韓燒 ♥ 梨滿園 ~ 不可不試的韓式醬油蟹

韓燒 ♥ 梨滿園 ~ 不可不試的韓式醬油蟹
自從上年去完韓國, 就念念不忘韓國美食
今次與友人聚會, 就建議去梨滿園韓國料理食, 因為他們有醬油蟹食啊~呵呵~~

店內環境寬敞, 每台之間距離大, 大家可以放心吹水~^^~
食韓燒當然唔少得前菜, 夏沫叫左杯蜂蜜紅棗茶, 清清地幾好味

左上 ~ 已醃的牛肋骨, 肉質幼嫩帶香濃肉味, 非常可口
右上 ~ 已醃的烤牛肉, 肉質細滑, 醃得剛剛好, 推介
左下 ~ 濟洲島黑毛豬頸肉 (相片打錯了名字, 嘻~) 既爽既稔的, 好有口感, 感覺不錯右下 ~ 牛味濃郁的無骨背肩肉, 平均的雪花紋令咬下去滲出啖啖肉汁, 鮮味可口

超好味的鮮帶子, 吃得出的新鮮, 粒粒湯匙咁大
鮮味十足, 燒過後入口, 帶子鮮味更豐富, 彈牙到不得了~好想再吃呢~

烤無骨雞脾肉, 燒過的雞肉份外香口, 爽滑彈牙, 唔錯

話左黎試韓式生醃醬油蟹, 點可以唔叫, 味道跟在韓國吃的差不多
是帶點醬油味太重, 但混飯一起吃就剛剛好
可惜蟹比較細隻, 未吃過的您可能不知道, 生醃醬油蟹肉質會變得很軟棉棉
一口就能啜出所有蟹肉, 因為有醬油醃過, 所以沒有腥味

牛肋骨湯, 好好味啊~牛肋骨煲到非常軟身, 入口即溶化口中
濃郁牛味的湯底配清清地的白蘿蔔, 味道混合得剛剛好, 很喜歡這個湯呢~

蛋拌生牛肉絲, 本來夏沫不敢吃的, 誰不知有幾個友人都不吃, 就我來吧~
將蛋黃篤穿後加入水梨絲及其他配菜混在一起
入口又幾好味喎~好清新爽口, 有令人吃完想再吃的衝動

每次去韓國都必吃的高麗人參雞湯, 今次當然都要叫
不過參味不太夠, 但湯內竟然有原隻鮑魚, 仲好彈牙添

炒牛肉粉絲, 粉絲保留彈牙口感, 配合菜同蘿蔔絲, 啖啖爽口

如果喜歡我們的文章，請即分享到︰