去另一半度見佢屋企人有咩禁忌？

唔少人為左見家長呢回事覺得好苦惱，一方面唔想自己出醜 另一方面又想表現自己...咁究竟點做先可以令到對方父母中意你呢？想知既話，你應該快啲轆落下面睇下有咩應做同唔應做喇：


【應該做DO】

一入門要叫人
如果父母年紀唔太大，你可以叫佢地叔叔同姨姨；而年紀大就可以直接叫世伯、伯母。唔好因為怕醜唔叫人，唔識叫人係非常冇禮貌架，就算平時見到鄰居都要嗌人啦係咪。而其他親戚就可以跟住男/女朋友叫，例如家姐，表哥等等。

要先問對方屋企有冇咩習慣同禮儀
可能有啲屋企唔洗除鞋，亦可能有啲屋企要先洗手等等等，總之禮儀要跟足。

可以送禮
你可能覺得好老土，但係人地父母口裡說不，心裡卻很誠實。入屋時送野可以暗中為你加左唔少分，最好送酒/生果/海味，唔好送零食喇，拜年咩。

客套說話唔少得唔該/多謝/唔洗啦/麻煩你，呢啲說話多講係冇問題，最怕唔講。

主動幫手
假若對方父母想倒茶或者拎餸出黎/洗碗之類，你一定要主動話唔洗，自己黎就得。如果佢一定要自己做返，你就要行埋去幫手。


【唔應該做DON'T】

唔好一枝箭走入房
一入屋應該同父母寒暄下先，我知你好珍惜同另一半一齊既時間，不過關心人地係必要既，否則人地屋企人覺得你結婚後都唔會理佢地。

亂搞人地既野
唔好當係自己屋企，始終對方父母係度，要知情識趣。
_________________________________________________________________

如果中意我既文可以去我Instagram ：lovestoryhk

_________________________________________________________________