家庭聚餐 ♥ 溫馨團年飯 ~ 特色中菜廳「唐宮壹號」

家庭聚餐 ♥ 溫馨團年飯 ~ 特色中菜廳「唐宮壹號」
傳統團年飯都係同屋企人食, 但係近年興起左同至親既好朋友都會食團年飯
其實都係大家搵個藉口聚下者~
話說今年既團年飯係位於灣仔呢間「唐宮壹號」度食
一上到竟然撞到朋友仔都係到等位, 哈哈~~果然識食~

團年飯總係覺得食中菜比較岩 Feel
而且老爺奶奶媽咪老豆都係鍾意食中菜
「唐宮壹號」位於灣仔合和中心, 唔難搵, 而且餐廳環境非常寬敞舒適
最喜歡它樓底高, 傾計唔洗擔心嘈到人~食得舒服自在
坐坐下發現餐廳旁邊有D好似雀籠咁既位置好得意呀~
好想坐入去呀~哈哈~~不過俾人訂晒位了~

食中菜通常都要飲返碗湯滋補下
「三果花膠燉太和雞」, 足料靚湯, 清潤滋陰不油膩,
不過花膠味不夠濃, 所以沒有膠質的感覺
最近天氣太凍, 所以覺得湯都不夠熱了

「無酒精紅酒」好有趣的名字, 原來是100% 野生藍莓汁, 加拿大原裝入口不加糖
味道非常易入口, 濃濃的藍莓味甜甜地, 想一飲再飲
如果紅酒都是這個味道夏沫一定飲唔停口
不過飲後牙齒跟舌頭都被沾成藍色了, 哈哈~~

「壹哥叉燒皇」半肥瘦叉燒我認為是最完美的, 口感夾雜著油香和肉香, 份外滋味
叉燒肉質竟是爽口, 邊咀嚼邊享受那份油香和肉汁, 確是叉燒皇無誤

「唐宮金獎乳鴿」~ 乳鴿最緊要皮脆肉嫩, 這裡的乳鴿是由餐廳的自家農場飼養
乳鴿只飼養 20 天, 雖然細小一點, 但肉卻不少, 皮薄香脆, 縱使怕肥都要把皮盡吃
肉質嫩滑可口, 不太鹹, 味道剛好, 半隻實在不夠喉~哈哈~~

「老湯醬蘿蔔」有如盛放著的蓮花, 賣相美觀, 不過當桌上還有叉燒皇的時候,
當然先吃叉燒皇, 後來一吃原來是冷盤來的, 口感爽口, 有點似食緊爽口既薑, 有點微辣
這其實是開胃前菜, 吃得出有花椒八角,
不過夏沫還是比較喜歡吃熱的, 這道菜淺嚐幾片就夠

「黑松露野菌」至愛黑松露和野菌走在一起, 味道夾得天衣無逄
爽口野菌淡淡充滿黑松露香, 而且難得的上桌時非常熱騰騰, 我們都食極唔停

「清蒸東星斑」碟很大, 感覺魚好細條似的
幼滑魚肉, 味道不錯, 喜歡吃魚的我, 覺得魚身太薄, 不太多肉
蒸既時間岩岩好, 魚肉仍然保持最滑嫩既口感

「新鮮黑草羊腩煲」熱騰騰滾住上桌, 天寒地凍最好就係食羊腩煲暖下個胃吸滿汁的羊腩好「軟林林」幾乎不用太多咀嚼呢~

不過最好味的卻是「伴堂弄唐生菜」, 在羊腩煲內加入唐生菜再煮,
充滿羊腩汁的唐生菜真的非常美味, 不過女孩子的肚不能吃太多呢~
其實很想再吃啊~^^~

「椰皇燉葛仙米」一向不吃白色奶類食品都被小椰皇賣相吸引
淺嚐幾口, 原來葛仙米感覺好得意, 一粒一粒好似會爆開咁
又清又甜又滋潤還可以清火明目, 不錯不錯

「健康燒脂菜汁」綠色那杯加入了菜心、青蘋果、菠蘿、青檸及檸檬, 清新易入口
紅色那杯加入了紅菜頭、菠蘿、青檸及檸檬, 比較清甜一點
即叫即榨的菜汁健康又新鮮

如果喜歡我們的文章，請即分享到︰