樂兒忘返之遊大阪USJ篇(第一次同閨蜜遊USJ記)

首先，今次就講下第一次去嘅體驗啦🙈🙈
我同閨蜜係2018年10月5日遊USJ👭
出發前的準備功夫：
• 上網做資料搜集
• 上官網自己學買平飛，點知又比我早買得到☺☺個一下嘅心情其實真係好開心✌🤪

其實第一次去，完全對個啲Express pass係冇乜概念同頭緒，同埋買Express pass係可以快小小玩到多啲遊戲設施，但係同入場門票嘅價錢係差唔多🤨🤨

*如果未去過USJ嘅朋友，可以試下唔好買Express pass先

---------------------------------------------------------------------

10月5日(星期五)，呢一日已經開始係萬聖節嘅Period,但係由於唔係假日嘅關係，所以等遊戲設施嘅時間都唔算係好耐。

我同閨蜜👭第一次去USJ嘅關係，我地大概4:45a.m.就起身梳洗同化妝，由於USJ開0830嘅關係，所以我地先咁早起身😂😂仲慘過去番工😂😂😂
交通：
我地住宿最近嘅電車站(近鐵日本橋站)

近鐵日本橋 (近鐵奈良線) > 西九條站 (需轉乘JRゆめ咲線) 到「ユニバーサルシティ」下車> 行大概5-10分鐘就會到環球影城

由於第一次去嘅關係，我地唔小心係西九條站轉錯線，最後我地係0830終於到環球影城站😂😂。
大穫喇，上網睇親都話要早一個鐘去到排隊入場，但係我地都已經遲咗入場喇，心入面好焦急，都冇計啦，唯有焗住可能玩小啲遊戲設施啦🤨🤨🤨🤔🤔🤔

點知錯有錯著，我地連入場都唔洗排隊，好順利咁衝咗去哈利波特個到🤤🤤

圖片來源：img.onl

哈利波特園區

圖片來源：img.onl
哈利波特禁忌之旅：呢個機動遊戲可以話係必玩，個個都瘋狂排隊，今次我都係第一次玩，所以就要試試佢。我地最後好好彩地等咗20分鐘就玩到😆😆😆
玩後感：坐係一個車廂入面會上下移動，幻想一下自己坐係個掃帚上面周圍飛，當中會見齊你認識嘅角色。當你坐上掃帚嘅時候，你就會扮演哈利波特嘅其中一個角色，會一齊打魁地奇，一齊比催狂魔追，都幾逼真同刺激。

小小兵minions 園區

圖片來源：img.onl

小小兵瘋狂乘車遊: 呢個機動遊戲特別多家庭排隊，一等就要等2個小時😭😭
玩後感：呢個乘車遊我諗自己玩過一次之後，就永遠唔想再玩。首先等得太耐，其次係玩完好想嘔🤮，原因係你坐係小小兵嫁飛船入面，就好似你玩梗「神偷奶爸」個game咁，不繼係到跟著隻小小兵跑，上下係咁搖，搖到我都頂唔順，好想嘔，重點冇乜特別之處😑

同小小兵影相
呢個園區成日都有幾隻小小兵係到同大家影相，不過你地諗住會排隊影相？你地唔好諗到成件事太天真😂個啲小小兵見你係小朋友先會拉你影相，或者啲人會瘋狂插隊影相🤯🤯

New York大街園區

圖片來源：img.onl

蜘蛛俠驚魂歷驗記乘車遊4K3D
見到有隻大蜘蛛俠嘅banner 就唔好錯過喇，呢個又係必玩嘅，不過佢好多時候都係要等1小時。
玩後感：呢個真係超好玩😍😍，帶住3D眼鏡，坐係嫁車上面，跟住蜘蛛俠周圍去。當中有啲場景係蜘蛛俠嘅故事發生過，重點係嫁車會跟著唔同嘅場景而有所配合😛😛

芝麻街寶萊塢
呢個真係可去可不去
玩後感：入到去聽啲staff講日文，同啲guest互動;入到場之後帶番副3D眼鏡🕶，之後就開始睇芝麻街劇場。

環球奇景

Elmo的GO GO滑板
小型海盜船
玩後感：適合小朋友玩，不是太大離心力。

環球影城午間parade (萬聖節)