回到環球時 盡聽軒式情歌

呢幾日, 接二連三比「軒仔最難唱的歌」呢個po洗版, 當中講到最難唱既非《春秋》莫屬。但作為軒仔既忠粉, 其實有更多既作品, 尤其係非主打歌, 相信如果軒仔要現場演繹, 都需要一定既準備 (特別係咁多年無唱, 忘詞既問題)。好似係原key版既《披星戴月》, 或者係專輯《Love & Living》裡面既《單打獨鬥》同《無名指的光環》, 又或者係大碟《Urban Emotions》入面既《酩酊天使》同《不吐不快》, 如果開個sidetrack演唱會, 軒仔都需要落好多既準備功夫。

原key唱《披星戴月》, 睇黎都幾有難度, 但對軒仔黎講, 其實唔算太難


軒仔既唱功無庸置疑, 但近年部份既作品, 唔多唔少顯得有少少造作, 特別係情感表達方面, 高音、唱功既show off 喺唔適當既時候有所展露。翻唱作品《好時辰》尾段既部份, 就係其中既例子。

得不到開花結果 才明瞭時日無多
旁人如學得懂 我也可
付出比愛自己應更多

好時辰

其實, 一首歌既質素, 除左曲詞編監既質素, 仲要視乎唱者既駕馭能力, 佢既感染力, 表達方式可唔可以令聽者受落。有時候唔需要高低跌宕既旋律, 過份展露唱功既演繹, 簡單情感既表露, 就已經足夠。

我的天
Hurt So Bad

遙吻

軒仔既呢幾首既作品, 都係環球年代既佳作, 亦都為佢當年晉身一線歌手打下強心針。可惜既係, 軒仔都表示曾經做過既野, 無理由再去做番, 呢家既佢只會造番自己鍾意做既音樂; 過往既情歌, 都未必能夠做番。

聽開軒仔既人應該知道, 其實軒仔有好多sidetrack都極具質素, 耐聽度一定唔比部份主打歌低, 什至更勝一籌。

病況

悲劇人物

襯

呢家只希望, 軒仔可以有新專輯推出, 舊東家環球唱片可以release埋以前軒仔錄落既作品, 等歌迷一同享受!