【李城惡夢】沒有華迪的兩場比賽如何捱下去

李城在今場對韋斯咸初段18分鐘就靠華迪今季個人第22球先開紀錄，本以為實掂啦今場又，點知去到中段就係李城惡夢既開始，56分鐘華迪被球證認為插水，給予第二面黃牌被逐離場，之後起84同86連續兩分鐘內被韋斯咸的安祖卡路爾和艾朗加斯威爾入球反超，當臨完場以為失分之際，幸得李城首席「絕殺專員」荷西烏路亞再做救世主起95分鐘扳平，執番1分落袋，睇怕今場之後都冇人會再坐定粒六咁話李城贏硬。因為今場波李城令李城失去華迪起餘下既兩場賽事，其中一場仲要係對曼聯，所以對李城同球迷黎講都好傷，始終華迪都係曼聯天敵，上季炒過曼聯5比3，今次真係考起雲帥喇，會唔會連個天都叫李城提早準備定冇咗華dee呢!