可以復出。。。

引用主場比曼聯逆轉利物浦可以話係輸波又輸人，右閘kelly膝頭十字韌帶撕裂要去到下年先可以復出，而艾加左膝韌帶無受到傷，而係骨頭出現嚴重淤血。

Kelly係呢場比賽入面發揮得非常出色，逼到費格遜半場就將蘭尼換落黎，佢仲有一次接傳中頭球攻門差少少就建功。不幸既係22歲既Kelly膝頭受傷，今朝早做左掃描，結果顯示佢膝頭哥十字韌帶撕裂。


Kelly係twitter到講佢要缺席到出年：“呢次唔係我遇到最嚴重既傷病，出年我更加健康同強壯果時肯定會為位置而戰。”Kelly受傷之後，羅渣士可以安排加歷查踢右閘，或者把莊臣返去佢熟悉既右路。考慮到艾加都傷左，莊臣最有可能做返以前個位，而安歷基繼續踢佢既左閘。


另外前鋒波連尼半場就換左人，佢右腳踝內側腫得好嚴重，不幸之中既大幸就係，X光顯示無出現骨裂。隊醫係到等佢既腳踝消腫，然後做核磁共振，檢查有無軟組織受損，同埋決定佢幾時先可以復出。