奧雲串蘇亞雷斯：無踢親佢仲要比人罰紅牌？
引用哥路仙尼危險動作踢蘇亞雷斯，比球證直接紅牌罰出場。英國媒體認為呢張紅牌無任何問題，但奧雲係 Twitter上面話認為呢個動作絕對唔應該會係紅牌。
係晏菲路球場，利物浦1-1紐卡素，蘇亞雷斯入一球，仲搞到紐卡素中堅哥路仙尼紅牌罰出場。對於呢張紅牌，BBC、《每日電訊報》等英國媒體表示認可，就連紐卡素主帥都接受。不過有一個人就極不滿意。究竟係邊個？就係當年利物浦既金童奧雲。
球證毫無猶豫咁拎出紅牌，將哥路仙尼罰出場。事實上，從英國媒體黎睇，哥路仙尼呢張紅牌一啲都無含冤。 《每日電訊報》記者亨利表示，哥路仙尼既動作是“可怕、非常危險”，就算無實際接觸，但係會造成潛在性既巨大傷害，紅牌係一個明智既判罰，紐卡素無任何抱怨既理由。 BBC睇法都係一樣：蘇亞雷斯已經出左波，哥路仙尼出腳好明顯係沖住蘇亞雷斯既腿部而去。如果你睇返重播，就應該明白，球證除左紅牌之外無其他選擇。
http://www.youtube.com/watch?v=kdkI3tGYzms不過係電視機前面睇緊比賽既前利物浦金童奧雲，就對於呢個紅牌感到很不解，甚至直接鬧裁判。 “紅牌？(哥路仙尼)踢到佢(蘇亞雷斯)咩？係我既角度黎睇，呢個判罰係唔合理。”當球證拎紅牌出黎果時，奧雲既第一時間覺得係判罰唔合理。 “你地大多數人都覺得呢個係紅牌，但係我既觀點唔同。我地睇下慢鏡重播。”
就算奧雲係Twitter上面接二連三既砲轟，但係連紐卡素主帥，都表示接受紅牌。 “蘇亞雷斯係一個好好既球員，佢成日製造巨大威脅比我地。哥路仙尼既紅牌？當時佢已經收住，亦都無傷害人既意思。不過旁證示意犯規，我地就應該要接受。”